૫૫. સાતચ્ચમૂલકસપ્પાયકારીસુત્તં

૭૧૬. સાવત્થિનિદાનં. ‘‘ચતારોમે, ભિક્ખવે, ઝાયી. કતમે ચત્તારો? ઇધ, ભિક્ખવે, એકચ્ચો ઝાયી સમાધિસ્મિં સાતચ્ચકારી હોતિ, ન સમાધિસ્મિં સપ્પાયકારી. ઇધ પન, ભિક્ખવે, એકચ્ચો ઝાયી સમાધિસ્મિં સપ્પાયકારી હોતિ, ન સમાધિસ્મિં સાતચ્ચકારી. ઇધ પન, ભિક્ખવે, એકચ્ચો ઝાયી નેવ સમાધિસ્મિં સાતચ્ચકારી હોતિ, ન ચ સમાધિસ્મિં સપ્પાયકારી. ઇધ પન, ભિક્ખવે, એકચ્ચો ઝાયી સમાધિસ્મિં સાતચ્ચકારી ચ હોતિ, સમાધિસ્મિં સપ્પાયકારી ચ. તત્ર, ભિક્ખવે, ય્વાયં ઝાયી સમાધિસ્મિં સાતચ્ચકારી ચ હોતિ સમાધિસ્મિં સપ્પાયકારી ચ અયં ઇમેસં ચતુન્નં ઝાયીનં અગ્ગો ચ સેટ્ઠો ચ મોક્ખો ચ ઉત્તમો ચ પવરો ચ. સેય્યથાપિ, ભિક્ખવે, ગવા ખીરં, ખીરમ્હા દધિ, દધિમ્હા નવનીતં, નવનીતમ્હા સપ્પિ, સપ્પિમ્હા સપ્પિમણ્ડો તત્ર અગ્ગમક્ખાયતિ; એવમેવ ખો, ભિક્ખવે, ય્વાયં ઝાયી સમાધિસ્મિં સાતચ્ચકારી ચ હોતિ, સમાધિસ્મિં સપ્પાયકારી અયં ઇમેસં ચતુન્નં ઝાયીનં અગ્ગો ચ સેટ્ઠો ચ મોક્ખો ચ ઉત્તમો ચ પવરો ચા’’તિ. ઇદમવોચ ભગવા. અત્તમના તે ભિક્ખૂ ભગવતો ભાસિતં અભિનન્દુન્તિ. પઞ્ચપઞ્ઞાસમં. (યથા પઞ્ચપઞ્ઞાસં વેય્યાકરણાનિ હોન્તિ તથા વિત્થારેતબ્બાનિ.)

ઝાનસંયુત્તં [સમાધિસંયુત્તં (સ્યા. કં.)] સમત્તં.