૧-૨. કુસલત્તિક-સહેતુકદુકં

૮. નકુસલં નસહેતુકં ધમ્મં પટિચ્ચ નકુસલો નસહેતુકો ધમ્મો ઉપ્પજ્જતિ હેતુપચ્ચયા. નકુસલં નસહેતુકં ધમ્મં પટિચ્ચ નઅકુસલો નસહેતુકો ધમ્મો ઉપ્પજ્જતિ હેતુપચ્ચયા. નકુસલં નસહેતુકં ધમ્મં પટિચ્ચ નકુસલો નસહેતુકો ચ નઅકુસલો નસહેતુકો ચ ધમ્મા ઉપ્પજ્જન્તિ હેતુપચ્ચયા. (૩)

નઅકુસલં નસહેતુકં ધમ્મં પટિચ્ચ નઅકુસલો નસહેતુકો ધમ્મો ઉપ્પજ્જતિ હેતુપચ્ચયા. નઅકુસલં નસહેતુકં ધમ્મં પટિચ્ચ નકુસલો નસહેતુકો ધમ્મો ઉપ્પજ્જતિ હેતુપચ્ચયા. નઅકુસલં નસહેતુકં ધમ્મં પટિચ્ચ નકુસલો નસહેતુકો ચ નઅકુસલો નસહેતુકો ચ ધમ્મા ઉપ્પજ્જન્તિ હેતુપચ્ચયા. (૩)

નઅબ્યાકતં નસહેતુકં ધમ્મં પટિચ્ચ નકુસલો નસહેતુકો ધમ્મો ઉપ્પજ્જતિ હેતુપચ્ચયા… તીણિ.

નકુસલં નસહેતુકઞ્ચ નઅબ્યાકતં નસહેતુકઞ્ચ ધમ્મં પટિચ્ચ નકુસલો નસહેતુકો ધમ્મો ઉપ્પજ્જતિ હેતુપચ્ચયા… તીણિ.

નકુસલં નસહેતુકઞ્ચ નઅકુસલં નસહેતુકઞ્ચ ધમ્મં પટિચ્ચ નકુસલો નસહેતુકો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા પન્નરસ, આરમ્મણે નવ…પે… અધિપતિયા નવ…પે… વિપાકે નવ…પે… અવિગતે પન્નરસ. (સબ્બત્થ વિત્થારો.)

૯. નકુસલં નઅહેતુકં ધમ્મં પટિચ્ચ નકુસલો નઅહેતુકો ધમ્મો ઉપ્પજ્જતિ હેતુપચ્ચયા… પઞ્ચ.

નઅકુસલં નઅહેતુકં ધમ્મં પટિચ્ચ નઅકુસલો નઅહેતુકો ધમ્મો ઉપ્પજ્જતિ હેતુપચ્ચયા… પઞ્ચ.

નઅબ્યાકતં નઅહેતુકં ધમ્મં પટિચ્ચ નઅબ્યાકતો નઅહેતુકો ધમ્મો ઉપ્પજ્જતિ હેતુપચ્ચયા… પઞ્ચ.

નકુસલં નઅહેતુકઞ્ચ નઅબ્યાકતં નઅહેતુકઞ્ચ ધમ્મં પટિચ્ચ નકુસલો નઅહેતુકો ધમ્મો ઉપ્પજ્જતિ હેતુપચ્ચયા… તીણિ.

નઅકુસલં નઅહેતુકઞ્ચ નઅબ્યાકતં નઅહેતુકઞ્ચ ધમ્મં પટિચ્ચ નઅકુસલો નઅહેતુકો ધમ્મો ઉપ્પજ્જતિ હેતુપચ્ચયા… તીણિ.

નકુસલં નઅહેતુકઞ્ચ નઅકુસલં નઅહેતુકઞ્ચ ધમ્મં પટિચ્ચ નકુસલો નઅહેતુકો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા ચતુવીસ…પે… અવિગતે ચતુવીસ. (સબ્બત્થ વિત્થારો.)