૧-૧૦. ચક્ખુસુત્તાદિવણ્ણના

૩૦૨-૩૧૧. ઓક્કન્તસંયુત્તે અધિમુચ્ચતીતિ સદ્ધાધિમોક્ખં પટિલભતિ. ઓક્કન્તો સમ્મત્તનિયામન્તિ પવિટ્ઠો અરિયમગ્ગં. અભબ્બો ચ તાવ કાલં કાતુન્તિ ઇમિના ઉપ્પન્ને મગ્ગે ફલસ્સ અનન્તરાયતં દીપેતિ. ઉપ્પન્નસ્મિઞ્હિ મગ્ગે ફલસ્સ અન્તરાયકરણં નામ નત્થિ. તેનેવાહ – ‘‘અયઞ્ચ પુગ્ગલો સોતાપત્તિફલસચ્છિકિરિયાય પટિપન્નો અસ્સ, કપ્પસ્સ ચ ઉડ્ડય્હનવેલા અસ્સ, નેવ તાવ કપ્પો ઉડ્ડય્હેય્ય, યાવાયં પુગ્ગલો ન સોતાપત્તિફલં સચ્છિકરોતિ, અયં વુચ્ચતિ પુગ્ગલો ઠિતકપ્પી’’તિ (પુ. પ. ૧૭). મત્તસો નિજ્ઝાનં ખમન્તીતિ પમાણતો ઓલોકનં ખમન્તિ. સેસં સબ્બત્થ ઉત્તાનમેવાતિ.

ઓક્કન્તસંયુત્તવણ્ણના નિટ્ઠિતા.