૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧. નહેતું ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા – નહેતું એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે…પે… (યાવ મહાભૂતા). નહેતું ધમ્મં પટિચ્ચ ન નહેતુ ધમ્મો ઉપ્પજ્જતિ હેતુપચ્ચયા – નહેતૂ ખન્ધે પટિચ્ચ હેતૂ; પટિસન્ધિક્ખણે…પે… નહેતું ધમ્મં પટિચ્ચ નહેતુ ચ ન નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

ન નહેતું ધમ્મં પટિચ્ચ ન નહેતુ ધમ્મો ઉપ્પજ્જતિ હેતુપચ્ચયા. ન નહેતું ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા. ન નહેતું ધમ્મં પટિચ્ચ નહેતુ ચ ન નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

નહેતુઞ્ચ ન નહેતુઞ્ચ ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા. નહેતુઞ્ચ ન નહેતુઞ્ચ ધમ્મં પટિચ્ચ ન નહેતુ ધમ્મો ઉપ્પજ્જતિ હેતુપચ્ચયા. નહેતુઞ્ચ ન નહેતુઞ્ચ ધમ્મં પટિચ્ચ નહેતુ ચ ન નહેતુ ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં.)

૨. હેતુયા નવ, આરમ્મણે નવ…પે… અવિગતે નવ.

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં એવં વિત્થારેતબ્બં.)

હેતુ-આરમ્મણપચ્ચયા

૩. ન નહેતુ ધમ્મો ન નહેતુસ્સ ધમ્મસ્સ હેતુપચ્ચયેન પચ્ચયો. ન નહેતુ ધમ્મો નહેતુસ્સ ધમ્મસ્સ હેતુપચ્ચયેન પચ્ચયો. ન નહેતુ ધમ્મો નહેતુસ્સ ચ ન નહેતુસ્સ ચ ધમ્મસ્સ હેતુપચ્ચયેન પચ્ચયો. (૩)

નહેતુ ધમ્મો નહેતુસ્સ ધમ્મસ્સ આરમ્મણપચ્ચયેન પચ્ચયો. નહેતુ ધમ્મો ન નહેતુસ્સ ધમ્મસ્સ આરમ્મણપચ્ચયેન પચ્ચયો. નહેતુ ધમ્મો નહેતુસ્સ ચ ન નહેતુસ્સ ચ ધમ્મસ્સ આરમ્મણપચ્ચયેન પચ્ચયો. (૩)

ન નહેતુ ધમ્મો ન નહેતુસ્સ ધમ્મસ્સ આરમ્મણપચ્ચયેન પચ્ચયો. ન નહેતુ ધમ્મો નહેતુસ્સ ધમ્મસ્સ આરમ્મણપચ્ચયેન પચ્ચયો. ન નહેતુ ધમ્મો નહેતુસ્સ ચ ન નહેતુસ્સ ચ ધમ્મસ્સ આરમ્મણપચ્ચયેન પચ્ચયો. (૩)

નહેતુ ચ ન નહેતુ ચ ધમ્મા નહેતુસ્સ ધમ્મસ્સ આરમ્મણપચ્ચયેન પચ્ચયો. નહેતુ ચ ન નહેતુ ચ ધમ્મા ન નહેતુસ્સ ધમ્મસ્સ આરમ્મણપચ્ચયેન પચ્ચયો. નહેતુ ચ ન નહેતુ ચ ધમ્મા નહેતુસ્સ ચ ન નહેતુસ્સ ચ ધમ્મસ્સ આરમ્મણપચ્ચયેન પચ્ચયો. (૩) (સંખિત્તં.)

૪. હેતુયા તીણિ, આરમ્મણે નવ…પે… અવિગતે નવ. (યથા કુસલત્તિકે પઞ્હાવારં, એવં વિત્થારેતબ્બં.)