૨૪૩. નિયસ્સકમ્મકથા

૪૧૨. ઇધ પન, ભિક્ખવે, ભિક્ખુ બાલો હોતિ અબ્યત્તો આપત્તિબહુલો અનપદાનો, ગિહિસંસટ્ઠો વિહરતિ અનનુલોમિકેહિ ગિહિસંસગ્ગેહિ. તત્ર ચે ભિક્ખૂનં એવં હોતિ – ‘‘અયં ખો, આવુસો, ભિક્ખુ બાલો અબ્યત્તો આપત્તિબહુલો અનપદાનો, ગિહિસંસટ્ઠો વિહરતિ અનનુલોમિકેહિ ગિહિસંસગ્ગેહિ. હન્દસ્સ મયં નિયસ્સકમ્મં કરોમા’’તિ. તે તસ્સ નિયસ્સકમ્મં કરોન્તિ – અધમ્મેન વગ્ગા. સો તમ્હા આવાસા અઞ્ઞં આવાસં ગચ્છતિ. તત્થપિ ભિક્ખૂનં એવં હોતિ – ‘‘અયં ખો, આવુસો, ભિક્ખુ સઙ્ઘેન નિયસ્સકમ્મકતો અધમ્મેન વગ્ગેહિ. હન્દસ્સ મયં નિયસ્સકમ્મં કરોમા’’તિ. તે તસ્સ નિયસ્સકમ્મં કરોન્તિ – અધમ્મેન સમગ્ગા…પે… ધમ્મેન વગ્ગા… ધમ્મપતિરૂપકેન વગ્ગા… ધમ્મપતિરૂપકેન સમગ્ગા…પે….

યથા હેટ્ઠા, તથા ચક્કં કાતબ્બં.

નિયસ્સકમ્મકથા નિટ્ઠિતા.