(૪) પચ્ચુપ્પન્નાતીતવારો

(ક) અનુલોમપુગ્ગલો

૧૦૬. (ક) યસ્સ દુક્ખસચ્ચં નિરુજ્ઝતિ તસ્સ સમુદયસચ્ચં નિરુજ્ઝિત્થાતિ? આમન્તા.

(ખ) યસ્સ વા પન સમુદયસચ્ચં નિરુજ્ઝિત્થ તસ્સ દુક્ખસચ્ચં નિરુજ્ઝતીતિ?

સબ્બેસં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં સમુદયસચ્ચં નિરુજ્ઝિત્થ, નો ચ તેસં દુક્ખસચ્ચં નિરુજ્ઝતિ. સબ્બેસં ચવન્તાનં પવત્તે ચિત્તસ્સ ભઙ્ગક્ખણે તેસં સમુદયસચ્ચઞ્ચ નિરુજ્ઝિત્થ દુક્ખસચ્ચઞ્ચ નિરુજ્ઝતિ.

(ક) યસ્સ દુક્ખસચ્ચં નિરુજ્ઝતિ તસ્સ મગ્ગસચ્ચં નિરુજ્ઝિત્થાતિ?

અનભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં દુક્ખસચ્ચં નિરુજ્ઝતિ, નો ચ તેસં મગ્ગસચ્ચં નિરુજ્ઝિત્થ. અભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં દુક્ખસચ્ચઞ્ચ નિરુજ્ઝતિ મગ્ગસચ્ચઞ્ચ નિરુજ્ઝિત્થ.

(ખ) યસ્સ વા પન મગ્ગસચ્ચં નિરુજ્ઝિત્થ તસ્સ દુક્ખસચ્ચં નિરુજ્ઝતીતિ?

અભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં મગ્ગસચ્ચં નિરુજ્ઝિત્થ, નો ચ તેસં દુક્ખસચ્ચં નિરુજ્ઝતિ. અભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં મગ્ગસચ્ચઞ્ચ નિરુજ્ઝિત્થ દુક્ખસચ્ચઞ્ચ નિરુજ્ઝતિ.

૧૦૭. (ક) યસ્સ સમુદયસચ્ચં નિરુજ્ઝતિ તસ્સ મગ્ગસચ્ચં નિરુજ્ઝિત્થાતિ?

અનભિસમેતાવીનં તણ્હાય ભઙ્ગક્ખણે તેસં સમુદયસચ્ચં નિરુજ્ઝતિ, નો ચ તેસં મગ્ગસચ્ચં નિરુજ્ઝિત્થ. અભિસમેતાવીનં તણ્હાય ભઙ્ગક્ખણે તેસં સમુદયસચ્ચઞ્ચ નિરુજ્ઝતિ મગ્ગસચ્ચઞ્ચ નિરુજ્ઝિત્થ.

(ખ) યસ્સ વા પન મગ્ગસચ્ચં નિરુજ્ઝિત્થ તસ્સ સમુદયસચ્ચં નિરુજ્ઝતીતિ?

અભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને નિરોધસમાપન્નાનં તેસં મગ્ગસચ્ચં નિરુજ્ઝિત્થ, નો ચ તેસં સમુદયસચ્ચં નિરુજ્ઝતિ. અભિસમેતાવીનં તણ્હાય ભઙ્ગક્ખણે તેસં મગ્ગસચ્ચઞ્ચ નિરુજ્ઝિત્થ સમુદયસચ્ચઞ્ચ નિરુજ્ઝતિ.

(ખ) અનુલોમઓકાસો

૧૦૮. યત્થ દુક્ખસચ્ચં નિરુજ્ઝતિ…પે….

(ગ) અનુલોમપુગ્ગલોકાસા

૧૦૯. (ક) યસ્સ યત્થ દુક્ખસચ્ચં નિરુજ્ઝતિ તસ્સ તત્થ સમુદયસચ્ચં નિરુજ્ઝિત્થાતિ?

સુદ્ધાવાસાનં ઉપપત્તિચિત્તસ્સ ભઙ્ગક્ખણે અસઞ્ઞસત્તા ચવન્તાનં તેસં તત્થ દુક્ખસચ્ચં નિરુજ્ઝતિ, નો ચ તેસં તત્થ સમુદયસચ્ચં નિરુજ્ઝિત્થ. ઇતરેસં ચતુવોકારા પઞ્ચવોકારા ચવન્તાનં પવત્તે ચિત્તસ્સ ભઙ્ગક્ખણે તેસં તત્થ દુક્ખસચ્ચઞ્ચ નિરુજ્ઝતિ સમુદયસચ્ચઞ્ચ નિરુજ્ઝિત્થ.

(ખ) યસ્સ વા પન યત્થ સમુદયસચ્ચં નિરુજ્ઝિત્થ તસ્સ તત્થ દુક્ખસચ્ચં નિરુજ્ઝતીતિ?

ચતુવોકારં પઞ્ચવોકારં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં તત્થ સમુદયસચ્ચં નિરુજ્ઝિત્થ, નો ચ તેસં તત્થ દુક્ખસચ્ચં નિરુજ્ઝતિ. ચતુવોકારા પઞ્ચવોકારા ચવન્તાનં પવત્તે ચિત્તસ્સ ભઙ્ગક્ખણે તેસં તત્થ સમુદયસચ્ચઞ્ચ નિરુજ્ઝિત્થ દુક્ખસચ્ચઞ્ચ નિરુજ્ઝતિ.

(ક) યસ્સ યત્થ દુક્ખસચ્ચં નિરુજ્ઝતિ તસ્સ તત્થ મગ્ગસચ્ચં નિરુજ્ઝિત્થાતિ?

સુદ્ધાવાસાનં ઉપપત્તિચિત્તસ્સ ભઙ્ગક્ખણે અનભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે અસઞ્ઞસત્તા ચવન્તાનં તેસં તત્થ દુક્ખસચ્ચં નિરુજ્ઝતિ, નો ચ તેસં તત્થ મગ્ગસચ્ચં નિરુજ્ઝિત્થ. અભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં તત્થ દુક્ખસચ્ચઞ્ચ નિરુજ્ઝતિ મગ્ગસચ્ચઞ્ચ નિરુજ્ઝિત્થ.

(ખ) યસ્સ વા પન યત્થ મગ્ગસચ્ચં નિરુજ્ઝિત્થ તસ્સ તત્થ દુક્ખસચ્ચં નિરુજ્ઝતીતિ?

અભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં તત્થ મગ્ગસચ્ચં નિરુજ્ઝિત્થ, નો ચ તેસં તત્થ દુક્ખસચ્ચં નિરુજ્ઝતિ. અભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં તત્થ મગ્ગસચ્ચઞ્ચ નિરુજ્ઝિત્થ દુક્ખસચ્ચઞ્ચ નિરુજ્ઝતિ.

૧૧૦. (ક) યસ્સ યત્થ સમુદયસચ્ચં નિરુજ્ઝતિ તસ્સ તત્થ મગ્ગસચ્ચં નિરુજ્ઝિત્થાતિ?

અનભિસમેતાવીનં તણ્હાય ભઙ્ગક્ખણે તેસં તત્થ સમુદયસચ્ચં નિરુજ્ઝતિ, નો ચ તેસં તત્થ મગ્ગસચ્ચં નિરુજ્ઝિત્થ. અભિસમેતાવીનં તણ્હાય ભઙ્ગક્ખણે તેસં તત્થ સમુદયસચ્ચઞ્ચ નિરુજ્ઝતિ મગ્ગસચ્ચઞ્ચ નિરુજ્ઝિત્થ.

(ખ) યસ્સ વા પન યત્થ મગ્ગસચ્ચં નિરુજ્ઝિત્થ તસ્સ તત્થ સમુદયસચ્ચં નિરુજ્ઝતીતિ?

અભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને તેસં તત્થ મગ્ગસચ્ચં નિરુજ્ઝિત્થ, નો ચ તેસં તત્થ સમુદયસચ્ચં નિરુજ્ઝતિ. અભિસમેતાવીનં તણ્હાય ભઙ્ગક્ખણે તેસં તત્થ મગ્ગસચ્ચઞ્ચ નિરુજ્ઝિત્થ સમુદયસચ્ચઞ્ચ નિરુજ્ઝતિ.

(ઘ) પચ્ચનીકપુગ્ગલો

૧૧૧. (ક) યસ્સ દુક્ખસચ્ચં ન નિરુજ્ઝતિ તસ્સ સમુદયસચ્ચં ન નિરુજ્ઝિત્થાતિ? નિરુજ્ઝિત્થ.

(ખ) યસ્સ વા પન સમુદયસચ્ચં ન નિરુજ્ઝિત્થ તસ્સ દુક્ખસચ્ચં ન નિરુજ્ઝતીતિ? નત્થિ.

(ક) યસ્સ દુક્ખસચ્ચં ન નિરુજ્ઝતિ તસ્સ મગ્ગસચ્ચં ન નિરુજ્ઝિત્થાતિ?

અભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં દુક્ખસચ્ચં ન નિરુજ્ઝતિ, નો ચ તેસં મગ્ગસચ્ચં ન નિરુજ્ઝિત્થ. અનભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે તેસં દુક્ખસચ્ચઞ્ચ ન નિરુજ્ઝતિ મગ્ગસચ્ચઞ્ચ ન નિરુજ્ઝિત્થ.

(ખ) યસ્સ વા પન મગ્ગસચ્ચં ન નિરુજ્ઝિત્થ તસ્સ દુક્ખસચ્ચં ન નિરુજ્ઝતીતિ?

અનભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે તેસં મગ્ગસચ્ચં ન નિરુજ્ઝિત્થ, નો ચ તેસં દુક્ખસચ્ચં ન નિરુજ્ઝતિ. અનભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે તેસં મગ્ગસચ્ચઞ્ચ ન નિરુજ્ઝિત્થ દુક્ખસચ્ચઞ્ચ ન નિરુજ્ઝતિ.

૧૧૨. (ક) યસ્સ સમુદયસચ્ચં ન નિરુજ્ઝતિ તસ્સ મગ્ગસચ્ચં ન નિરુજ્ઝિત્થાતિ?

અભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને નિરોધસમાપન્નાનં તેસં સમુદયસચ્ચં ન નિરુજ્ઝતિ, નો ચ તેસં મગ્ગસચ્ચં ન નિરુજ્ઝિત્થ. અનભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને અસઞ્ઞસત્તાનં તેસં સમુદયસચ્ચઞ્ચ ન નિરુજ્ઝતિ મગ્ગસચ્ચઞ્ચ ન નિરુજ્ઝિત્થ.

(ખ) યસ્સ વા પન મગ્ગસચ્ચં ન નિરુજ્ઝિત્થ તસ્સ સમુદયસચ્ચં ન નિરુજ્ઝતીતિ?

અનભિસમેતાવીનં તણ્હાય ભઙ્ગક્ખણે તેસં મગ્ગસચ્ચં ન નિરુજ્ઝિત્થ, નો ચ તેસં સમુદયસચ્ચં ન નિરુજ્ઝતિ. અનભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને અસઞ્ઞસત્તાનં તેસં મગ્ગસચ્ચઞ્ચ ન નિરુજ્ઝિત્થ સમુદયસચ્ચઞ્ચ ન નિરુજ્ઝતિ.

(ઙ) પચ્ચનીકઓકાસો

૧૧૩. યત્થ દુક્ખસચ્ચં ન નિરુજ્ઝતિ…પે….

(ચ) પચ્ચનીકપુગ્ગલોકાસા

૧૧૪. (ક) યસ્સ યત્થ દુક્ખસચ્ચં ન નિરુજ્ઝતિ તસ્સ તત્થ સમુદયસચ્ચં ન નિરુજ્ઝિત્થાતિ?

ચતુવોકારં પઞ્ચવોકારં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં તત્થ દુક્ખસચ્ચં ન નિરુજ્ઝતિ, નો ચ તેસં તત્થ સમુદયસચ્ચં ન નિરુજ્ઝિત્થ. સુદ્ધાવાસાનં ઉપપત્તિચિત્તસ્સ ઉપ્પાદક્ખણે અસઞ્ઞસત્તં ઉપપજ્જન્તાનં તેસં તત્થ દુક્ખસચ્ચઞ્ચ ન નિરુજ્ઝતિ સમુદયસચ્ચઞ્ચ ન નિરુજ્ઝિત્થ.

(ખ) યસ્સ વા પન યત્થ સમુદયસચ્ચં ન નિરુજ્ઝિત્થ તસ્સ તત્થ દુક્ખસચ્ચં ન નિરુજ્ઝતીતિ?

સુદ્ધાવાસાનં ઉપપત્તિચિત્તસ્સ ભઙ્ગક્ખણે અસઞ્ઞસત્તા ચવન્તાનં તેસં તત્થ સમુદયસચ્ચં ન નિરુજ્ઝિત્થ, નો ચ તેસં તત્થ દુક્ખસચ્ચં ન નિરુજ્ઝતિ. સુદ્ધાવાસાનં ઉપપત્તિચિત્તસ્સ ઉપ્પાદક્ખણે અસઞ્ઞસત્તં ઉપપજ્જન્તાનં તેસં તત્થ સમુદયસચ્ચઞ્ચ ન નિરુજ્ઝિત્થ દુક્ખસચ્ચઞ્ચ ન નિરુજ્ઝતિ.

(ક) યસ્સ યત્થ દુક્ખસચ્ચં ન નિરુજ્ઝતિ તસ્સ તત્થ મગ્ગસચ્ચં ન નિરુજ્ઝિત્થાતિ?

અભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અરૂપે મગ્ગસ્સ ચ ફલસ્સ ચ ભઙ્ગક્ખણે તેસં તત્થ દુક્ખસચ્ચં ન નિરુજ્ઝતિ, નો ચ તેસં તત્થ મગ્ગસચ્ચં ન નિરુજ્ઝિત્થ. સુદ્ધાવાસાનં ઉપપત્તિચિત્તસ્સ ઉપ્પાદક્ખણે અનભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અસઞ્ઞસત્તં ઉપપજ્જન્તાનં તેસં તત્થ દુક્ખસચ્ચઞ્ચ ન નિરુજ્ઝતિ મગ્ગસચ્ચઞ્ચ ન નિરુજ્ઝિત્થ.

(ખ) યસ્સ વા પન યત્થ મગ્ગસચ્ચં ન નિરુજ્ઝિત્થ તસ્સ તત્થ દુક્ખસચ્ચં ન નિરુજ્ઝતીતિ?

સુદ્ધાવાસાનં ઉપપત્તિચિત્તસ્સ ભઙ્ગક્ખણે અનભિસમેતાવીનં ચવન્તાનં પવત્તે ચિત્તસ્સ ભઙ્ગક્ખણે અસઞ્ઞસત્તા ચવન્તાનં તેસં તત્થ મગ્ગસચ્ચં ન નિરુજ્ઝિત્થ, નો ચ તેસં તત્થ દુક્ખસચ્ચં ન નિરુજ્ઝતિ. સુદ્ધાવાસાનં ઉપપત્તિચિત્તસ્સ ઉપ્પાદક્ખણે અનભિસમેતાવીનં ઉપપજ્જન્તાનં પવત્તે ચિત્તસ્સ ઉપ્પાદક્ખણે અસઞ્ઞસત્તં ઉપપજ્જન્તાનં તેસં તત્થ મગ્ગસચ્ચઞ્ચ ન નિરુજ્ઝિત્થ દુક્ખસચ્ચઞ્ચ ન નિરુજ્ઝતિ.

૧૧૫. (ક) યસ્સ યત્થ સમુદયસચ્ચં ન નિરુજ્ઝતિ તસ્સ તત્થ મગ્ગસચ્ચં ન નિરુજ્ઝિત્થાતિ?

અભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને તેસં તત્થ સમુદયસચ્ચં ન નિરુજ્ઝતિ, નો ચ તેસં તત્થ મગ્ગસચ્ચં ન નિરુજ્ઝિત્થ. સુદ્ધાવાસાનં દુતિયે ચિત્તે વત્તમાને અનભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને અસઞ્ઞસત્તાનં તેસં તત્થ સમુદયસચ્ચઞ્ચ ન નિરુજ્ઝતિ મગ્ગસચ્ચઞ્ચ ન નિરુજ્ઝિત્થ.

(ખ) યસ્સ વા પન યત્થ મગ્ગસચ્ચં ન નિરુજ્ઝિત્થ તસ્સ તત્થ સમુદયસચ્ચં ન નિરુજ્ઝતીતિ?

અનભિસમેતાવીનં તણ્હાય ભઙ્ગક્ખણે તેસં તત્થ મગ્ગસચ્ચં ન નિરુજ્ઝિત્થ, નો ચ તેસં તત્થ સમુદયસચ્ચં ન નિરુજ્ઝતિ. સુદ્ધાવાસાનં દુતિયે ચિત્તે વત્તમાને અનભિસમેતાવીનં તણ્હાય ઉપ્પાદક્ખણે તણ્હાવિપ્પયુત્તચિત્તે વત્તમાને અસઞ્ઞસત્તાનં તેસં તત્થ મગ્ગસચ્ચઞ્ચ ન નિરુજ્ઝિત્થ સમુદયસચ્ચઞ્ચ ન નિરુજ્ઝતિ.