૨-૩-૧. સહેતુકદુકાદિ-કુસલત્તિકં

૩૩. નસહેતુકં નકુસલં ધમ્મં પટિચ્ચ નસહેતુકો નકુસલો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં, એકં મહાભૂતં પટિચ્ચ તયો મહાભૂતા…પે… દ્વે મહાભૂતે…પે… નસહેતુકં નકુસલં ધમ્મં પટિચ્ચ નઅહેતુકો નકુસલો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા; પટિસન્ધિક્ખણે વત્થું પટિચ્ચ સહેતુકા ખન્ધા. નસહેતુકં નકુસલં ધમ્મં પટિચ્ચ નસહેતુકો નકુસલો ચ નઅહેતુકો નકુસલો ચ ધમ્મા ઉપ્પજ્જન્તિ હેતુપચ્ચયા. (૩)

નઅહેતુકં નકુસલં ધમ્મં પટિચ્ચ નઅહેતુકો નકુસલો ધમ્મો ઉપ્પજ્જતિ હેતુપચ્ચયા… તીણિ.

નસહેતુકં નકુસલઞ્ચ નઅહેતુકં નકુસલઞ્ચ ધમ્મં પટિચ્ચ નસહેતુકો નકુસલો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા નવ.

૩૪. નસહેતુકં નઅકુસલં ધમ્મં પટિચ્ચ નસહેતુકો નઅકુસલો ધમ્મો ઉપ્પજ્જતિ હેતુપચ્ચયા… તીણિ.

નઅહેતુકં નઅકુસલં ધમ્મં પટિચ્ચ નઅહેતુકો નઅકુસલો ધમ્મો ઉપ્પજ્જતિ હેતુપચ્ચયા… તીણિ.

નસહેતુકં નઅકુસલઞ્ચ નઅહેતુકં નઅકુસલઞ્ચ ધમ્મં પટિચ્ચ નસહેતુકો નઅકુસલો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા નવ.

૩૫. નસહેતુકં નઅબ્યાકતં ધમ્મં પટિચ્ચ નઅહેતુકો નઅબ્યાકતો ધમ્મો ઉપ્પજ્જતિ હેતુપચ્ચયા. (૧)

નઅહેતુકં નઅબ્યાકતં ધમ્મં પટિચ્ચ નઅહેતુકો નઅબ્યાકતો ધમ્મો ઉપ્પજ્જતિ હેતુપચ્ચયા. (૧)

નસહેતુકં નઅબ્યાકતઞ્ચ નઅહેતુકં નઅબ્યાકતઞ્ચ ધમ્મં પટિચ્ચ નઅહેતુકો નઅબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ.

(હેતુસમ્પયુત્તદુકં સહેતુકદુકસદિસં.)