(૨) અતીતવારો

(ક) અનુલોમપુગ્ગલો

૧૧૧. (ક) યસ્સ કુસલા ધમ્મા નિરુજ્ઝિત્થ તસ્સ અકુસલા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અકુસલા ધમ્મા નિરુજ્ઝિત્થ તસ્સ કુસલા ધમ્મા નિરુજ્ઝિત્થાતિ? આમન્તા.

(ક) યસ્સ કુસલા ધમ્મા નિરુજ્ઝિત્થ તસ્સ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અબ્યાકતા ધમ્મા નિરુજ્ઝિત્થ તસ્સ કુસલા ધમ્મા નિરુજ્ઝિત્થાતિ? આમન્તા.

૧૧૨. (ક) યસ્સ અકુસલા ધમ્મા નિરુજ્ઝિત્થ તસ્સ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન અબ્યાકતા ધમ્મા નિરુજ્ઝિત્થ તસ્સ અકુસલા ધમ્મા નિરુજ્ઝિત્થાતિ? આમન્તા.

(ખ) અનુલોમઓકાસો

૧૧૩. (ક) યત્થ કુસલા ધમ્મા નિરુજ્ઝિત્થ તત્થ અકુસલા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અકુસલા ધમ્મા નિરુજ્ઝિત્થ તત્થ કુસલા ધમ્મા નિરુજ્ઝિત્થાતિ? આમન્તા.

(ક) યત્થ કુસલા ધમ્મા નિરુજ્ઝિત્થ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અબ્યાકતા ધમ્મા નિરુજ્ઝિત્થ તત્થ કુસલા ધમ્મા નિરુજ્ઝિત્થાતિ?

અસઞ્ઞસત્તે તત્થ અબ્યાકતા ધમ્મા નિરુજ્ઝિત્થ, નો ચ તત્થ કુસલા ધમ્મા નિરુજ્ઝિત્થ. ચતુવોકારે પઞ્ચવોકારે તત્થ અબ્યાકતા ચ ધમ્મા નિરુજ્ઝિત્થ કુસલા ચ ધમ્મા નિરુજ્ઝિત્થ.

૧૧૪. (ક) યત્થ અકુસલા ધમ્મા નિરુજ્ઝિત્થ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યત્થ વા પન અબ્યાકતા ધમ્મા નિરુજ્ઝિત્થ તત્થ અકુસલા ધમ્મા નિરુજ્ઝિત્થાતિ?

અસઞ્ઞસત્તે તત્થ અબ્યાકતા ધમ્મા નિરુજ્ઝિત્થ, નો ચ તત્થ અકુસલા ધમ્મા નિરુજ્ઝિત્થ. ચતુવોકારે પઞ્ચવોકારે તત્થ અબ્યાકતા ચ ધમ્મા નિરુજ્ઝિત્થ અકુસલા ચ ધમ્મા નિરુજ્ઝિત્થ.

(ગ) અનુલોમપુગ્ગલોકાસા

૧૧૫. (ક) યસ્સ યત્થ કુસલા ધમ્મા નિરુજ્ઝિત્થ તસ્સ તત્થ અકુસલા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અકુસલા ધમ્મા નિરુજ્ઝિત્થ તસ્સ તત્થ કુસલા ધમ્મા નિરુજ્ઝિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને તેસં તત્થ અકુસલા ધમ્મા નિરુજ્ઝિત્થ, નો ચ તેસં તત્થ કુસલા ધમ્મા નિરુજ્ઝિત્થ. ઇતરેસં ચતુવોકારાનં પઞ્ચવોકારાનં તેસં તત્થ અકુસલા ચ ધમ્મા નિરુજ્ઝિત્થ કુસલા ચ ધમ્મા નિરુજ્ઝિત્થ.

(ક) યસ્સ યત્થ કુસલા ધમ્મા નિરુજ્ઝિત્થ તસ્સ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અબ્યાકતા ધમ્મા નિરુજ્ઝિત્થ તસ્સ તત્થ કુસલા ધમ્મા નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અબ્યાકતા ધમ્મા નિરુજ્ઝિત્થ, નો ચ તેસં તત્થ કુસલા ધમ્મા નિરુજ્ઝિત્થ. ઇતરેસં ચતુવોકારાનં પઞ્ચવોકારાનં તેસં તત્થ અબ્યાકતા ચ ધમ્મા નિરુજ્ઝિત્થ કુસલા ચ ધમ્મા નિરુજ્ઝિત્થ.

૧૧૬. (ક) યસ્સ યત્થ અકુસલા ધમ્મા નિરુજ્ઝિત્થ તસ્સ તત્થ અબ્યાકતા ધમ્મા નિરુજ્ઝિત્થાતિ? આમન્તા.

(ખ) યસ્સ વા પન યત્થ અબ્યાકતા ધમ્મા નિરુજ્ઝિત્થ તસ્સ તત્થ અકુસલા ધમ્મા નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અબ્યાકતા ધમ્મા નિરુજ્ઝિત્થ, નો ચ તેસં તત્થ અકુસલા ધમ્મા નિરુજ્ઝિત્થ. ઇતરેસં ચતુવોકારાનં પઞ્ચવોકારાનં તેસં તત્થ અબ્યાકતા ચ ધમ્મા નિરુજ્ઝિત્થ અકુસલા ચ ધમ્મા નિરુજ્ઝિત્થ.

(ઘ) પચ્ચનીકપુગ્ગલો

૧૧૭. (ક) યસ્સ કુસલા ધમ્મા ન નિરુજ્ઝિત્થ તસ્સ અકુસલા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અકુસલા ધમ્મા ન નિરુજ્ઝિત્થ તસ્સ કુસલા ધમ્મા ન નિરુજ્ઝિત્થાતિ? નત્થિ.

(ક) યસ્સ કુસલા ધમ્મા ન નિરુજ્ઝિત્થ તસ્સ અબ્યાકતા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અબ્યાકતા ધમ્મા ન નિરુજ્ઝિત્થ તસ્સ કુસલા ધમ્મા ન નિરુજ્ઝિત્થાતિ? નત્થિ.

૧૧૮. (ક) યસ્સ અકુસલા ધમ્મા ન નિરુજ્ઝિત્થ તસ્સ અબ્યાકતા ધમ્મા ન નિરુજ્ઝિત્થાતિ? નત્થિ.

(ખ) યસ્સ વા પન અબ્યાકતા ધમ્મા ન નિરુજ્ઝિત્થ તસ્સ અકુસલા ધમ્મા ન નિરુજ્ઝિત્થાતિ? નત્થિ.

(ઙ) પચ્ચનીકઓકાસો

૧૧૯. (ક) યત્થ કુસલા ધમ્મા ન નિરુજ્ઝિત્થ તત્થ અકુસલા ધમ્મા ન નિરુજ્ઝિત્થાતિ? આમન્તા.

(ખ) યત્થ વા પન અકુસલા ધમ્મા ન નિરુજ્ઝિત્થ તત્થ કુસલા ધમ્મા ન નિરુજ્ઝિત્થાતિ? આમન્તા.

(ક) યત્થ કુસલા ધમ્મા ન નિરુજ્ઝિત્થ તત્થ અબ્યાકતા ધમ્મા ન નિરુજ્ઝિત્થાતિ? નિરુજ્ઝિત્થ.

(ખ) યત્થ વા પન અબ્યાકતા ધમ્મા ન નિરુજ્ઝિત્થ તત્થ કુસલા ધમ્મા ન નિરુજ્ઝિત્થાતિ? નત્થિ.

૧૨૦. (ક) યત્થ અકુસલા ધમ્મા ન નિરુજ્ઝિત્થ તત્થ અબ્યાકતા ધમ્મા ન નિરુજ્ઝિત્થાતિ? નિરુજ્ઝિત્થ.

(ખ) યત્થ વા પન અબ્યાકતા ધમ્મા ન નિરુજ્ઝિત્થ તત્થ અકુસલા ધમ્મા ન નિરુજ્ઝિત્થાતિ? નત્થિ.

(ચ) પચ્ચનીકપુગ્ગલોકાસા

૧૨૧. (ક) યસ્સ યત્થ કુસલા ધમ્મા ન નિરુજ્ઝિત્થ તસ્સ તત્થ અકુસલા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે અકુસલે ચિત્તે વત્તમાને તેસં તત્થ કુસલા ધમ્મા ન નિરુજ્ઝિત્થ, નો ચ તેસં તત્થ અકુસલા ધમ્મા ન નિરુજ્ઝિત્થ. સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કુસલા ચ ધમ્મા ન નિરુજ્ઝિત્થ અકુસલા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અકુસલા ધમ્મા ન નિરુજ્ઝિત્થ તસ્સ તત્થ કુસલા ધમ્મા ન નિરુજ્ઝિત્થાતિ? આમન્તા.

(ક) યસ્સ યત્થ કુસલા ધમ્મા ન નિરુજ્ઝિત્થ તસ્સ તત્થ અબ્યાકતા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ કુસલા ધમ્મા ન નિરુજ્ઝિત્થ, નો ચ તેસં તત્થ અબ્યાકતા ધમ્મા ન નિરુજ્ઝિત્થ. સુદ્ધાવાસં ઉપપજ્જન્તાનં તેસં તત્થ કુસલા ચ ધમ્મા ન નિરુજ્ઝિત્થ અબ્યાકતા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અબ્યાકતા ધમ્મા ન નિરુજ્ઝિત્થ તસ્સ તત્થ કુસલા ધમ્મા ન નિરુજ્ઝિત્થાતિ? આમન્તા.

૧૨૨. (ક) યસ્સ યત્થ અકુસલા ધમ્મા ન નિરુજ્ઝિત્થ તસ્સ તત્થ અબ્યાકતા ધમ્મા ન નિરુજ્ઝિત્થાતિ?

સુદ્ધાવાસાનં દુતિયે ચિત્તે વત્તમાને અસઞ્ઞસત્તાનં તેસં તત્થ અકુસલા ધમ્મા ન નિરુજ્ઝિત્થ, નો ચ તેસં તત્થ અબ્યાકતા ધમ્મા ન નિરુજ્ઝિત્થ. સુદ્ધાવાસં ઉપપજ્જન્તાનં તેસં તત્થ અકુસલા ચ ધમ્મા ન નિરુજ્ઝિત્થ અબ્યાકતા ચ ધમ્મા ન નિરુજ્ઝિત્થ.

(ખ) યસ્સ વા પન યત્થ અબ્યાકતા ધમ્મા ન નિરુજ્ઝિત્થ તસ્સ તત્થ અકુસલા ધમ્મા ન નિરુજ્ઝિત્થાતિ? આમન્તા.