૬. સૂરિયપેય્યાલવગ્ગવણ્ણના

૪૯-૬૨. સૂરિયપેય્યાલે અરુણુગ્ગં વિય કલ્યાણમિત્તત્તા, કલ્યાણમિત્તતાય ઠત્વા નિબ્બત્તિતો સવિપસ્સનઅરિયમગ્ગો સૂરિયપાતુભાવો વિયાતિ એવં સબ્બત્થ અત્થો વેદિતબ્બો. સીલસમ્પદાતિ ચતુપારિસુદ્ધિસીલં. છન્દસમ્પદાતિ કુસલકત્તુકમ્યતાછન્દો. અત્તસમ્પદાતિ સમ્પન્નચિત્તતા. દિટ્ઠિસમ્પદાતિ ઞાણસમ્પત્તિ. અપ્પમાદસમ્પદાતિ કારાપકઅપ્પમાદસમ્પત્તિ. યોનિસોમનસિકારસમ્પદાતિ ઉપાયમનસિકારસમ્પત્તિ. પુન કલ્યાણમિત્તતાતિઆદીનિ સમ્માદિટ્ઠિઆદીનં અઞ્ઞેનપિ આકારેન ભાવદસ્સનત્થં વુત્તાનિ. સબ્બાનેવ ચેતાનિ સુત્તાનિ પાટિયેક્કં પુગ્ગલજ્ઝાસયવસેન વુત્તાનીતિ.

સૂરિયપેય્યાલવગ્ગો.