૩. પુગ્ગલધમ્મવારો
(૧) ઉપ્પાદનિરોધકાલસમ્ભેદવારો
૪૧. (ક) યસ્સ યં ચિત્તં ઉપ્પજ્જતિ ન નિરુજ્ઝતિ તસ્સ તં ચિત્તં નિરુજ્ઝિસ્સતિ ન ઉપ્પજ્જિસ્સતિ?
(ખ) યસ્સ વા પન યં ચિત્તં નિરુજ્ઝિસ્સતિ ન ઉપ્પજ્જિસ્સતિ તસ્સ તં ચિત્તં ઉપ્પજ્જતિ ન નિરુજ્ઝતિ?
(ક) યસ્સ યં ચિત્તં ન ઉપ્પજ્જતિ નિરુજ્ઝતિ તસ્સ તં ચિત્તં ન નિરુજ્ઝિસ્સતિ ઉપ્પજ્જિસ્સતિ?
(ખ) યસ્સ વા પન યં ચિત્તં ન નિરુજ્ઝિસ્સતિ ઉપ્પજ્જિસ્સતિ તસ્સ તં ચિત્તં ન ઉપ્પજ્જતિ નિરુજ્ઝતિ?
(૨) ઉપ્પાદુપ્પન્નવારો
૪૨. (ક) યસ્સ યં ચિત્તં ઉપ્પજ્જતિ તસ્સ તં ચિત્તં ઉપ્પન્નં?
(ખ) યસ્સ વા પન યં ચિત્તં ઉપ્પન્નં તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં ન ઉપ્પન્નં?
(ખ) યસ્સ વા પન યં ચિત્તં ન ઉપ્પન્નં તસ્સ તં ચિત્તં ન ઉપ્પજ્જતિ?
(૩) નિરોધુપ્પન્નવારો
૪૩. (ક) યસ્સ યં ચિત્તં નિરુજ્ઝતિ તસ્સ તં ચિત્તં ઉપ્પન્નં?
(ખ) યસ્સ વા પન યં ચિત્તં ઉપ્પન્નં તસ્સ તં ચિત્તં નિરુજ્ઝતિ?
(ક) યસ્સ યં ચિત્તં ન નિરુજ્ઝતિ તસ્સ તં ચિત્તં ન ઉપ્પન્નં?
(ખ) યસ્સ વા પન યં ચિત્તં ન ઉપ્પન્નં તસ્સ તં ચિત્તં ન નિરુજ્ઝતિ?
(૪) ઉપ્પાદવારો
૪૪. (ક) યસ્સ યં ચિત્તં ઉપ્પજ્જતિ તસ્સ તં ચિત્તં ઉપ્પજ્જિત્થ?
(ખ) યસ્સ વા પન યં ચિત્તં ઉપ્પજ્જિત્થ તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં ન ઉપ્પજ્જિત્થ?
(ખ) યસ્સ વા પન યં ચિત્તં ન ઉપ્પજ્જિત્થ તસ્સ તં ચિત્તં ન ઉપ્પજ્જતિ?
૪૫. (ક) યસ્સ યં ચિત્તં ઉપ્પજ્જતિ તસ્સ તં ચિત્તં ઉપ્પજ્જિસ્સતિ?
(ખ) યસ્સ વા પન યં ચિત્તં ઉપ્પજ્જિસ્સતિ તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં ન ઉપ્પજ્જિસ્સતિ?
(ખ) યસ્સ વા પન યં ચિત્તં ન ઉપ્પજ્જિસ્સતિ તસ્સ તં ચિત્તં ન ઉપ્પજ્જતિ?
૪૬. (ક) યસ્સ યં ચિત્તં ઉપ્પજ્જિત્થ તસ્સ તં ચિત્તં ઉપ્પજ્જિસ્સતિ?
(ખ) યસ્સ વા પન યં ચિત્તં ઉપ્પજ્જિસ્સતિ તસ્સ તં ચિત્તં ઉપ્પજ્જિત્થ?
(ક) યસ્સ યં ચિત્તં ન ઉપ્પજ્જિત્થ તસ્સ તં ચિત્તં ન ઉપ્પજ્જિસ્સતિ?
(ખ) યસ્સ વા પન યં ચિત્તં ન ઉપ્પજ્જિસ્સતિ તસ્સ તં ચિત્તં ન ઉપ્પજ્જિત્થ?
(૫) નિરોધવારો
૪૭. (ક) યસ્સ યં ચિત્તં નિરુજ્ઝતિ તસ્સ તં ચિત્તં નિરુજ્ઝિત્થ?
(ખ) યસ્સ વા પન યં ચિત્તં નિરુજ્ઝિત્થ તસ્સ તં ચિત્તં નિરુજ્ઝતિ?
(ક) યસ્સ યં ચિત્તં ન નિરુજ્ઝતિ તસ્સ તં ચિત્તં ન નિરુજ્ઝિત્થ?
(ખ) યસ્સ વા પન યં ચિત્તં ન નિરુજ્ઝિત્થ તસ્સ તં ચિત્તં ન નિરુજ્ઝતિ?
૪૮. (ક) યસ્સ યં ચિત્તં નિરુજ્ઝતિ તસ્સ તં ચિત્તં નિરુજ્ઝિસ્સતિ?
(ખ) યસ્સ વા પન યં ચિત્તં નિરુજ્ઝિસ્સતિ તસ્સ તં ચિત્તં નિરુજ્ઝતિ?
(ક) યસ્સ યં ચિત્તં ન નિરુજ્ઝતિ તસ્સ તં ચિત્તં ન નિરુજ્ઝિસ્સતિ?
(ખ) યસ્સ વા પન યં ચિત્તં ન નિરુજ્ઝિસ્સતિ તસ્સ તં ચિત્તં ન નિરુજ્ઝતિ?
૪૯. (ક) યસ્સ યં ચિત્તં નિરુજ્ઝિત્થ તસ્સ તં ચિત્તં નિરુજ્ઝિસ્સતિ?
(ખ) યસ્સ વા પન યં ચિત્તં નિરુજ્ઝિસ્સતિ તસ્સ તં ચિત્તં નિરુજ્ઝિત્થ?
(ક) યસ્સ યં ચિત્તં ન નિરુજ્ઝિત્થ તસ્સ તં ચિત્તં ન નિરુજ્ઝિસ્સતિ?
(ખ) યસ્સ વા પન યં ચિત્તં ન નિરુજ્ઝિસ્સતિ તસ્સ તં ચિત્તં ન નિરુજ્ઝિત્થ?
(૬) ઉપ્પાદનિરોધવારો
૫૦. (ક) યસ્સ યં ચિત્તં ઉપ્પજ્જતિ તસ્સ તં ચિત્તં નિરુજ્ઝિત્થ?
(ખ) યસ્સ વા પન યં ચિત્તં નિરુજ્ઝિત્થ તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં ન નિરુજ્ઝિત્થ?
(ખ) યસ્સ વા પન યં ચિત્તં ન નિરુજ્ઝિત્થ તસ્સ તં ચિત્તં ન ઉપ્પજ્જતિ?
૫૧. (ક) યસ્સ યં ચિત્તં ઉપ્પજ્જતિ તસ્સ તં ચિત્તં નિરુજ્ઝિસ્સતિ?
(ખ) યસ્સ વા પન યં ચિત્તં નિરુજ્ઝિસ્સતિ તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં ન નિરુજ્ઝિસ્સતિ?
(ખ) યસ્સ વા પન યં ચિત્તં ન નિરુજ્ઝિસ્સતિ તસ્સ તં ચિત્તં ન ઉપ્પજ્જતિ?
૫૨. (ક) યસ્સ યં ચિત્તં ઉપ્પજ્જિત્થ તસ્સ તં ચિત્તં નિરુજ્ઝિસ્સતિ?
(ખ) યસ્સ વા પન યં ચિત્તં નિરુજ્ઝિસ્સતિ તસ્સ તં ચિત્તં ઉપ્પજ્જિત્થ?
(ક) યસ્સ યં ચિત્તં ન ઉપ્પજ્જિત્થ તસ્સ તં ચિત્તં ન નિરુજ્ઝિસ્સતિ?
(ખ) યસ્સ વા પન યં ચિત્તં ન નિરુજ્ઝિસ્સતિ તસ્સ તં ચિત્તં ન ઉપ્પજ્જિત્થ?
(૭) ઉપ્પજ્જમાન-નનિરોધવારો
૫૩. (ક) યસ્સ યં ચિત્તં ઉપ્પજ્જતિ તસ્સ તં ચિત્તં ન નિરુજ્ઝતિ?
(ખ) યસ્સ વા પન યં ચિત્તં ન નિરુજ્ઝતિ તસ્સ તં ચિત્તં ઉપ્પજ્જતિ?
(ક) યસ્સ યં ચિત્તં ન ઉપ્પજ્જતિ તસ્સ તં ચિત્તં નિરુજ્ઝતિ?
(ખ) યસ્સ વા પન યં ચિત્તં નિરુજ્ઝતિ તસ્સ તં ચિત્તં ન ઉપ્પજ્જતિ?
(૮) ઉપ્પજ્જમાનુપ્પન્નવારો
૫૪. (ક) યસ્સ યં ચિત્તં ઉપ્પજ્જમાનં તસ્સ તં ચિત્તં ઉપ્પન્નં?
(ખ) યસ્સ વા પન યં ચિત્તં ઉપ્પન્નં તસ્સ તં ચિત્તં ઉપ્પજ્જમાનં?
(ક) યસ્સ યં ચિત્તં ન ઉપ્પજ્જમાનં તસ્સ તં ચિત્તં ન ઉપ્પન્નં?
(ખ) યસ્સ વા પન યં ચિત્તં ન ઉપ્પન્નં તસ્સ તં ચિત્તં ન ઉપ્પજ્જમાનં?
(૯) નિરુજ્ઝમાનુપ્પન્નવારો
૫૫. (ક) યસ્સ યં ચિત્તં નિરુજ્ઝમાનં તસ્સ તં ચિત્તં ઉપ્પન્નં?
(ખ) યસ્સ વા પન યં ચિત્તં ઉપ્પન્નં તસ્સ તં ચિત્તં નિરુજ્ઝમાનં?
(ક) યસ્સ યં ચિત્તં ન નિરુજ્ઝમાનં તસ્સ તં ચિત્તં ન ઉપ્પન્નં?
(ખ) યસ્સ વા પન યં ચિત્તં ન ઉપ્પન્નં તસ્સ તં ચિત્તં ન નિરુજ્ઝમાનં?
(૧૦) ઉપ્પન્નુપ્પાદવારો
૫૬. (ક) યસ્સ યં ચિત્તં ઉપ્પન્નં તસ્સ તં ચિત્તં ઉપ્પજ્જિત્થ?
(ખ) યસ્સ વા પન યં ચિત્તં ઉપ્પજ્જિત્થ તસ્સ તં ચિત્તં ઉપ્પન્નં?
(ક) યસ્સ યં ચિત્તં ન ઉપ્પન્નં તસ્સ તં ચિત્તં ન ઉપ્પજ્જિત્થ?
(ખ) યસ્સ વા પન યં ચિત્તં ન ઉપ્પજ્જિત્થ તસ્સ તં ચિત્તં ન ઉપ્પન્નં?
(ક) યસ્સ યં ચિત્તં ઉપ્પન્નં તસ્સ તં ચિત્તં ઉપ્પજ્જિસ્સતિ?
(ખ) યસ્સ વા પન યં ચિત્તં ઉપ્પજ્જિસ્સતિ તસ્સ તં ચિત્તં ઉપ્પન્નં?
(ક) યસ્સ યં ચિત્તં ન ઉપ્પન્નં તસ્સ તં ચિત્તં ન ઉપ્પજ્જિસ્સતિ?
(ખ) યસ્સ વા પન યં ચિત્તં ન ઉપ્પજ્જિસ્સતિ તસ્સ તં ચિત્તં ન ઉપ્પન્નં?
(૧૧) અતીતાનાગતવારો
૫૭. (ક) યસ્સ યં ચિત્તં ઉપ્પજ્જિત્થ નો ચ તસ્સ તં ચિત્તં ઉપ્પન્નં, તસ્સ તં ચિત્તં ઉપ્પજ્જિસ્સતિ?
(ખ) યસ્સ વા પન યં ચિત્તં ઉપ્પજ્જિસ્સતિ નો ચ તસ્સ તં ચિત્તં ઉપ્પન્નં, તસ્સ તં ચિત્તં ઉપ્પજ્જિત્થ?
(ક) યસ્સ યં ચિત્તં ન ઉપ્પજ્જિત્થ નો ચ તસ્સ તં ચિત્તં ન ઉપ્પન્નં, તસ્સ તં ચિત્તં ન ઉપ્પજ્જિસ્સતિ?
(ખ) યસ્સ વા પન યં ચિત્તં ન ઉપ્પજ્જિસ્સતિ નો ચ તસ્સ તં ચિત્તં ન ઉપ્પન્નં, તસ્સ તં ચિત્તં ન ઉપ્પજ્જિત્થ?
(૧૨) ઉપ્પન્નુપ્પજ્જમાનવારો
૫૮. (ક) ઉપ્પન્નં ઉપ્પજ્જમાનં?
(ખ) ઉપ્પજ્જમાનં ઉપ્પન્નં?
(ક) ન ઉપ્પન્નં ન ઉપ્પજ્જમાનં?
(ખ) ન ઉપ્પજ્જમાનં ન ઉપ્પન્નં?
(૧૩) નિરુદ્ધનિરુજ્ઝમાનવારો
૫૯. (ક) નિરુદ્ધં નિરુજ્ઝમાનં?
(ખ) નિરુજ્ઝમાનં નિરુદ્ધં?
(ક) ન નિરુદ્ધં ન નિરુજ્ઝમાનં?
(ખ) ન નિરુજ્ઝમાનં ન નિરુદ્ધં?
(૧૪) અતિક્કન્તકાલવારો
૬૦. (ક) યસ્સ યં ચિત્તં ઉપ્પજ્જમાનં ખણં ખણં વીતિક્કન્તં અતિક્કન્તકાલં, નિરુજ્ઝમાનં ખણં ખણં વીતિક્કન્તં અતિક્કન્તકાલં તસ્સ તં ચિત્તં?
(ખ) યસ્સ વા પન યં ચિત્તં નિરુજ્ઝમાનં ખણં ખણં વીતિક્કન્તં અતિક્કન્તકાલં, ઉપ્પજ્જમાનં ખણં ખણં વીતિક્કન્તં અતિક્કન્તકાલં તસ્સ તં ચિત્તં?
(ક) યસ્સ યં ચિત્તં ન ઉપ્પજ્જમાનં ખણં ખણં વીતિક્કન્તં અતિક્કન્તકાલં, ન નિરુજ્ઝમાનં ખણં ખણં વીતિક્કન્તં અતિક્કન્તકાલં તસ્સ તં ચિત્તં?
(ખ) યસ્સ વા પન યં ચિત્તં ન નિરુજ્ઝમાનં ખણં ખણં વીતિક્કન્તં અતિક્કન્તકાલં, ન ઉપ્પજ્જમાનં ખણં ખણં વીતિક્કન્તં અતિક્કન્તકાલં તસ્સ તં ચિત્તં?
૨. સુત્તન્તચિત્તમિસ્સકવિસેસો
૬૧. યસ્સ સરાગં ચિત્તં ઉપ્પજ્જતિ…પે… યસ્સ વીતરાગં ચિત્તં ઉપ્પજ્જતિ… યસ્સ સદોસં ચિત્તં ઉપ્પજ્જતિ… યસ્સ વીતદોસં ચિત્તં ઉપ્પજ્જતિ… યસ્સ સમોહં ચિત્તં ઉપ્પજ્જતિ… યસ્સ વીતમોહં ચિત્તં ઉપ્પજ્જતિ … યસ્સ સંખિત્તં ચિત્તં ઉપ્પજ્જતિ… યસ્સ વિક્ખિત્તં ચિત્તં ઉપ્પજ્જતિ… યસ્સ મહગ્ગતં ચિત્તં ઉપ્પજ્જતિ… યસ્સ અમહગ્ગતં ચિત્તં ઉપ્પજ્જતિ… યસ્સ સઉત્તરં ચિત્તં ઉપ્પજ્જતિ… યસ્સ અનુત્તરં ચિત્તં ઉપ્પજ્જતિ… યસ્સ સમાહિતં ચિત્તં ઉપ્પજ્જતિ… યસ્સ અસમાહિતં ચિત્તં ઉપ્પજ્જતિ… યસ્સ વિમુત્તં ચિત્તં ઉપ્પજ્જતિ… યસ્સ અવિમુત્તં ચિત્તં ઉપ્પજ્જતિ…?
૩. અભિધમ્મચિત્તમિસ્સકવિસેસો
૬૨. યસ્સ કુસલં ચિત્તં ઉપ્પજ્જતિ…પે… યસ્સ અકુસલં ચિત્તં ઉપ્પજ્જતિ… યસ્સ અબ્યાકતં ચિત્તં ઉપ્પજ્જતિ… યસ્સ સુખાય વેદનાય સમ્પયુત્તં ચિત્તં ઉપ્પજ્જતિ…?
(એતેન ઉપાયેન યાવ સરણઅરણા ઉદ્ધરિતબ્બા.)
(ક) યસ્સ અરણં ચિત્તં ઉપ્પજ્જતિ ન નિરુજ્ઝતિ તસ્સ અરણં ચિત્તં નિરુજ્ઝિસ્સતિ ન ઉપ્પજ્જિસ્સતિ?
(ખ) યસ્સ વા પન અરણં ચિત્તં નિરુજ્ઝિસ્સતિ ન ઉપ્પજ્જિસ્સતિ તસ્સ અરણં ચિત્તં ઉપ્પજ્જતિ ન નિરુજ્ઝતિ?