(૩) અનાગતવારો

(ક) અનુલોમપુગ્ગલો

૮૮. (ક) યસ્સ કાયસઙ્ખારો નિરુજ્ઝિસ્સતિ તસ્સ વચીસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન વચીસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં વચીસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝિસ્સતિ. ઇતરેસં તેસં વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

(ક) યસ્સ કાયસઙ્ખારો નિરુજ્ઝિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ કાયસઙ્ખારો નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં ચિત્તસઙ્ખારો નિરુજ્ઝિસ્સતિ, નો ચ તેસં કાયસઙ્ખારો નિરુજ્ઝિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

૮૯. (ક) યસ્સ વચીસઙ્ખારો નિરુજ્ઝિસ્સતિ તસ્સ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન ચિત્તસઙ્ખારો નિરુજ્ઝિસ્સતિ તસ્સ વચીસઙ્ખારો નિરુજ્ઝિસ્સતીતિ?

અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં ચિત્તસઙ્ખારો નિરુજ્ઝિસ્સતિ, નો ચ તેસં વચીસઙ્ખારો નિરુજ્ઝિસ્સતિ. ઇતરેસં તેસં ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

(ખ) અનુલોમઓકાસો

૯૦. યત્થ કાયસઙ્ખારો નિરુજ્ઝિસ્સતિ…પે….

(ગ) અનુલોમપુગ્ગલોકાસા

૯૧. (ક) યસ્સ યત્થ કાયસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝિસ્સતીતિ?

દુતિયજ્ઝાનં તતિયજ્ઝાનં સમાપન્નાનં તેસં તત્થ કાયસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં તેસં તત્થ કાયસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

(ખ) યસ્સ વા પન યત્થ વચીસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ વચીસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં ઇતરેસં કામાવચરાનં તેસં તત્થ વચીસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

(ક) યસ્સ યત્થ કાયસઙ્ખારો નિરુજ્ઝિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ કાયસઙ્ખારો નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ કાયસઙ્ખારો નિરુજ્ઝિસ્સતિ. પઠમજ્ઝાનં દુતિયજ્ઝાનં તતિયજ્ઝાનં સમાપન્નાનં ઇતરેસં કામાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ કાયસઙ્ખારો ચ નિરુજ્ઝિસ્સતિ.

૯૨. (ક) યસ્સ યત્થ વચીસઙ્ખારો નિરુજ્ઝિસ્સતિ તસ્સ તત્થ ચિત્તસઙ્ખારો નિરુજ્ઝિસ્સતીતિ? આમન્તા.

(ખ) યસ્સ વા પન યત્થ ચિત્તસઙ્ખારો નિરુજ્ઝિસ્સતિ તસ્સ તત્થ વચીસઙ્ખારો નિરુજ્ઝિસ્સતીતિ?

અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ ચિત્તસઙ્ખારો નિરુજ્ઝિસ્સતિ, નો ચ તેસં તત્થ વચીસઙ્ખારો નિરુજ્ઝિસ્સતિ. પઠમજ્ઝાનં સમાપન્નાનં કામાવચરાનં ઇતરેસં રૂપાવચરાનં અરૂપાવચરાનં તેસં તત્થ ચિત્તસઙ્ખારો ચ નિરુજ્ઝિસ્સતિ વચીસઙ્ખારો ચ નિરુજ્ઝિસ્સતિ.

(ઘ) પચ્ચનીકપુગ્ગલો

૯૩. (ક) યસ્સ કાયસઙ્ખારો ન નિરુજ્ઝિસ્સતિ તસ્સ વચીસઙ્ખારો ન નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો ન નિરુજ્ઝિસ્સતિ, નો ચ તેસં વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં કાયસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝિસ્સતિ.

(ખ) યસ્સ વા પન…પે…? આમન્તા.

(ક) યસ્સ કાયસઙ્ખારો ન નિરુજ્ઝિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરે અરૂપાવચરે પચ્છિમભવિકાનં યે ચ રૂપાવચરં અરૂપાવચરં ઉપપજ્જિત્વા પરિનિબ્બાયિસ્સન્તિ તેસં ચવન્તાનં તેસં કાયસઙ્ખારો ન નિરુજ્ઝિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં કાયસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન…પે…? આમન્તા.

૯૪. (ક) યસ્સ વચીસઙ્ખારો ન નિરુજ્ઝિસ્સતિ તસ્સ ચિત્તસઙ્ખારો ન નિરુજ્ઝિસ્સતીતિ?

અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ તેસં વચીસઙ્ખારો ન નિરુજ્ઝિસ્સતિ, નો ચ તેસં ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે તેસં વચીસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન…પે…? આમન્તા.

(ઙ) પચ્ચનીકઓકાસો

૯૫. યત્થ કાયસઙ્ખારો ન નિરુજ્ઝિસ્સતિ…પે….

(ચ) પચ્ચનીકપુગ્ગલોકાસા

૯૬. (ક) યસ્સ યત્થ કાયસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિસ્સતિ, નો ચ તેસં તત્થ વચીસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિસ્સતિ વચીસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ વચીસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિસ્સતીતિ?

દુતિયજ્ઝાનં તતિયજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ કાયસઙ્ખારો ન નિરુજ્ઝિસ્સતિ. સવિતક્કસવિચારપચ્છિમચિત્તસ્સ ભઙ્ગક્ખણે અવિતક્કઅવિચારપચ્છિમચિત્તસમઙ્ગીનં યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ કાયસઙ્ખારો ચ ન નિરુજ્ઝિસ્સતિ.

(ક) યસ્સ યત્થ કાયસઙ્ખારો ન નિરુજ્ઝિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

કામાવચરાનં પચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા કામાવચરાનં પચ્છિમચિત્તં ઉપ્પજ્જિસ્સતિ ચતુત્થજ્ઝાનં સમાપન્નાનં રૂપાવચરાનં અરૂપાવચરાનં તેસં તત્થ કાયસઙ્ખારો ન નિરુજ્ઝિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ કાયસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ કાયસઙ્ખારો ન નિરુજ્ઝિસ્સતીતિ? આમન્તા.

૯૭. (ક) યસ્સ યત્થ વચીસઙ્ખારો ન નિરુજ્ઝિસ્સતિ તસ્સ તત્થ ચિત્તસઙ્ખારો ન નિરુજ્ઝિસ્સતીતિ?

અવિતક્કઅવિચારપચ્છિમચિત્તસ્સ ઉપ્પાદક્ખણે યસ્સ ચિત્તસ્સ અનન્તરા અવિતક્કઅવિચારં પચ્છિમચિત્તં ઉપ્પજ્જિસ્સતિ દુતિયજ્ઝાનં તતિયજ્ઝાનં ચતુત્થજ્ઝાનં સમાપન્નાનં તેસં તત્થ વચીસઙ્ખારો ન નિરુજ્ઝિસ્સતિ, નો ચ તેસં તત્થ ચિત્તસઙ્ખારો ન નિરુજ્ઝિસ્સતિ. પચ્છિમચિત્તસ્સ ભઙ્ગક્ખણે અસઞ્ઞસત્તાનં તેસં તત્થ વચીસઙ્ખારો ચ ન નિરુજ્ઝિસ્સતિ ચિત્તસઙ્ખારો ચ ન નિરુજ્ઝિસ્સતિ.

(ખ) યસ્સ વા પન યત્થ ચિત્તસઙ્ખારો ન નિરુજ્ઝિસ્સતિ તસ્સ તત્થ વચીસઙ્ખારો ન નિરુજ્ઝિસ્સતીતિ? આમન્તા.