(૧) પચ્ચુપ્પન્નવારો

(ક) અનુલોમપુગ્ગલો

૧૨૮. (ક) યસ્સ કાયસઙ્ખારો ઉપ્પજ્જતિ તસ્સ વચીસઙ્ખારો નિરુજ્ઝતીતિ? નો.

(ખ) યસ્સ વા પન વચીસઙ્ખારો નિરુજ્ઝતિ તસ્સ કાયસઙ્ખારો ઉપ્પજ્જતીતિ? નો.

(ક) યસ્સ કાયસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝતીતિ? નો.

(ખ) યસ્સ વા પન ચિત્તસઙ્ખારો નિરુજ્ઝતિ તસ્સ કાયસઙ્ખારો ઉપ્પજ્જતીતિ? નો.

૧૨૯. (ક) યસ્સ વચીસઙ્ખારો ઉપ્પજ્જતિ તસ્સ ચિત્તસઙ્ખારો નિરુજ્ઝતીતિ? નો.

(ખ) યસ્સ વા પન…પે…? નો.

(ખ) અનુલોમઓકાસો

૧૩૦. યત્થ કાયસઙ્ખારો ઉપ્પજ્જતિ તત્થ વચીસઙ્ખારો નિરુજ્ઝતીતિ?

દુતિયજ્ઝાને તતિયજ્ઝાને તત્થ…પે… (ઇતરેસં યત્થકાનં સદિસં).

(ગ) અનુલોમપુગ્ગલોકાસા

૧૩૧. યસ્સ યત્થ કાયસઙ્ખારો ઉપ્પજ્જતિ…પે… (યસ્સકમ્પિ યસ્સયત્થકમ્પિ સદિસં).

(ઘ) પચ્ચનીકપુગ્ગલો

૧૩૨. (ક) યસ્સ કાયસઙ્ખારો નુપ્પજ્જતિ તસ્સ વચીસઙ્ખારો ન નિરુજ્ઝતીતિ?

વિતક્કવિચારાનં ભઙ્ગક્ખણે તેસં કાયસઙ્ખારો નુપ્પજ્જતિ, નો ચ તેસં વચીસઙ્ખારો ન નિરુજ્ઝતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ વચીસઙ્ખારો ચ ન નિરુજ્ઝતિ.

(ખ) યસ્સ વા પન વચીસઙ્ખારો ન નિરુજ્ઝતિ તસ્સ કાયસઙ્ખારો નુપ્પજ્જતીતિ?

અસ્સાસપસ્સાસાનં ઉપ્પાદક્ખણે તેસં વચીસઙ્ખારો ન નિરુજ્ઝતિ, નો ચ તેસં કાયસઙ્ખારો નુપ્પજ્જતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે વિના વિતક્કવિચારેહિ ચિત્તસ્સ ભઙ્ગક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ ન નિરુજ્ઝતિ કાયસઙ્ખારો ચ નુપ્પજ્જતિ.

(ક) યસ્સ કાયસઙ્ખારો નુપ્પજ્જતિ તસ્સ ચિત્તસઙ્ખારો નિરુજ્ઝતીતિ?

સબ્બેસં ચિત્તસ્સ ભઙ્ગક્ખણે તેસં કાયસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં કાયસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝતિ.

(ખ) યસ્સ વા પન ચિત્તસઙ્ખારો ન નિરુજ્ઝતિ તસ્સ કાયસઙ્ખારો નુપ્પજ્જતીતિ?

અસ્સાસપસ્સાસાનં ઉપ્પાદક્ખણે તેસં ચિત્તસઙ્ખારો ન નિરુજ્ઝતિ, નો ચ તેસં કાયસઙ્ખારો નુપ્પજ્જતિ. વિના અસ્સાસપસ્સાસેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ચ ન નિરુજ્ઝતિ કાયસઙ્ખારો ચ નુપ્પજ્જતિ.

૧૩૩. (ક) યસ્સ વચીસઙ્ખારો નુપ્પજ્જતિ તસ્સ ચિત્તસઙ્ખારો ન નિરુજ્ઝતીતિ?

સબ્બેસં ચિત્તસ્સ ભઙ્ગક્ખણે તેસં વચીસઙ્ખારો નુપ્પજ્જતિ, નો ચ તેસં ચિત્તસઙ્ખારો ન નિરુજ્ઝતિ. વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં વચીસઙ્ખારો ચ નુપ્પજ્જતિ ચિત્તસઙ્ખારો ચ ન નિરુજ્ઝતિ.

(ખ) યસ્સ વા પન ચિત્તસઙ્ખારો ન નિરુજ્ઝતિ તસ્સ વચીસઙ્ખારો નુપ્પજ્જતીતિ?

વિતક્કવિચારાનં ઉપ્પાદક્ખણે તેસં ચિત્તસઙ્ખારો ન નિરુજ્ઝતિ, નો ચ તેસં વચીસઙ્ખારો નુપ્પજ્જતિ. વિના વિતક્કવિચારેહિ ચિત્તસ્સ ઉપ્પાદક્ખણે નિરોધસમાપન્નાનં અસઞ્ઞસત્તાનં તેસં ચિત્તસઙ્ખારો ચ ન નિરુજ્ઝતિ વચીસઙ્ખારો ચ નુપ્પજ્જતિ.

(ઙ) પચ્ચનીકઓકાસો

૧૩૪. યત્થ કાયસઙ્ખારો નુપ્પજ્જતિ…પે….

(ચ) પચ્ચનીકપુગ્ગલોકાસા

૧૩૫. યસ્સ યત્થ કાયસઙ્ખારો નુપ્પજ્જતિ…પે….

(યસ્સકમ્પિ યસ્સયત્થકમ્પિ સદિસં, યસ્સયત્થકે નિરોધસમાપન્નાનન્તિ ન લબ્ભતિ).