૨. અકુસલા ધમ્મા (૧) મૂલનયો

૬૨. (ક) યે કેચિ અકુસલા ધમ્મા, સબ્બે તે અકુસલમૂલાતિ?

તીણેવ અકુસલમૂલાનિ. અવસેસા અકુસલા ધમ્મા ન અકુસલમૂલા.

(ખ) યે વા પન અકુસલમૂલા, સબ્બે તે ધમ્મા અકુસલાતિ? આમન્તા.

૬૩. (ક) યે કેચિ અકુસલા ધમ્મા, સબ્બે તે અકુસલમૂલેન એકમૂલાતિ?

અહેતુકં અકુસલં અકુસલમૂલેન ન એકમૂલં. સહેતુકં અકુસલં અકુસલમૂલેન એકમૂલં.

(ખ) યે વા પન અકુસલમૂલેન એકમૂલા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલેન એકમૂલં, ન અકુસલં. અકુસલં અકુસલમૂલેન એકમૂલઞ્ચેવ અકુસલઞ્ચ.

૬૪. (ક) યે કેચિ અકુસલમૂલેન એકમૂલા ધમ્મા, સબ્બે તે અકુસલમૂલેન અઞ્ઞમઞ્ઞમૂલાતિ?

મૂલાનિ યાનિ એકતો ઉપ્પજ્જન્તિ અકુસલમૂલાનિ એકમૂલાનિ ચેવ અઞ્ઞમઞ્ઞમૂલાનિ ચ. અવસેસા અકુસલમૂલસહજાતા ધમ્મા અકુસલમૂલેન એકમૂલા, ન ચ અઞ્ઞમઞ્ઞમૂલા.

(ખ) યે વા પન અકુસલમૂલેન અઞ્ઞમઞ્ઞમૂલા, સબ્બે તે ધમ્મા અકુસલાતિ? આમન્તા.

(૨) મૂલમૂલનયો

૬૫. (ક) યે કેચિ અકુસલા ધમ્મા, સબ્બે તે અકુસલમૂલમૂલાતિ?

તીણેવ અકુસલમૂલમૂલાનિ. અવસેસા અકુસલા ધમ્મા ન અકુસલમૂલમૂલા.

(ખ) યે વા પન અકુસલમૂલમૂલા, સબ્બે તે ધમ્મા અકુસલાતિ? આમન્તા.

૬૬. (ક) યે કેચિ અકુસલા ધમ્મા, સબ્બે તે અકુસલમૂલેન એકમૂલમૂલાતિ?

અહેતુકં અકુસલં અકુસલમૂલેન ન એકમૂલમૂલં. સહેતુકં અકુસલં અકુસલમૂલેન એકમૂલમૂલં.

(ખ) યે વા પન અકુસલમૂલેન એકમૂલમૂલા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલેન એકમૂલમૂલં, ન અકુસલં. અકુસલં અકુસલમૂલેન એકમૂલમૂલઞ્ચેવ અકુસલઞ્ચ.

૬૭. (ક) યે કેચિ અકુસલમૂલેન એકમૂલમૂલા ધમ્મા, સબ્બે તે અકુસલમૂલેન અઞ્ઞમઞ્ઞમૂલમૂલાતિ?

મૂલાનિ યાનિ એકતો ઉપ્પજ્જન્તિ અકુસલમૂલાનિ એકમૂલમૂલાનિ ચેવ અઞ્ઞમઞ્ઞમૂલમૂલાનિ ચ. અવસેસા અકુસલમૂલસહજાતા ધમ્મા અકુસલમૂલેન એકમૂલમૂલા, ન ચ અઞ્ઞમઞ્ઞમૂલમૂલા.

(ખ) યે વા પન અકુસલમૂલેન અઞ્ઞમઞ્ઞમૂલમૂલા, સબ્બે તે ધમ્મા અકુસલાતિ? આમન્તા.

(૩) મૂલકનયો

૬૮. (ક) યે કેચિ અકુસલા ધમ્મા, સબ્બે તે અકુસલમૂલકાતિ?

અહેતુકં અકુસલં ન અકુસલમૂલકં. સહેતુકં અકુસલં અકુસલમૂલકં.

(ખ) યે વા પન અકુસલમૂલકા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલકં ન અકુસલં. અકુસલં અકુસલમૂલકઞ્ચેવ અકુસલઞ્ચ.

૬૯. (ક) યે કેચિ અકુસલા ધમ્મા, સબ્બે તે અકુસલમૂલેન એકમૂલકાતિ?

અહેતુકં અકુસલં અકુસલમૂલેન ન એકમૂલકં. સહેતુકં અકુસલં અકુસલમૂલેન એકમૂલકં.

(ખ) યે વા પન અકુસલમૂલેન એકમૂલકા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલેન એકમૂલકં, ન અકુસલં. અકુસલં અકુસલમૂલેન એકમૂલકઞ્ચેવ અકુસલઞ્ચ.

૭૦. (ક) યે કેચિ અકુસલમૂલેન એકમૂલકા ધમ્મા, સબ્બે તે અકુસલમૂલેન અઞ્ઞમઞ્ઞમૂલકાતિ?

મૂલાનિ યાનિ એકતો ઉપ્પજ્જન્તિ અકુસલમૂલાનિ એકમૂલકાનિ ચેવ અઞ્ઞમઞ્ઞમૂલકાનિ ચ. અવસેસા અકુસલમૂલસહજાતા ધમ્મા અકુસલમૂલેન એકમૂલકા ન ચ અઞ્ઞમઞ્ઞમૂલકા.

(ખ) યે વા પન અકુસલમૂલેન અઞ્ઞમઞ્ઞમૂલકા, સબ્બે તે ધમ્મા અકુસલાતિ? આમન્તા.

(૪) મૂલમૂલકનયો

૭૧. (ક) યે કેચિ અકુસલા ધમ્મા, સબ્બે તે અકુસલમૂલમૂલકાતિ?

અહેતુકં અકુસલં ન અકુસલમૂલમૂલકં. સહેતુકં અકુસલં અકુસલમૂલમૂલકં.

(ખ) યે વા પન અકુસલમૂલમૂલકા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલમૂલકં ન અકુસલં. અકુસલં અકુસલમૂલમૂલકઞ્ચેવ અકુસલઞ્ચ.

૭૨. (ક) યે કેચિ અકુસલા ધમ્મા, સબ્બે તે અકુસલમૂલેન એકમૂલમૂલકાતિ?

અહેતુકં અકુસલં અકુસલમૂલેન ન એકમૂલમૂલકં. સહેતુકં અકુસલં અકુસલમૂલેન એકમૂલમૂલકં.

(ખ) યે વા પન અકુસલમૂલેન એકમૂલમૂલકા, સબ્બે તે ધમ્મા અકુસલાતિ?

અકુસલસમુટ્ઠાનં રૂપં અકુસલમૂલેન એકમૂલમૂલકં, ન અકુસલં. અકુસલં અકુસલમૂલેન એકમૂલમૂલકઞ્ચેવ અકુસલઞ્ચ.

૭૩. (ક) યે કેચિ અકુસલમૂલેન એકમૂલમૂલકા ધમ્મા, સબ્બે તે અકુસલમૂલેન અઞ્ઞમઞ્ઞમૂલમૂલકાતિ?

મૂલાનિ યાનિ એકતો ઉપ્પજ્જન્તિ અકુસલમૂલાનિ એકમૂલમૂલકાનિ ચેવ અઞ્ઞમઞ્ઞમૂલમૂલકાનિ ચ. અવસેસા અકુસલમૂલસહજાતા ધમ્મા અકુસલમૂલેન એકમૂલમૂલકા, ન ચ અઞ્ઞમઞ્ઞમૂલમૂલકા.

(ખ) યે વા પન અકુસલમૂલેન અઞ્ઞમઞ્ઞમૂલમૂલકા, સબ્બે તે ધમ્મા અકુસલાતિ? આમન્તા.