(૫) પચ્ચુપ્પન્નાનાગતવારો

(ક) અનુલોમપુગ્ગલો

૧૩૩. (ક) યસ્સ રૂપક્ખન્ધો નિરુજ્ઝતિ તસ્સ વેદનાક્ખન્ધો નિરુજ્ઝિસ્સતીતિ?

પઞ્ચવોકારે પરિનિબ્બન્તાનં તેસં રૂપક્ખન્ધો નિરુજ્ઝતિ, નો ચ તેસં વેદનાક્ખન્ધો નિરુજ્ઝિસ્સતિ. ઇતરેસં પઞ્ચવોકારા ચવન્તાનં અસઞ્ઞસત્તા ચવન્તાનં તેસં રૂપક્ખન્ધો ચ નિરુજ્ઝતિ વેદનાક્ખન્ધો ચ નિરુજ્ઝિસ્સતિ.

(ખ) યસ્સ વા પન વેદનાક્ખન્ધો નિરુજ્ઝિસ્સતિ તસ્સ રૂપક્ખન્ધો નિરુજ્ઝતીતિ?

સબ્બેસં ઉપપજ્જન્તાનં અરૂપા ચવન્તાનં તેસં વેદનાક્ખન્ધો નિરુજ્ઝિસ્સતિ, નો ચ તેસં રૂપક્ખન્ધો નિરુજ્ઝતિ. પઞ્ચવોકારા ચવન્તાનં અસઞ્ઞસત્તા ચવન્તાનં તેસં વેદનાક્ખન્ધો ચ નિરુજ્ઝિસ્સતિ રૂપક્ખન્ધો ચ નિરુજ્ઝતિ.

૧૩૪. (ક) યસ્સ વેદનાક્ખન્ધો નિરુજ્ઝતિ તસ્સ સઞ્ઞાક્ખન્ધો નિરુજ્ઝિસ્સતીતિ?

પરિનિબ્બન્તાનં તેસં વેદનાક્ખન્ધો નિરુજ્ઝતિ, નો ચ તેસં સઞ્ઞાક્ખન્ધો નિરુજ્ઝિસ્સતિ. ઇતરેસં ચતુવોકારા પઞ્ચવોકારા ચવન્તાનં તેસં વેદનાક્ખન્ધો ચ નિરુજ્ઝતિ સઞ્ઞાક્ખન્ધો ચ નિરુજ્ઝિસ્સતિ.

(ખ) યસ્સ વા પન સઞ્ઞાક્ખન્ધો નિરુજ્ઝિસ્સતિ તસ્સ વેદનાક્ખન્ધો નિરુજ્ઝતીતિ?

સબ્બેસં ઉપપજ્જન્તાનં અસઞ્ઞસત્તા ચવન્તાનં તેસં સઞ્ઞાક્ખન્ધો નિરુજ્ઝિસ્સતિ, નો ચ તેસં વેદનાક્ખન્ધો નિરુજ્ઝતિ. ચતુવોકારા પઞ્ચવોકારા ચવન્તાનં તેસં સઞ્ઞાક્ખન્ધો ચ નિરુજ્ઝિસ્સતિ વેદનાક્ખન્ધો નિરુજ્ઝતિ.

(ખ) અનુલોમઓકાસો

૧૩૫. યત્થ રૂપક્ખન્ધો નિરુજ્ઝતિ…પે….

(ગ) અનુલોમપુગ્ગલોકાસા

૧૩૬. (ક) યસ્સ યત્થ રૂપક્ખન્ધો નિરુજ્ઝતિ તસ્સ તત્થ વેદનાક્ખન્ધો નિરુજ્ઝિસ્સતીતિ?

પઞ્ચવોકારે પરિનિબ્બન્તાનં અસઞ્ઞસત્તા ચવન્તાનં તેસં તત્થ રૂપક્ખન્ધો નિરુજ્ઝતિ, નો ચ તેસં તત્થ વેદનાક્ખન્ધો નિરુજ્ઝિસ્સતિ. ઇતરેસં પઞ્ચવોકારા ચવન્તાનં તેસં તત્થ રૂપક્ખન્ધો ચ નિરુજ્ઝતિ વેદનાક્ખન્ધો ચ નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો નિરુજ્ઝિસ્સતિ તસ્સ તત્થ રૂપક્ખન્ધો નિરુજ્ઝતીતિ?

પઞ્ચવોકારં ઉપપજ્જન્તાનં અરૂપાનં તેસં તત્થ વેદનાક્ખન્ધો નિરુજ્ઝિસ્સતિ, નો ચ તેસં તત્થ રૂપક્ખન્ધો નિરુજ્ઝતિ. પઞ્ચવોકારા ચવન્તાનં તેસં તત્થ વેદનાક્ખન્ધો ચ નિરુજ્ઝિસ્સતિ રૂપક્ખન્ધો ચ નિરુજ્ઝતિ.

૧૩૭. (ક) યસ્સ યત્થ વેદનાક્ખન્ધો નિરુજ્ઝતિ તસ્સ તત્થ સઞ્ઞાક્ખન્ધો નિરુજ્ઝિસ્સતીતિ?

પરિનિબ્બન્તાનં તેસં તત્થ વેદનાક્ખન્ધો નિરુજ્ઝતિ, નો ચ તેસં તત્થ સઞ્ઞાક્ખન્ધો નિરુજ્ઝિસ્સતિ. ઇતરેસં ચતુવોકારા પઞ્ચવોકારા ચવન્તાનં તેસં તત્થ વેદનાક્ખન્ધો ચ નિરુજ્ઝતિ સઞ્ઞાક્ખન્ધો ચ નિરુજ્ઝિસ્સતિ.

(ખ) યસ્સ વા પન યત્થ સઞ્ઞાક્ખન્ધો નિરુજ્ઝિસ્સતિ તસ્સ તત્થ વેદનાક્ખન્ધો નિરુજ્ઝતીતિ?

ચતુવોકારં પઞ્ચવોકારં ઉપપજ્જન્તાનં તેસં તત્થ સઞ્ઞાક્ખન્ધો નિરુજ્ઝિસ્સતિ, નો ચ તેસં તત્થ વેદનાક્ખન્ધો નિરુજ્ઝતિ. ચતુવોકારા પઞ્ચવોકારા ચવન્તાનં તેસં તત્થ સઞ્ઞાક્ખન્ધો ચ નિરુજ્ઝિસ્સતિ વેદનાક્ખન્ધો ચ નિરુજ્ઝતિ.

(ઘ) પચ્ચનીકપુગ્ગલો

૧૩૮. (ક) યસ્સ રૂપક્ખન્ધો ન નિરુજ્ઝતિ તસ્સ વેદનાક્ખન્ધો ન નિરુજ્ઝિસ્સતીતિ?

સબ્બેસં ઉપપજ્જન્તાનં અરૂપા ચવન્તાનં તેસં રૂપક્ખન્ધો ન નિરુજ્ઝતિ, નો ચ તેસં વેદનાક્ખન્ધો ન નિરુજ્ઝિસ્સતિ. અરૂપે પરિનિબ્બન્તાનં તેસં રૂપક્ખન્ધો ચ ન નિરુજ્ઝતિ વેદનાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન વેદનાક્ખન્ધો ન નિરુજ્ઝિસ્સતિ તસ્સ રૂપક્ખન્ધો ન નિરુજ્ઝતીતિ?

પઞ્ચવોકારે પરિનિબ્બન્તાનં તેસં વેદનાક્ખન્ધો ન નિરુજ્ઝિસ્સતિ, નો ચ તેસં રૂપક્ખન્ધો ન નિરુજ્ઝતિ. અરૂપે પરિનિબ્બન્તાનં તેસં વેદનાક્ખન્ધો ચ ન નિરુજ્ઝિસ્સતિ રૂપક્ખન્ધો ચ ન નિરુજ્ઝતિ.

૧૩૯. (ક) યસ્સ વેદનાક્ખન્ધો ન નિરુજ્ઝતિ તસ્સ સઞ્ઞાક્ખન્ધો ન નિરુજ્ઝિસ્સતીતિ? નિરુજ્ઝિસ્સતિ.

(ખ) યસ્સ વા પન સઞ્ઞાક્ખન્ધો ન નિરુજ્ઝિસ્સતિ તસ્સ વેદનાક્ખન્ધો ન નિરુજ્ઝતીતિ? નિરુજ્ઝતિ.

(ઙ) પચ્ચનીકઓકાસો

૧૪૦. યત્થ રૂપક્ખન્ધો ન નિરુજ્ઝતિ…પે….

(ચ) પચ્ચનીકપુગ્ગલોકાસા

૧૪૧. (ક) યસ્સ યત્થ રૂપક્ખન્ધો ન નિરુજ્ઝતિ તસ્સ તત્થ વેદનાક્ખન્ધો ન નિરુજ્ઝિસ્સતીતિ?

પઞ્ચવોકારં ઉપપજ્જન્તાનં અરૂપાનં તેસં તત્થ રૂપક્ખન્ધો ન નિરુજ્ઝતિ, નો ચ તેસં તત્થ વેદનાક્ખન્ધો ન નિરુજ્ઝિસ્સતિ. અરૂપે પરિનિબ્બન્તાનં અસઞ્ઞસત્તં ઉપપજ્જન્તાનં તેસં તત્થ રૂપક્ખન્ધો ચ ન નિરુજ્ઝતિ વેદનાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ વેદનાક્ખન્ધો ન નિરુજ્ઝિસ્સતિ તસ્સ તત્થ રૂપક્ખન્ધો ન નિરુજ્ઝતીતિ?

પઞ્ચવોકારે પરિનિબ્બન્તાનં અસઞ્ઞસત્તા ચવન્તાનં તેસં તત્થ વેદનાક્ખન્ધો ન નિરુજ્ઝિસ્સતિ, નો ચ તેસં તત્થ રૂપક્ખન્ધો ન નિરુજ્ઝતિ. અરૂપે પરિનિબ્બન્તાનં અસઞ્ઞસત્તં ઉપપજ્જન્તાનં તેસં તત્થ વેદનાક્ખન્ધો ચ ન નિરુજ્ઝિસ્સતિ રૂપક્ખન્ધો ચ ન નિરુજ્ઝતિ.

૧૪૨. (ક) યસ્સ યત્થ વેદનાક્ખન્ધો ન નિરુજ્ઝતિ તસ્સ તત્થ સઞ્ઞાક્ખન્ધો ન નિરુજ્ઝિસ્સતીતિ?

ચતુવોકારં પઞ્ચવોકારં ઉપપજ્જન્તાનં તેસં તત્થ વેદનાક્ખન્ધો ન નિરુજ્ઝતિ, નો ચ તેસં તત્થ સઞ્ઞાક્ખન્ધો ન નિરુજ્ઝિસ્સતિ. અસઞ્ઞસત્તાનં તેસં તત્થ વેદનાક્ખન્ધો ચ ન નિરુજ્ઝતિ સઞ્ઞાક્ખન્ધો ચ ન નિરુજ્ઝિસ્સતિ.

(ખ) યસ્સ વા પન યત્થ સઞ્ઞાક્ખન્ધો ન નિરુજ્ઝિસ્સતિ તસ્સ તત્થ વેદનાક્ખન્ધો ન નિરુજ્ઝતીતિ?

પરિનિબ્બન્તાનં તેસં તત્થ સઞ્ઞાક્ખન્ધો ન નિરુજ્ઝિસ્સતિ, નો ચ તેસં તત્થ વેદનાક્ખન્ધો ન નિરુજ્ઝતિ. અસઞ્ઞસત્તાનં તેસં તત્થ સઞ્ઞાક્ખન્ધો ચ ન નિરુજ્ઝિસ્સતિ વેદનાક્ખન્ધો ચ ન નિરુજ્ઝતિ.