૧. ચક્ખુસુત્તં

૩૨૨. સાવત્થિનિદાનં. ‘‘યો, ભિક્ખવે, ચક્ખુસ્મિં છન્દરાગો, ચિત્તસ્સેસો ઉપક્કિલેસો. યો સોતસ્મિં છન્દરાગો, ચિત્તસ્સેસો ઉપક્કિલેસો. યો ઘાનસ્મિં છન્દરાગો, ચિત્તસ્સેસો ઉપક્કિલેસો. યો જિવ્હાય છન્દરાગો, ચિત્તસ્સેસો ઉપક્કિલેસો. યો કાયસ્મિં છન્દરાગો, ચિત્તસ્સેસો ઉપક્કિલેસો. યો મનસ્મિં છન્દરાગો, ચિત્તસ્સેસો ઉપક્કિલેસો. યતો ખો, ભિક્ખવે, ભિક્ખુનો ઇમેસુ છસુ ઠાનેસુ ચેતસો ઉપક્કિલેસો પહીનો હોતિ, નેક્ખમ્મનિન્નઞ્ચસ્સ ચિત્તં હોતિ. નેક્ખમ્મપરિભાવિતં ચિત્તં કમ્મનિયં ખાયતિ, અભિઞ્ઞા સચ્છિકરણીયેસુ ધમ્મેસૂ’’તિ. પઠમં.