(૬) અતીતાનાગતવારો

(ક) અનુલોમપુગ્ગલો

૭૮. (ક) યસ્સ દુક્ખસચ્ચં ઉપ્પજ્જિત્થ તસ્સ સમુદયસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ તેસં દુક્ખસચ્ચં ઉપ્પજ્જિત્થ, નો ચ તેસં સમુદયસચ્ચં ઉપ્પજ્જિસ્સતિ. ઇતરેસં તેસં દુક્ખસચ્ચઞ્ચ ઉપ્પજ્જિત્થ સમુદયસચ્ચઞ્ચ ઉપ્પજ્જિસ્સતિ.

(ખ) યસ્સ વા પન સમુદયસચ્ચં ઉપ્પજ્જિસ્સતિ તસ્સ દુક્ખસચ્ચં ઉપ્પજ્જિત્થાતિ? આમન્તા.

(ક) યસ્સ દુક્ખસચ્ચં ઉપ્પજ્જિત્થ તસ્સ મગ્ગસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ તેસં દુક્ખસચ્ચં ઉપ્પજ્જિત્થ, નો ચ તેસં મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં દુક્ખસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન…પે…? આમન્તા.

૭૯. (ક) યસ્સ સમુદયસચ્ચં ઉપ્પજ્જિત્થ તસ્સ મગ્ગસચ્ચં ઉપ્પજ્જિસ્સતીતિ? અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ તેસં સમુદયસચ્ચં ઉપ્પજ્જિત્થ, નો ચ તેસં મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ, યે ચઞ્ઞે મગ્ગં પટિલભિસ્સન્તિ તેસં સમુદયસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન…પે…? આમન્તા.

(ખ) અનુલોમઓકાસો

૮૦. યત્થ દુક્ખસચ્ચં ઉપ્પજ્જિત્થ…પે….

(ગ) અનુલોમપુગ્ગલોકાસા

૮૧. (ક) યસ્સ યત્થ દુક્ખસચ્ચં ઉપ્પજ્જિત્થ તસ્સ તત્થ સમુદયસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિત્થ, નો ચ તેસં તત્થ સમુદયસચ્ચં ઉપ્પજ્જિસ્સતિ. ઇતરેસં ચતુવોકારાનં પઞ્ચવોકારાનં તેસં તત્થ દુક્ખસચ્ચઞ્ચ ઉપ્પજ્જિત્થ સમુદયસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ સમુદયસચ્ચં ઉપ્પજ્જિસ્સતિ તસ્સ તત્થ દુક્ખસચ્ચં ઉપ્પજ્જિત્થાતિ?

સુદ્ધાવાસં ઉપપજ્જન્તાનં તેસં તત્થ સમુદયસચ્ચં ઉપ્પજ્જિસ્સતિ, નો ચ તેસં તત્થ દુક્ખસચ્ચં ઉપ્પજ્જિત્થ. ઇતરેસં ચતુવોકારાનં પઞ્ચવોકારાનં તેસં તત્થ સમુદયસચ્ચઞ્ચ ઉપ્પજ્જિસ્સતિ દુક્ખસચ્ચઞ્ચ ઉપ્પજ્જિત્થ.

(ક) યસ્સ યત્થ દુક્ખસચ્ચં ઉપ્પજ્જિત્થ તસ્સ તત્થ મગ્ગસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ આપાયિકાનં અસઞ્ઞસત્તાનં તેસં તત્થ દુક્ખસચ્ચં ઉપ્પજ્જિત્થ, નો ચ તેસં તત્થ મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં તત્થ દુક્ખસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં ઉપ્પજ્જિસ્સતિ તસ્સ તત્થ દુક્ખસચ્ચં ઉપ્પજ્જિત્થાતિ?

સુદ્ધાવાસં ઉપપજ્જન્તાનં તેસં તત્થ મગ્ગસચ્ચં ઉપ્પજ્જિસ્સતિ, નો ચ તેસં તત્થ દુક્ખસચ્ચં ઉપ્પજ્જિત્થ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં તત્થ મગ્ગસચ્ચઞ્ચ ઉપ્પજ્જિસ્સતિ દુક્ખસચ્ચઞ્ચ ઉપ્પજ્જિત્થ.

૮૨. (ક) યસ્સ યત્થ સમુદયસચ્ચં ઉપ્પજ્જિત્થ તસ્સ તત્થ મગ્ગસચ્ચં ઉપ્પજ્જિસ્સતીતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ આપાયિકાનં તેસં તત્થ સમુદયસચ્ચં ઉપ્પજ્જિત્થ, નો ચ તેસં તત્થ મગ્ગસચ્ચં ઉપ્પજ્જિસ્સતિ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં તત્થ સમુદયસચ્ચઞ્ચ ઉપ્પજ્જિત્થ મગ્ગસચ્ચઞ્ચ ઉપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં ઉપ્પજ્જિસ્સતિ તસ્સ તત્થ સમુદયસચ્ચં ઉપ્પજ્જિત્થાતિ?

સુદ્ધાવાસાનં દુતિયે ચિત્તે વત્તમાને તેસં તત્થ મગ્ગસચ્ચં ઉપ્પજ્જિસ્સતિ, નો ચ તેસં તત્થ સમુદયસચ્ચં ઉપ્પજ્જિત્થ. યસ્સ ચિત્તસ્સ અનન્તરા અગ્ગમગ્ગં પટિલભિસ્સન્તિ યે ચઞ્ઞે મગ્ગં પટિલભિસ્સન્તિ તેસં તત્થ મગ્ગસચ્ચઞ્ચ ઉપ્પજ્જિસ્સતિ સમુદયસચ્ચઞ્ચ ઉપ્પજ્જિત્થ.

(ઘ) પચ્ચનીકપુગ્ગલો

૮૩. (ક) યસ્સ દુક્ખસચ્ચં નુપ્પજ્જિત્થ તસ્સ સમુદયસચ્ચં નુપ્પજ્જિસ્સતીતિ? નત્થિ.

(ખ) યસ્સ વા પન સમુદયસચ્ચં નુપ્પજ્જિસ્સતિ તસ્સ દુક્ખસચ્ચં નુપ્પજ્જિત્થાતિ? ઉપ્પજ્જિત્થ.

(ક) યસ્સ દુક્ખસચ્ચં નુપ્પજ્જિત્થ તસ્સ મગ્ગસચ્ચં નુપ્પજ્જિસ્સતીતિ? નત્થિ.

(ખ) યસ્સ વા પન મગ્ગસચ્ચં નુપ્પજ્જિસ્સતિ તસ્સ દુક્ખસચ્ચં નુપ્પજ્જિત્થાતિ? ઉપ્પજ્જિત્થ.

૮૪. (ક) યસ્સ સમુદયસચ્ચં નુપ્પજ્જિત્થ તસ્સ મગ્ગસચ્ચં નુપ્પજ્જિસ્સતીતિ? નત્થિ.

(ખ) યસ્સ વા પન મગ્ગસચ્ચં નુપ્પજ્જિસ્સતિ તસ્સ સમુદયસચ્ચં નુપ્પજ્જિત્થાતિ? ઉપ્પજ્જિત્થ.

(ઙ) પચ્ચનીકઓકાસો

૮૫. યત્થ દુક્ખસચ્ચં નુપ્પજ્જિત્થ…પે….

(ચ) પચ્ચનીકપુગ્ગલોકાસા

૮૬. (ક) યસ્સ યત્થ દુક્ખસચ્ચં નુપ્પજ્જિત્થ તસ્સ તત્થ સમુદયસચ્ચં નુપ્પજ્જિસ્સતીતિ? ઉપ્પજ્જિસ્સતિ.

(ખ) યસ્સ વા પન યત્થ સમુદયસચ્ચં નુપ્પજ્જિસ્સતિ તસ્સ તત્થ દુક્ખસચ્ચં નુપ્પજ્જિત્થાતિ? ઉપ્પજ્જિત્થ.

(ક) યસ્સ યત્થ દુક્ખસચ્ચં નુપ્પજ્જિત્થ તસ્સ તત્થ મગ્ગસચ્ચં નુપ્પજ્જિસ્સતીતિ? ઉપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં નુપ્પજ્જિસ્સતિ તસ્સ તત્થ દુક્ખસચ્ચં નુપ્પજ્જિત્થાતિ? ઉપ્પજ્જિત્થ.

૮૭. (ક) યસ્સ યત્થ સમુદયસચ્ચં નુપ્પજ્જિત્થ તસ્સ તત્થ મગ્ગસચ્ચં નુપ્પજ્જિસ્સતીતિ?

સુદ્ધાવાસાનં દુતિયે ચિત્તે વત્તમાને તેસં તત્થ સમુદયસચ્ચં નુપ્પજ્જિત્થ, નો ચ તેસં તત્થ મગ્ગસચ્ચં નુપ્પજ્જિસ્સતિ. અસઞ્ઞસત્તાનં તેસં તત્થ સમુદયસચ્ચઞ્ચ નુપ્પજ્જિત્થ મગ્ગસચ્ચઞ્ચ નુપ્પજ્જિસ્સતિ.

(ખ) યસ્સ વા પન યત્થ મગ્ગસચ્ચં નુપ્પજ્જિસ્સતિ તસ્સ તત્થ સમુદયસચ્ચં નુપ્પજ્જિત્થાતિ?

અગ્ગમગ્ગસમઙ્ગીનં અરહન્તાનં યે ચ પુથુજ્જના મગ્ગં ન પટિલભિસ્સન્તિ આપાયિકાનં તેસં તત્થ મગ્ગસચ્ચં નુપ્પજ્જિસ્સતિ, નો ચ તેસં તત્થ સમુદયસચ્ચં નુપ્પજ્જિત્થ. અસઞ્ઞસત્તાનં તેસં તત્થ મગ્ગસચ્ચઞ્ચ નુપ્પજ્જિસ્સતિ સમુદયસચ્ચઞ્ચ નુપ્પજ્જિત્થ.

ઉપ્પાદવારો.