૧૦. સપ્પટિઘદુકં

૧-૭. પટિચ્ચવારાદિ

૨૧. નસપ્પટિઘં ધમ્મં પટિચ્ચ નસપ્પટિઘો ધમ્મો ઉપ્પજ્જતિ હેતુપચ્ચયા. નસપ્પટિઘં ધમ્મં પટિચ્ચ નઅપ્પટિઘો ધમ્મો ઉપ્પજ્જતિ હેતુપચ્ચયા. નસપ્પટિઘં ધમ્મં પટિચ્ચ નસપ્પટિઘો ચ નઅપ્પટિઘો ચ ધમ્મા ઉપ્પજ્જન્તિ હેતુપચ્ચયા. (૩)

નઅપ્પટિઘં ધમ્મં પટિચ્ચ નઅપ્પટિઘો ધમ્મો ઉપ્પજ્જતિ હેતુપચ્ચયા… તીણિ.

નસપ્પટિઘઞ્ચ નઅપ્પટિઘઞ્ચ ધમ્મં પટિચ્ચ નસપ્પટિઘો ધમ્મો ઉપ્પજ્જતિ હેતુપચ્ચયા… તીણિ. (સંખિત્તં.)

હેતુયા નવ, આરમ્મણે એકં.

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૨૨. નસપ્પટિઘો ધમ્મો નસપ્પટિઘસ્સ ધમ્મસ્સ હેતુપચ્ચયેન પચ્ચયો. નસપ્પટિઘો ધમ્મો નઅપ્પટિઘસ્સ ધમ્મસ્સ હેતુપચ્ચયેન પચ્ચયો. નસપ્પટિઘો ધમ્મો નસપ્પટિઘસ્સ ચ નઅપ્પટિઘસ્સ ચ ધમ્મસ્સ હેતુપચ્ચયેન પચ્ચયો. (૩)

નસપ્પટિઘો ધમ્મો નસપ્પટિઘસ્સ ધમ્મસ્સ આરમ્મણપચ્ચયેન પચ્ચયો. નઅપ્પટિઘો ધમ્મો નસપ્પટિઘસ્સ ધમ્મસ્સ આરમ્મણપચ્ચયેન પચ્ચયો. (૨) (સંખિત્તં.)

૨૩. હેતુયા તીણિ, આરમ્મણે દ્વે, અધિપતિયા ચત્તારિ…પે… અવિગતે નવ.