૨. મેખલાદાયિકાથેરીઅપદાનં

૨૦. ‘‘સિદ્ધત્થસ્સ ભગવતો, થૂપકારાપિકા અહું [થૂપકાર મકાસહં (સ્યા.)];

મેખલિકા મયા દિન્ના, નવકમ્માય સત્થુનો.

૨૧. ‘‘નિટ્ઠિતે ચ મહાથૂપે, મેખલં પુનદાસહં;

લોકનાથસ્સ મુનિનો, પસન્ના સેહિ પાણિભિ.

૨૨. ‘‘ચતુન્નવુતિતો કપ્પે, યં મેખલમદં તદા;

દુગ્ગતિં નાભિજાનામિ, થૂપકારસ્સિદં ફલં.

૨૩. ‘‘કિલેસા ઝાપિતા મય્હં…પે… વિહરામિ અનાસવા.

૨૪. ‘‘સ્વાગતં વત મે આસિ…પે… કતં બુદ્ધસ્સ સાસનં.

૨૫. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં મેખલાદાયિકા ભિક્ખુની ઇમા ગાથાયો અભાસિત્થાતિ.

મેખલાદાયિકાથેરિયાપદાનં દુતિયં.