૧. પચ્ચયાનુલોમં

હેતુપચ્ચયો

૪૦. પરિત્તં ધમ્મં પટિચ્ચ નપરિત્તો ધમ્મો ઉપ્પજ્જતિ હેતુપચ્ચયા. પરિત્તં ધમ્મં પટિચ્ચ નમહગ્ગતો ધમ્મો ઉપ્પજ્જતિ હેતુપચ્ચયા. પરિત્તં ધમ્મં પટિચ્ચ નઅપ્પમાણો ધમ્મો ઉપ્પજ્જતિ હેતુપચ્ચયા. પરિત્તં ધમ્મં પટિચ્ચ નપરિત્તો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. પરિત્તં ધમ્મં પટિચ્ચ નમહગ્ગતો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. (૫)

મહગ્ગતં ધમ્મં પટિચ્ચ નમહગ્ગતો ધમ્મો ઉપ્પજ્જતિ હેતુપચ્ચયા. મહગ્ગતં ધમ્મં પટિચ્ચ નપરિત્તો ધમ્મો ઉપ્પજ્જતિ હેતુપચ્ચયા. મહગ્ગતં ધમ્મં પટિચ્ચ નઅપ્પમાણો ધમ્મો ઉપ્પજ્જતિ હેતુપચ્ચયા. મહગ્ગતં ધમ્મં પટિચ્ચ નપરિત્તો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. મહગ્ગતં ધમ્મં પટિચ્ચ નમહગ્ગતો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. (૫)

અપ્પમાણં ધમ્મં પટિચ્ચ નઅપ્પમાણો ધમ્મો ઉપ્પજ્જતિ હેતુપચ્ચયા. અપ્પમાણં ધમ્મં પટિચ્ચ નપરિત્તો ધમ્મો ઉપ્પજ્જતિ હેતુપચ્ચયા. અપ્પમાણં ધમ્મં પટિચ્ચ નમહગ્ગતો ધમ્મો ઉપ્પજ્જતિ હેતુપચ્ચયા. અપ્પમાણં ધમ્મં પટિચ્ચ નમહગ્ગતો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. અપ્પમાણં ધમ્મં પટિચ્ચ નપરિત્તો ચ નમહગ્ગતો ચ ધમ્મા ઉપ્પજ્જન્તિ હેતુપચ્ચયા. (૫)

પરિત્તઞ્ચ અપ્પમાણઞ્ચ ધમ્મં પટિચ્ચ નમહગ્ગતો ધમ્મો ઉપ્પજ્જતિ હેતુપચ્ચયા. પરિત્તઞ્ચ અપ્પમાણઞ્ચ ધમ્મં પટિચ્ચ નઅપ્પમાણો ધમ્મો ઉપ્પજ્જતિ હેતુપચ્ચયા. પરિત્તઞ્ચ અપ્પમાણઞ્ચ ધમ્મં પટિચ્ચ નમહગ્ગતો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. (૩)

પરિત્તઞ્ચ મહગ્ગતઞ્ચ ધમ્મં પટિચ્ચ નપરિત્તો ધમ્મો ઉપ્પજ્જતિ હેતુપચ્ચયા. પરિત્તઞ્ચ મહગ્ગતઞ્ચ ધમ્મં પટિચ્ચ નમહગ્ગતો ધમ્મો ઉપ્પજ્જતિ હેતુપચ્ચયા. પરિત્તઞ્ચ મહગ્ગતઞ્ચ ધમ્મં પટિચ્ચ નઅપ્પમાણો ધમ્મો ઉપ્પજ્જતિ હેતુપચ્ચયા. પરિત્તઞ્ચ મહગ્ગતઞ્ચ ધમ્મં પટિચ્ચ નપરિત્તો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. પરિત્તઞ્ચ મહગ્ગતઞ્ચ ધમ્મં પટિચ્ચ નમહગ્ગતો ચ નઅપ્પમાણો ચ ધમ્મા ઉપ્પજ્જન્તિ હેતુપચ્ચયા. (૫) (સંખિત્તં.)

હેતુયા તેવીસ, આરમ્મણે ચુદ્દસ. (સબ્બત્થ વિત્થારેતબ્બં.)