૨. ધમ્મવારો

(૧) ઉપ્પાદનિરોધકાલસમ્ભેદવારો

૮૪. (ક) યં ચિત્તં ઉપ્પજ્જતિ ન નિરુજ્ઝતિ તં ચિત્તં નિરુજ્ઝિસ્સતિ ન ઉપ્પજ્જિસ્સતીતિ? આમન્તા.

(ખ) યં વા પન ચિત્તં નિરુજ્ઝિસ્સતિ ન ઉપ્પજ્જિસ્સતિ તં ચિત્તં ઉપ્પજ્જતિ ન નિરુજ્ઝતીતિ? આમન્તા.

(ક) યં ચિત્તં ન ઉપ્પજ્જતિ નિરુજ્ઝતિ તં ચિત્તં ન નિરુજ્ઝિસ્સતિ ઉપ્પજ્જિસ્સતીતિ? નો.

(ખ) યં વા પન ચિત્તં ન નિરુજ્ઝિસ્સતિ ઉપ્પજ્જિસ્સતિ તં ચિત્તં ન ઉપ્પજ્જતિ નિરુજ્ઝતીતિ? નત્થિ.

(૨) ઉપ્પાદુપ્પન્નવારો

૮૫. (ક) યં ચિત્તં ઉપ્પજ્જતિ તં ચિત્તં ઉપ્પન્નન્તિ? આમન્તા.

(ખ) યં વા પન ચિત્તં ઉપ્પન્નં તં ચિત્તં ઉપ્પજ્જતીતિ?

ભઙ્ગક્ખણે ચિત્તં ઉપ્પન્નં, નો ચ તં ચિત્તં ઉપ્પજ્જતિ. ઉપ્પાદક્ખણે ચિત્તં ઉપ્પન્નઞ્ચેવ ઉપ્પજ્જતિ ચ.

(ક) યં ચિત્તં ન ઉપ્પજ્જતિ તં ચિત્તં ન ઉપ્પન્નન્તિ?

ભઙ્ગક્ખણે ચિત્તં ન ઉપ્પજ્જતિ, નો ચ તં ચિત્તં ન ઉપ્પન્નં. અતીતાનાગતં ચિત્તં ન ચેવ ઉપ્પજ્જતિ ન ચ ઉપ્પન્નં.

(ખ) યં વા પન ચિત્તં ન ઉપ્પન્નં તં ચિત્તં ન ઉપ્પજ્જતીતિ? આમન્તા.

(૩) નિરોધુપ્પન્નવારો

૮૬. (ક) યં ચિત્તં નિરુજ્ઝતિ તં ચિત્તં ઉપ્પન્નન્તિ? આમન્તા.

(ખ) યં વા પન ચિત્તં ઉપ્પન્નં તં ચિત્તં નિરુજ્ઝતીતિ?

ઉપ્પાદક્ખણે ચિત્તં ઉપ્પન્નં, નો ચ તં ચિત્તં નિરુજ્ઝતિ. ભઙ્ગક્ખણે ચિત્તં ઉપ્પન્નઞ્ચેવ નિરુજ્ઝતિ ચ.

(ક) યં ચિત્તં ન નિરુજ્ઝતિ તં ચિત્તં ન ઉપ્પન્નન્તિ?

ઉપ્પાદક્ખણે ચિત્તં ન નિરુજ્ઝતિ, નો ચ તં ચિત્તં ન ઉપ્પન્નં. અતીતાનાગતં ચિત્તં ન ચેવ નિરુજ્ઝતિ ન ચ ઉપ્પન્નં.

(ખ) યં વા પન ચિત્તં ન ઉપ્પન્નં તં ચિત્તં ન નિરુજ્ઝતીતિ? આમન્તા.

(૪) ઉપ્પાદવારો

૮૭. (ક) યં ચિત્તં ઉપ્પજ્જતિ તં ચિત્તં ઉપ્પજ્જિત્થાતિ? નો.

(ખ) યં વા પન ચિત્તં ઉપ્પજ્જિત્થ તં ચિત્તં ઉપ્પજ્જતીતિ? નો.

(ક) યં ચિત્તં ન ઉપ્પજ્જતિ તં ચિત્તં ન ઉપ્પજ્જિત્થાતિ?

અતીતં ચિત્તં ન ઉપ્પજ્જતિ, નો ચ તં ચિત્તં ન ઉપ્પજ્જિત્થ. ભઙ્ગક્ખણે અનાગતઞ્ચ ચિત્તં ન ચેવ ઉપ્પજ્જતિ ન ચ ઉપ્પજ્જિત્થ.

(ખ) યં વા પન ચિત્તં ન ઉપ્પજ્જિત્થ તં ચિત્તં ન ઉપ્પજ્જતીતિ?

ઉપ્પાદક્ખણે ચિત્તં ન ઉપ્પજ્જિત્થ, નો ચ તં ચિત્તં ન ઉપ્પજ્જતિ. ભઙ્ગક્ખણે અનાગતઞ્ચ ચિત્તં ન ચેવ ઉપ્પજ્જિત્થ ન ચ ઉપ્પજ્જતિ.

૮૮. (ક) યં ચિત્તં ઉપ્પજ્જતિ તં ચિત્તં ઉપ્પજ્જિસ્સતીતિ? નો.

(ખ) યં વા પન ચિત્તં ઉપ્પજ્જિસ્સતિ તં ચિત્તં ઉપ્પજ્જતીતિ? નો.

(ક) યં ચિત્તં ન ઉપ્પજ્જતિ તં ચિત્તં ન ઉપ્પજ્જિસ્સતીતિ?

અનાગતં ચિત્તં ન ઉપ્પજ્જતિ, નો ચ તં ચિત્તં ન ઉપ્પજ્જિસ્સતિ. ભઙ્ગક્ખણે અતીતઞ્ચ ચિત્તં ન ચેવ ઉપ્પજ્જતિ ન ચ ઉપ્પજ્જિસ્સતિ.

(ખ) યં વા પન ચિત્તં ન ઉપ્પજ્જિસ્સતિ તં ચિત્તં ન ઉપ્પજ્જતીતિ?

ઉપ્પાદક્ખણે ચિત્તં ન ઉપ્પજ્જિસ્સતિ, નો ચ તં ચિત્તં ન ઉપ્પજ્જતિ. ભઙ્ગક્ખણે અતીતઞ્ચ ચિત્તં ન ચેવ ઉપ્પજ્જિસ્સતિ ન ચ ઉપ્પજ્જતિ.

૮૯. (ક) યં ચિત્તં ઉપ્પજ્જિત્થ તં ચિત્તં ઉપ્પજ્જિસ્સતીતિ? નો.

(ખ) યં વા પન ચિત્તં ઉપ્પજ્જિસ્સતિ તં ચિત્તં ઉપ્પજ્જિત્થાતિ? નો.

(ક) યં ચિત્તં ન ઉપ્પજ્જિત્થ તં ચિત્તં ન ઉપ્પજ્જિસ્સતીતિ?

અનાગતં ચિત્તં ન ઉપ્પજ્જિત્થ, નો ચ તં ચિત્તં ન ઉપ્પજ્જિસ્સતિ. પચ્ચુપ્પન્નં ચિત્તં ન ચેવ ઉપ્પજ્જિત્થ ન ચ ઉપ્પજ્જિસ્સતિ.

(ખ) યં વા પન ચિત્તં ન ઉપ્પજ્જિસ્સતિ તં ચિત્તં ન ઉપ્પજ્જિત્થાતિ?

અતીતં ચિત્તં ન ઉપ્પજ્જિસ્સતિ, નો ચ તં ચિત્તં ન ઉપ્પજ્જિત્થ. પચ્ચુપ્પન્નં ચિત્તં ન ચેવ ઉપ્પજ્જિસ્સતિ ન ચ ઉપ્પજ્જિત્થ.

(૫) નિરોધવારો

૯૦. (ક) યં ચિત્તં નિરુજ્ઝતિ તં ચિત્તં નિરુજ્ઝિત્થાતિ? નો.

(ખ) યં વા પન ચિત્તં નિરુજ્ઝિત્થ તં ચિત્તં નિરુજ્ઝતીતિ? નો.

(ક) યં ચિત્તં ન નિરુજ્ઝતિ તં ચિત્તં ન નિરુજ્ઝિત્થાતિ?

અતીતં ચિત્તં ન નિરુજ્ઝતિ, નો ચ તં ચિત્તં ન નિરુજ્ઝિત્થ. ઉપ્પાદક્ખણે અનાગતઞ્ચ ચિત્તં ન ચેવ નિરુજ્ઝતિ ન ચ નિરુજ્ઝિત્થ.

(ખ) યં વા પન ચિત્તં ન નિરુજ્ઝિત્થ તં ચિત્તં ન નિરુજ્ઝતીતિ?

ભઙ્ગક્ખણે ચિત્તં ન નિરુજ્ઝિત્થ, નો ચ તં ચિત્તં ન નિરુજ્ઝતિ. ઉપ્પાદક્ખણે અનાગતઞ્ચ ચિત્તં ન ચેવ નિરુજ્ઝિત્થ ન ચ નિરુજ્ઝતિ.

૯૧. (ક) યં ચિત્તં નિરુજ્ઝતિ તં ચિત્તં નિરુજ્ઝિસ્સતીતિ? નો.

(ખ) યં વા પન ચિત્તં નિરુજ્ઝિસ્સતિ તં ચિત્તં નિરુજ્ઝતીતિ? નો.

(ક) યં ચિત્તં ન નિરુજ્ઝતિ તં ચિત્તં ન નિરુજ્ઝિસ્સતીતિ?

ઉપ્પાદક્ખણે અનાગતઞ્ચ ચિત્તં ન નિરુજ્ઝતિ, નો ચ તં ચિત્તં ન નિરુજ્ઝિસ્સતિ. અતીતં ચિત્તં ન ચેવ નિરુજ્ઝતિ ન ચ નિરુજ્ઝિસ્સતિ.

(ખ) યં વા પન ચિત્તં ન નિરુજ્ઝિસ્સતિ તં ચિત્તં ન નિરુજ્ઝતીતિ?

ભઙ્ગક્ખણે ચિત્તં ન નિરુજ્ઝિસ્સતિ, નો ચ તં ચિત્તં ન નિરુજ્ઝતિ. અતીતં ચિત્તં ન ચેવ નિરુજ્ઝિસ્સતિ ન ચ નિરુજ્ઝતિ.

૯૨. (ક) યં ચિત્તં નિરુજ્ઝિત્થ તં ચિત્તં નિરુજ્ઝિસ્સતીતિ? નો.

(ખ) યં વા પન ચિત્તં નિરુજ્ઝિસ્સતિ તં ચિત્તં નિરુજ્ઝિત્થાતિ? નો.

(ક) યં ચિત્તં ન નિરુજ્ઝિત્થ તં ચિત્તં ન નિરુજ્ઝિસ્સતીતિ?

ઉપ્પાદક્ખણે અનાગતઞ્ચ ચિત્તં ન નિરુજ્ઝિત્થ, નો ચ તં ચિત્તં ન નિરુજ્ઝિસ્સતિ. ભઙ્ગક્ખણે ચિત્તં ન ચેવ નિરુજ્ઝિત્થ ન ચ નિરુજ્ઝિસ્સતિ.

(ખ) યં વા પન ચિત્તં ન નિરુજ્ઝિસ્સતિ તં ચિત્તં ન નિરુજ્ઝિત્થાતિ?

અતીતં ચિત્તં ન નિરુજ્ઝિસ્સતિ, નો ચ તં ચિત્તં ન નિરુજ્ઝિત્થ. ભઙ્ગક્ખણે ચિત્તં ન ચેવ નિરુજ્ઝિસ્સતિ ન ચ નિરુજ્ઝિત્થ.

(૬) ઉપ્પાદનિરોધવારો

૯૩. (ક) યં ચિત્તં ઉપ્પજ્જતિ તં ચિત્તં નિરુજ્ઝિત્થાતિ? નો.

(ખ) યં વા પન ચિત્તં નિરુજ્ઝિત્થ તં ચિત્તં ઉપ્પજ્જતીતિ? નો.

(ક) યં ચિત્તં ન ઉપ્પજ્જતિ તં ચિત્તં ન નિરુજ્ઝિત્થાતિ?

અતીતં ચિત્તં ન ઉપ્પજ્જતિ, નો ચ તં ચિત્તં ન નિરુજ્ઝિત્થ. ભઙ્ગક્ખણે અનાગતઞ્ચ ચિત્તં ન ચેવ ઉપ્પજ્જતિ ન ચ નિરુજ્ઝિત્થ.

(ખ) યં વા પન ચિત્તં ન નિરુજ્ઝિત્થ તં ચિત્તં ન ઉપ્પજ્જતીતિ?

ઉપ્પાદક્ખણે ચિત્તં ન નિરુજ્ઝિત્થ, નો ચ તં ચિત્તં ન ઉપ્પજ્જતિ. ભઙ્ગક્ખણે અનાગતઞ્ચ ચિત્તં ન ચેવ નિરુજ્ઝિત્થ ન ચ ઉપ્પજ્જતિ.

૯૪. (ક) યં ચિત્તં ઉપ્પજ્જતિ તં ચિત્તં નિરુજ્ઝિસ્સતીતિ? આમન્તા.

(ખ) યં વા પન ચિત્તં નિરુજ્ઝિસ્સતિ તં ચિત્તં ઉપ્પજ્જતીતિ?

અનાગતં ચિત્તં નિરુજ્ઝિસ્સતિ, નો ચ તં ચિત્તં ઉપ્પજ્જતિ. ઉપ્પાદક્ખણે ચિત્તં નિરુજ્ઝિસ્સતિ ચેવ ઉપ્પજ્જતિ ચ.

(ક) યં ચિત્તં ન ઉપ્પજ્જતિ તં ચિત્તં ન નિરુજ્ઝિસ્સતીતિ?

અનાગતં ચિત્તં ન ઉપ્પજ્જતિ, નો ચ તં ચિત્તં ન નિરુજ્ઝિસ્સતિ. ભઙ્ગક્ખણે અતીતઞ્ચ ચિત્તં ન ચેવ ઉપ્પજ્જતિ ન ચ નિરુજ્ઝિસ્સતિ.

(ખ) યં વા પન ચિત્તં ન નિરુજ્ઝિસ્સતિ તં ચિત્તં ન ઉપ્પજ્જતીતિ? આમન્તા.

૯૫. (ક) યં ચિત્તં ઉપ્પજ્જિત્થ તં ચિત્તં નિરુજ્ઝિસ્સતીતિ? નો.

(ખ) યં વા પન ચિત્તં નિરુજ્ઝિસ્સતિ તં ચિત્તં ઉપ્પજ્જિત્થાતિ? નો.

(ક) યં ચિત્તં ન ઉપ્પજ્જિત્થ તં ચિત્તં ન નિરુજ્ઝિસ્સતીતિ?

ઉપ્પાદક્ખણે અનાગતઞ્ચ ચિત્તં ન ઉપ્પજ્જિત્થ, નો ચ તં ચિત્તં ન નિરુજ્ઝિસ્સતિ. ભઙ્ગક્ખણે ચિત્તં ન ચેવ ઉપ્પજ્જિત્થ ન ચ નિરુજ્ઝિસ્સતિ.

(ખ) યં વા પન ચિત્તં ન નિરુજ્ઝિસ્સતિ તં ચિત્તં ન ઉપ્પજ્જિત્થાતિ?

અતીતં ચિત્તં ન નિરુજ્ઝિસ્સતિ, નો ચ તં ચિત્તં ન ઉપ્પજ્જિત્થ. ભઙ્ગક્ખણે ચિત્તં ન ચેવ નિરુજ્ઝિસ્સતિ ન ચ ઉપ્પજ્જિત્થ.

(૭) ઉપ્પજ્જમાન-નનિરોધવારો

૯૬. (ક) યં ચિત્તં ઉપ્પજ્જતિ તં ચિત્તં ન નિરુજ્ઝતીતિ? આમન્તા.

(ખ) યં વા પન ચિત્તં ન નિરુજ્ઝતિ તં ચિત્તં ઉપ્પજ્જતીતિ?

અતીતાનાગતં ચિત્તં ન નિરુજ્ઝતિ, નો ચ તં ચિત્તં ઉપ્પજ્જતિ. ઉપ્પાદક્ખણે ચિત્તં ન નિરુજ્ઝતિ ચેવ ઉપ્પજ્જતિ ચ.

(ક) યં ચિત્તં ન ઉપ્પજ્જતિ તં ચિત્તં નિરુજ્ઝતીતિ?

અતીતાનાગતં ચિત્તં ન ઉપ્પજ્જતિ, નો ચ તં ચિત્તં નિરુજ્ઝતિ. ભઙ્ગક્ખણે ચિત્તં ન ઉપ્પજ્જતિ ચેવ નિરુજ્ઝતિ ચ.

(ખ) યં વા પન ચિત્તં નિરુજ્ઝતિ તં ચિત્તં ન ઉપ્પજ્જતીતિ? આમન્તા.

(૮) ઉપ્પજ્જમાનુપ્પન્નવારો

૯૭. (ક) યં ચિત્તં ઉપ્પજ્જમાનં તં ચિત્તં ઉપ્પન્નન્તિ? આમન્તા.

(ખ) યં વા પન ચિત્તં ઉપ્પન્નં તં ચિત્તં ઉપ્પજ્જમાનન્તિ?

ભઙ્ગક્ખણે ચિત્તં ઉપ્પન્નં, નો ચ તં ચિત્તં ઉપ્પજ્જમાનં. ઉપ્પાદક્ખણે ચિત્તં ઉપ્પન્નઞ્ચેવ ઉપ્પજ્જમાનઞ્ચ.

(ક) યં ચિત્તં ન ઉપ્પજ્જમાનં તં ચિત્તં ન ઉપ્પન્નન્તિ?

ભઙ્ગક્ખણે ચિત્તં ન ઉપ્પજ્જમાનં, નો ચ તં ચિત્તં ન ઉપ્પન્નં. અતીતાનાગતં ચિત્તં ન ચેવ ઉપ્પજ્જમાનં ન ચ ઉપ્પન્નં.

(ખ) યં વા પન ચિત્તં ન ઉપ્પન્નં તં ચિત્તં ન ઉપ્પજ્જમાનન્તિ? આમન્તા.

(૯) નિરુજ્ઝમાનુપ્પન્નવારો

૯૮. (ક) યં ચિત્તં નિરુજ્ઝમાનં તં ચિત્તં ઉપ્પન્નન્તિ? આમન્તા.

(ખ) યં વા પન ચિત્તં ઉપ્પન્નં તં ચિત્તં નિરુજ્ઝમાનન્તિ?

ઉપ્પાદક્ખણે ચિત્તં ઉપ્પન્નં, નો ચ તં ચિત્તં નિરુજ્ઝમાનં. ભઙ્ગક્ખણે ચિત્તં ઉપ્પન્નઞ્ચેવ નિરુજ્ઝમાનઞ્ચ.

(ક) યં ચિત્તં ન નિરુજ્ઝમાનં તં ચિત્તં ન ઉપ્પન્નન્તિ?

ઉપ્પાદક્ખણે ચિત્તં ન નિરુજ્ઝમાનં, નો ચ તં ચિત્તં ન ઉપ્પન્નં. અતીતાનાગતં ચિત્તં ન ચેવ નિરુજ્ઝમાનં ન ચ ઉપ્પન્નં.

(ખ) યં વા પન ચિત્તં ન ઉપ્પન્નં તં ચિત્તં ન નિરુજ્ઝમાનન્તિ? આમન્તા.

(૧૦) ઉપ્પન્નુપ્પાદવારો

૯૯. (ક) યં ચિત્તં ઉપ્પન્નં તં ચિત્તં ઉપ્પજ્જિત્થાતિ? નો.

(ખ) યં વા પન ચિત્તં ઉપ્પજ્જિત્થ તં ચિત્તં ઉપ્પન્નન્તિ? નો.

(ક) યં ચિત્તં ન ઉપ્પન્નં તં ચિત્તં ન ઉપ્પજ્જિત્થાતિ?

અતીતં ચિત્તં ન ઉપ્પન્નં, નો ચ તં ચિત્તં ન ઉપ્પજ્જિત્થ. અનાગતં ચિત્તં ન ચેવ ઉપ્પન્નં ન ચ ઉપ્પજ્જિત્થ.

(ખ) યં વા પન ચિત્તં ન ઉપ્પજ્જિત્થ તં ચિત્તં ન ઉપ્પન્નન્તિ?

પચ્ચુપ્પન્નં ચિત્તં ન ઉપ્પજ્જિત્થ, નો ચ તં ચિત્તં ન ઉપ્પન્નં. અનાગતં ચિત્તં ન ચેવ ઉપ્પજ્જિત્થ ન ચ ઉપ્પન્નં.

૧૦૦. (ક) યં ચિત્તં ઉપ્પન્નં તં ચિત્તં ઉપ્પજ્જિસ્સતીતિ? નો.

(ખ) યં વા પન ચિત્તં ઉપ્પજ્જિસ્સતિ તં ચિત્તં ઉપ્પન્નન્તિ? નો.

(ક) યં ચિત્તં ન ઉપ્પન્નં તં ચિત્તં ન ઉપ્પજ્જિસ્સતીતિ?

અનાગતં ચિત્તં ન ઉપ્પન્નં, નો ચ તં ચિત્તં ન ઉપ્પજ્જિસ્સતિ. અતીતં ચિત્તં ન ચેવ ઉપ્પન્નં ન ચ ઉપ્પજ્જિસ્સતિ.

(ખ) યં વા પન ચિત્તં ન ઉપ્પજ્જિસ્સતિ તં ચિત્તં ન ઉપ્પન્નન્તિ?

પચ્ચુપ્પન્નં ચિત્તં ન ઉપ્પજ્જિસ્સતિ, નો ચ તં ચિત્તં ન ઉપ્પન્નં. અતીતં ચિત્તં ન ચેવ ઉપ્પજ્જિસ્સતિ ન ચ ઉપ્પન્નં.

(૧૧) અતીતાનાગતવારો

૧૦૧. (ક) યં ચિત્તં ઉપ્પજ્જિત્થ નો ચ તં ચિત્તં ઉપ્પન્નં, તં ચિત્તં ઉપ્પજ્જિસ્સતીતિ? નો.

(ખ) યં વા પન ચિત્તં ઉપ્પજ્જિસ્સતિ નો ચ તં ચિત્તં ઉપ્પન્નં, તં ચિત્તં ઉપ્પજ્જિત્થાતિ? નો.

(ક) યં ચિત્તં ન ઉપ્પજ્જિત્થ નો ચ તં ચિત્તં ન ઉપ્પન્નં, તં ચિત્તં ન ઉપ્પજ્જિસ્સતીતિ? આમન્તા.

(ખ) યં વા પન ચિત્તં ન ઉપ્પજ્જિસ્સતિ નો ચ તં ચિત્તં ન ઉપ્પન્નં, તં ચિત્તં ન ઉપ્પજ્જિત્થાતિ? આમન્તા.

(૧૨) ઉપ્પન્નુપ્પજ્જમાનવારો

૧૦૨. (ક) ઉપ્પન્નં ઉપ્પજ્જમાનન્તિ?

ભઙ્ગક્ખણે ઉપ્પન્નં, નો ચ ઉપ્પજ્જમાનં. ઉપ્પાદક્ખણે ઉપ્પન્નઞ્ચેવ ઉપ્પજ્જમાનઞ્ચ.

(ખ) ઉપ્પજ્જમાનં ઉપ્પન્નન્તિ? આમન્તા.

(ક) ન ઉપ્પન્નં ન ઉપ્પજ્જમાનન્તિ? આમન્તા.

(ખ) ન ઉપ્પજ્જમાનં ન ઉપ્પન્નન્તિ?

ભઙ્ગક્ખણે ન ઉપ્પજ્જમાનં, નો ચ ન ઉપ્પન્નં. અતીતાનાગતં ચિત્તં ન ચેવ ઉપ્પજ્જમાનં ન ચ ઉપ્પન્નં.

(૧૩) નિરુદ્ધનિરુજ્ઝમાનવારો

૧૦૩. (ક) નિરુદ્ધં નિરુજ્ઝમાનન્તિ? નો.

(ખ) નિરુજ્ઝમાનં નિરુદ્ધન્તિ? નો.

(ક) ન નિરુદ્ધં ન નિરુજ્ઝમાનન્તિ?

ભઙ્ગક્ખણે ન નિરુદ્ધં, નો ચ ન નિરુજ્ઝમાનં. ઉપ્પાદક્ખણે અનાગતઞ્ચ ચિત્તં ન ચેવ નિરુદ્ધં ન ચ નિરુજ્ઝમાનં.

(ખ) ન નિરુજ્ઝમાનં ન નિરુદ્ધન્તિ?

અતીતં ચિત્તં ન નિરુજ્ઝમાનં, નો ચ ન નિરુદ્ધં. ઉપ્પાદક્ખણે અનાગતઞ્ચ ચિત્તં ન ચેવ નિરુજ્ઝમાનં ન ચ નિરુદ્ધં.

(૧૪) અતિક્કન્તકાલવારો

૧૦૪. (ક) યં ચિત્તં ઉપ્પજ્જમાનં ખણં ખણં વીતિક્કન્તં અતિક્કન્તકાલં, નિરુજ્ઝમાનં ખણં ખણં વીતિક્કન્તં અતિક્કન્તકાલં તં ચિત્તન્તિ?

ભઙ્ગક્ખણે ચિત્તં ઉપ્પાદક્ખણં વીતિક્કન્તં ભઙ્ગક્ખણં અવીતિક્કન્તં, અતીતં ચિત્તં ઉપ્પાદક્ખણઞ્ચ વીતિક્કન્તં ભઙ્ગક્ખણઞ્ચ વીતિક્કન્તં.

(ખ) યં વા પન ચિત્તં નિરુજ્ઝમાનં ખણં ખણં વીતિક્કન્તં અતિક્કન્તકાલં, ઉપ્પજ્જમાનં ખણં ખણં વીતિક્કન્તં અતિક્કન્તકાલં તં ચિત્તન્તિ?

અતીતં ચિત્તં.

(ક) યં ચિત્તં ન ઉપ્પજ્જમાનં ખણં ખણં વીતિક્કન્તં અતિક્કન્તકાલં, ન નિરુજ્ઝમાનં ખણં ખણં વીતિક્કન્તં અતિક્કન્તકાલં તં ચિત્તન્તિ?

ઉપ્પાદક્ખણે અનાગતં ચિત્તં.

(ખ) યં વા પન ચિત્તં ન નિરુજ્ઝમાનં ખણં ખણં વીતિક્કન્તં અતિક્કન્તકાલં, ન ઉપ્પજ્જમાનં ખણં ખણં વીતિક્કન્તં અતિક્કન્તકાલં તં ચિત્તન્તિ?

ભઙ્ગક્ખણે ચિત્તં ભઙ્ગક્ખણં અવીતિક્કન્તં નો ચ ઉપ્પાદક્ખણં અવીતિક્કન્તં, ઉપ્પાદક્ખણે અનાગતઞ્ચ ચિત્તં ભઙ્ગક્ખણઞ્ચ અવીતિક્કન્તં ઉપ્પાદક્ખણઞ્ચ અવીતિક્કન્તં.