૧-૧. હેતુદુક-સહેતુકદુકં

૧. નહેતું નસહેતુકં ધમ્મં પટિચ્ચ હેતુ સહેતુકો ધમ્મો ઉપ્પજ્જતિ હેતુપચ્ચયા. નહેતું નસહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા. નહેતું નસહેતુકં ધમ્મં પટિચ્ચ હેતુ સહેતુકો ચ નહેતુ સહેતુકો ચ ધમ્મા ઉપ્પજ્જન્તિ હેતુપચ્ચયા. તીણિ.

નનહેતું નસહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા. એકં.

હેતુયા ચત્તારિ, આરમ્મણે ચત્તારિ…પે… અવિગતે ચત્તારિ.

૨. નનહેતુ નઅહેતુકો ધમ્મો નહેતુસ્સ અહેતુકસ્સ ધમ્મસ્સ હેતુપચ્ચયેન પચ્ચયો.

હેતુયા એકં, આરમ્મણે છ…પે… અવિગતે પઞ્ચ. (પઞ્હાવારં વિત્થારેતબ્બં.)

૩. નહેતું નઅહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. એકં.

નનહેતું નઅહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. એકં.

નહેતું નઅહેતુકઞ્ચ નનહેતું નઅહેતુકઞ્ચ ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. એકં. હેતુયા તીણિ.