૪. ચોરસુત્તવણ્ણના

૮૪. ચતુત્થે મહાચોરોતિ રજ્જન્તરે દુબ્ભિતું સમત્થો મહાચોરો. પરિયાપજ્જતીતિ પરિયાદાનં ગચ્છતિ. ન ચિરટ્ઠિતિકો હોતીતિ અદ્ધાનં પાલેન્તો ઠાતું ન સક્કોતિ. અપ્પહરન્તસ્સ પહરતીતિ અત્તનો અવેરિને અપ્પહરન્તે ગુણસમ્પન્ને ચ મહલ્લકે ચ તરુણદારકે ચ અપ્પહરિતબ્બયુત્તકે પહરતિ. અનવસેસં આદિયતીતિ નિસ્સેસં ગણ્હાતિ. બ્યત્તચોરાનઞ્હિ ઇદં વત્તં – પરસ્સ દ્વીસુ સાટકેસુ એકો ગહેતબ્બો, એકસ્મિં સન્તે દુબ્બલં દત્વા થિરો ગહેતબ્બો. પુટભત્તતણ્ડુલાદીસુ એકં કોટ્ઠાસં દત્વા એકો ગહેતબ્બોતિ. અચ્ચાસન્ને કમ્મં કરોતીતિ ગામનિગમરાજધાનીનં આસન્નટ્ઠાને ચોરિકકમ્મં કરોતિ. ન ચ નિધાનકુસલો હોતીતિ યં લદ્ધં, તં દક્ખિણેય્યે નિદહિતું છેકો ન હોતિ, પરલોકમગ્ગં ન સોધેતિ.