૪-૫. ઉક્કચેલસુત્તાદિવણ્ણના

૩૮૦-૩૮૧. ચતુત્થે અચિરપરિનિબ્બુતેસુ સારિપુત્તમોગ્ગલ્લાનેસૂતિ નચિરપરિનિબ્બુતેસુ દ્વીસુ અગ્ગસાવકેસુ. તેસઞ્હિ ધમ્મસેનાપતિ કત્તિકમાસપુણ્ણમાય પરિનિબ્બુતો, મહામોગ્ગલ્લાનો તતો અડ્ઢમાસં અતિક્કમ્મ અમાવસુપોસથે. સત્થા દ્વીસુ અગ્ગસાવકેસુ પરિનિબ્બુતેસુ મહાભિક્ખુસઙ્ઘપરિવારો મહામણ્ડલે ચારિકં ચરમાનો અનુપુબ્બેન ઉક્કચેલનગરં પત્વા તત્થ પિણ્ડાય ચરિત્વા ગઙ્ગાપિટ્ઠે રજતપટ્ટવણ્ણવાલિકાપુલિને વિહાસિ. તેન વુત્તં ‘‘અચિરપરિનિબ્બુતેસુ સારિપુત્તમોગ્ગલ્લાનેસૂ’’તિ. યે મહન્તતરા ખન્ધા તે પલુજ્જેય્યુન્તિ ઇધાપિ યોજનસતુબ્બેધો મહાજમ્બુરુક્ખો વિય ભિક્ખુસઙ્ઘો, તસ્સ દક્ખિણતો ચ ઉત્તરતો ચ ગતા પણ્ણાસયોજનિકા દ્વે મહાખન્ધા વિય દ્વે અગ્ગસાવકાતિ. સેસં પુરિમનયેનેવ યોજેતબ્બં. પઞ્ચમે દિટ્ઠીતિ કમ્મસ્સકદિટ્ઠિ.