(૨) અતીતવારો

(ક) અનુલોમપુગ્ગલો

૧૭૫. (ક) યસ્સ કુસલા ધમ્મા ઉપ્પજ્જિત્થ તસ્સ અકુસલા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અકુસલા ધમ્મા નિરુજ્ઝિત્થ તસ્સ કુસલા ધમ્મા ઉપ્પજ્જિત્થાતિ? આમન્તા.

(ક) યસ્સ કુસલા ધમ્મા ઉપ્પજ્જિત્થ તસ્સ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અબ્યાકતા ધમ્મા નિરુજ્ઝિત્થ તસ્સ કુસલા ધમ્મા ઉપ્પજ્જિત્થાતિ? આમન્તા.

૧૭૬. (ક) યસ્સ અકુસલા ધમ્મા ઉપ્પજ્જિત્થ તસ્સ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અબ્યાકતા ધમ્મા નિરુજ્ઝિત્થ તસ્સ અકુસલા ધમ્મા ઉપ્પજ્જિત્થાતિ? આમન્તા.

(ખ) અનુલોમઓકાસો

૧૭૭. (ક) યત્થ કુસલા ધમ્મા ઉપ્પજ્જિત્થ તત્થ અકુસલા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અકુસલા ધમ્મા નિરુજ્ઝિત્થ તત્થ કુસલા ધમ્મા ઉપ્પજ્જિત્થાતિ? આમન્તા.

(ક) યત્થ કુસલા ધમ્મા ઉપ્પજ્જિત્થ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અબ્યાકતા ધમ્મા નિરુજ્ઝિત્થ તત્થ કુસલા ધમ્મા ઉપ્પજ્જિત્થાતિ?

અસઞ્ઞસત્તે તત્થ અબ્યાકતા ધમ્મા નિરુજ્ઝિત્થ, નો ચ તત્થ કુસલા ધમ્મા ઉપ્પજ્જિત્થ. ચતુવોકારે પઞ્ચવોકારે તત્થ અબ્યાકતા ચ ધમ્મા નિરુજ્ઝિત્થ કુસલા ચ ધમ્મા ઉપ્પજ્જિત્થ.

૧૭૮. (ક) યત્થ અકુસલા ધમ્મા ઉપ્પજ્જિત્થ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અબ્યાકતા ધમ્મા નિરુજ્ઝિત્થ તત્થ અકુસલા ધમ્મા ઉપ્પજ્જિત્થાતિ?

અસઞ્ઞસત્તે તત્થ અબ્યાકતા ધમ્મા નિરુજ્ઝિત્થ, નો ચ તત્થ અકુસલા ધમ્મા ઉપ્પજ્જિત્થ. ચતુવોકારે પઞ્ચવોકારે તત્થ અબ્યાકતા ચ ધમ્મા નિરુજ્ઝિત્થ અકુસલા ચ ધમ્મા ઉપ્પજ્જિત્થ.

(ગ) અનુલોમપુગ્ગલોકાસા

૧૭૯. (ક) યસ્સ યત્થ કુસલા ધમ્મા ઉપ્પજ્જિત્થ તસ્સ તત્થ અકુસલા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અકુસલા ધમ્મા નિરુજ્ઝિત્થ તસ્સ તત્થ કુસલા ધમ્મા ઉપ્પજ્જિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને તેસં તત્થ અકુસલા ધમ્મા નિરુજ્ઝિત્થ, નો ચ તેસં તત્થ કુસલા ધમ્મા ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ અકુસલા ચ ધમ્મા નિરુજ્ઝિત્થ કુસલા ચ ધમ્મા ઉપ્પજ્જિત્થ.

(ક) યસ્સ યત્થ કુસલા ધમ્મા ઉપ્પજ્જિત્થ તસ્સ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અબ્યાકતા ધમ્મા નિરુજ્ઝિત્થ તસ્સ તત્થ કુસલા ધમ્મા ઉપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અબ્યાકતા ધમ્મા નિરુજ્ઝિત્થ, નો ચ તેસં તત્થ કુસલા ધમ્મા ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ અબ્યાકતા ચ ધમ્મા નિરુજ્ઝિત્થ કુસલા ચ ધમ્મા ઉપ્પજ્જિત્થ.

૧૮૦. (ક) યસ્સ યત્થ અકુસલા ધમ્મા ઉપ્પજ્જિત્થ તસ્સ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અબ્યાકતા ધમ્મા નિરુજ્ઝિત્થ તસ્સ તત્થ અકુસલા ધમ્મા ઉપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અબ્યાકતા ધમ્મા નિરુજ્ઝિત્થ, નો ચ તેસં તત્થ અકુસલા ધમ્મા ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ અબ્યાકતા ચ ધમ્મા નિરુજ્ઝિત્થ અકુસલા ચ ધમ્મા ઉપ્પજ્જિત્થ.

(ઘ) પચ્ચનીકપુગ્ગલો

૧૮૧. (ક) યસ્સ કુસલા ધમ્મા ન ઉપ્પજ્જિત્થ તસ્સ અકુસલા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અકુસલા ધમ્મા ન નિરુજ્ઝિત્થ તસ્સ કુસલા ધમ્મા ન ઉપ્પજ્જિત્થાતિ? નત્થિ.

(ક) યસ્સ કુસલા ધમ્મા ન ઉપ્પજ્જિત્થ તસ્સ અબ્યાકતા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અબ્યાકતા ધમ્મા ન નિરુજ્ઝિત્થ તસ્સ કુસલા ધમ્મા ન ઉપ્પજ્જિત્થાતિ? નત્થિ.

૧૮૨. (ક) યસ્સ અકુસલા ધમ્મા ન ઉપ્પજ્જિત્થ તસ્સ અબ્યાકતા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અબ્યાકતા ધમ્મા ન નિરુજ્ઝિત્થ તસ્સ અકુસલા ધમ્મા ન ઉપ્પજ્જિત્થાતિ? નત્થિ.

(ઙ) પચ્ચનીકઓકાસો

૧૮૩. (ક) યત્થ કુસલા ધમ્મા ન ઉપ્પજ્જિત્થ તત્થ અકુસલા ધમ્મા ન નિરુજ્ઝિત્થાતિ? આમન્તા.

(ખ) યત્થ વા પન અકુસલા ધમ્મા ન નિરુજ્ઝિત્થ તત્થ કુસલા ધમ્મા ન ઉપ્પજ્જિત્થાતિ? આમન્તા.

(ક) યત્થ કુસલા ધમ્મા ન ઉપ્પજ્જિત્થ તત્થ અબ્યાકતા ધમ્મા ન નિરુજ્ઝિત્થાતિ? નિરુજ્ઝિત્થ.

(ખ) યત્થ વા પન અબ્યાકતા ધમ્મા ન નિરુજ્ઝિત્થ તત્થ કુસલા ધમ્મા ન ઉપ્પજ્જિત્થાતિ? નત્થિ.

૧૮૪. (ક) યત્થ અકુસલા ધમ્મા ન ઉપ્પજ્જિત્થ તત્થ અબ્યાકતા ધમ્મા ન નિરુજ્ઝિત્થાતિ? નિરુજ્ઝિત્થ.

(ખ) યત્થ વા પન અબ્યાકતા ધમ્મા ન નિરુજ્ઝિત્થ તત્થ અકુસલા ધમ્મા ન ઉપ્પજ્જિત્થાતિ? નત્થિ.

(ચ) પચ્ચનીકપુગ્ગલોકાસા

૧૮૫. (ક) યસ્સ યત્થ કુસલા ધમ્મા ન ઉપ્પજ્જિત્થ તસ્સ તત્થ અકુસલા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને તેસં તત્થ કુસલા ધમ્મા ન ઉપ્પજ્જિત્થ, નો ચ તેસં તત્થ અકુસલા ધમ્મા ન નિરુજ્ઝિત્થ. સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કુસલા ચ ધમ્મા ન ઉપ્પજ્જિત્થ અકુસલા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અકુસલા ધમ્મા ન નિરુજ્ઝિત્થ તસ્સ તત્થ કુસલા ધમ્મા ન ઉપ્પજ્જિત્થાતિ? આમન્તા.

(ક) યસ્સ યત્થ કુસલા ધમ્મા ન ઉપ્પજ્જિત્થ તસ્સ તત્થ અબ્યાકતા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કુસલા ધમ્મા ન ઉપ્પજ્જિત્થ, નો ચ તેસં તત્થ અબ્યાકતા ધમ્મા ન નિરુજ્ઝિત્થ. સુદ્ધાવાસં ઉપપજ્જન્તાનં તેસં તત્થ કુસલા ચ ધમ્મા ન ઉપ્પજ્જિત્થ અબ્યાકતા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અબ્યાકતા ધમ્મા ન નિરુજ્ઝિત્થ તસ્સ તત્થ કુસલા ધમ્મા ન ઉપ્પજ્જિત્થાતિ? આમન્તા.

૧૮૬. (ક) યસ્સ યત્થ અકુસલા ધમ્મા ન ઉપ્પજ્જિત્થ તસ્સ તત્થ અબ્યાકતા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અકુસલા ધમ્મા ન ઉપ્પજ્જિત્થ, નો ચ તેસં તત્થ અબ્યાકતા ધમ્મા ન નિરુજ્ઝિત્થ. સુદ્ધાવાસં ઉપપજ્જન્તાનં તેસં તત્થ અકુસલા ચ ધમ્મા ન ઉપ્પજ્જિત્થ અબ્યાકતા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અબ્યાકતા ધમ્મા ન નિરુજ્ઝિત્થ તસ્સ તત્થ અકુસલા ધમ્મા ન ઉપ્પજ્જિત્થાતિ? આમન્તા.