૨. દુતિયગમનાદિવગ્ગવણ્ણના

૨૨૪-૩૦૧. દુતિયં ગમનં દુક્ખવસેન વુત્તં. તત્રાપિ અટ્ઠારસેવ વેય્યાકરણાનિ, તતો પરાનિ ‘‘રૂપી અત્તા હોતી’’તિઆદીનિ અટ્ઠ વેય્યાકરણાનિ, તેહિ સદ્ધિં તં દુતિયપેય્યાલોતિ વુત્તો.

તત્થ રૂપીતિ આરમ્મણમેવ ‘‘અત્તા’’તિ ગહિતદિટ્ઠિ. અરૂપીતિ ઝાનં ‘‘અત્તા’’તિ ગહિતદિટ્ઠિ. રૂપી ચ અરૂપી ચાતિ આરમ્મણઞ્ચ ઝાનઞ્ચ ‘‘અત્તા’’તિ ગહિતદિટ્ઠિ. નેવ રૂપી નારૂપીતિ તક્કમત્તેન ગહિતદિટ્ઠિ. એકન્તસુખીતિ લાભીતક્કીજાતિસ્સરાનં ઉપ્પન્નદિટ્ઠિ. ઝાનલાભિનોપિ હિ અતીતે એકન્તસુખં અત્તભાવં મનસિકરોતો એવં દિટ્ઠિ ઉપ્પજ્જતિ. તક્કિનોપિ ‘‘યથા એતરહિ અહં એકન્તસુખી, એવં સમ્પરાયેપિ ભવિસ્સામી’’તિ ઉપ્પજ્જતિ. જાતિસ્સરસ્સપિ સત્તટ્ઠભવે સુખિતભાવં પસ્સન્તસ્સ એવં ઉપ્પજ્જતિ, એકન્તદુક્ખીતિઆદીસુપિ એસેવ નયો.

તતિયપેય્યાલો અનિચ્ચદુક્ખવસેન તેહિયેવ છબ્બીસતિયા સુત્તેહિ વુત્તો, ચતુત્થપેય્યાલો તિપરિવટ્ટવસેનાતિ.

દિટ્ઠિસંયુત્તવણ્ણના નિટ્ઠિતા.