૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧. હેતું સહેતુકં ધમ્મં પટિચ્ચ હેતુ સહેતુકો ધમ્મો ઉપ્પજ્જતિ હેતુપચ્ચયા. હેતું સહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા. હેતું સહેતુકં ધમ્મં પટિચ્ચ હેતુ સહેતુકો ચ નહેતુ સહેતુકો ચ ધમ્મા ઉપ્પજ્જન્તિ હેતુપચ્ચયા. (૩)

૨. નહેતું સહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા. નહેતું સહેતુકં ધમ્મં પટિચ્ચ હેતુ સહેતુકો ધમ્મો ઉપ્પજ્જતિ હેતુપચ્ચયા. નહેતું સહેતુકં ધમ્મં પટિચ્ચ હેતુ સહેતુકો ચ નહેતુ સહેતુકો ચ ધમ્મા ઉપ્પજ્જન્તિ હેતુપચ્ચયા. (૩)

૩. હેતું સહેતુકઞ્ચ નહેતું સહેતુકઞ્ચ ધમ્મં પટિચ્ચ હેતુ સહેતુકો ધમ્મો ઉપ્પજ્જતિ હેતુપચ્ચયા. હેતું સહેતુકઞ્ચ નહેતું સહેતુકઞ્ચ ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા. હેતું સહેતુકઞ્ચ નહેતું સહેતુકઞ્ચ ધમ્મં પટિચ્ચ હેતુ સહેતુકો ચ નહેતુ સહેતુકો ચ ધમ્મા ઉપ્પજ્જન્તિ હેતુપચ્ચયા. (૩)

૪. હેતુયા નવ, આરમ્મણે નવ…પે… અવિગતે નવ. (સંખિત્તં.)

પચ્ચનીયં

નઅધિપતિપચ્ચયો

૫. હેતું સહેતુકં ધમ્મં પટિચ્ચ હેતુ સહેતુકો ધમ્મો ઉપ્પજ્જતિ નઅધિપતિપચ્ચયા. (સંખિત્તં.)

નઅધિપતિયા નવ, નપુરેજાતે નવ, નપચ્છાજાતે નવ, નકમ્મે તીણિ, નવિપાકે નવ, નવિપ્પયુત્તે નવ. (સંખિત્તં.)

હેતુપચ્ચયા નઅધિપતિયા નવ. (સંખિત્તં.)

નઅધિપતિપચ્ચયા હેતુયા નવ. (સંખિત્તં.)

(સહજાતવારમ્પિ પચ્ચયવારમ્પિ નિસ્સયવારમ્પિ સંસટ્ઠવારમ્પિ સમ્પયુત્તવારમ્પિ પટિચ્ચવારસદિસં.)

હેતુ-આરમ્મણપચ્ચયા

૬. હેતુ સહેતુકો ધમ્મો હેતુસ્સ સહેતુકસ્સ ધમ્મસ્સ હેતુપચ્ચયેન પચ્ચયો. હેતુ સહેતુકો ધમ્મો નહેતુસ્સ સહેતુકસ્સ ધમ્મસ્સ હેતુપચ્ચયેન પચ્ચયો. હેતુ સહેતુકો ધમ્મો હેતુસ્સ સહેતુકસ્સ ચ નહેતુસ્સ સહેતુકસ્સ ચ ધમ્મસ્સ હેતુપચ્ચયેન પચ્ચયો. (૩)

૭. હેતુ સહેતુકો ધમ્મો હેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. હેતુ સહેતુકો ધમ્મો નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. હેતુ સહેતુકો ધમ્મો હેતુસ્સ સહેતુકસ્સ ચ નહેતુસ્સ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો. (૩)

નહેતુ સહેતુકો ધમ્મો નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. નહેતુ સહેતુકો ધમ્મો હેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. નહેતુ સહેતુકો ધમ્મો હેતુસ્સ સહેતુકસ્સ ચ નહેતુસ્સ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો. (૩)

હેતુ સહેતુકો ચ નહેતુ સહેતુકો ચ ધમ્મા હેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. હેતુ સહેતુકો ચ નહેતુ સહેતુકો ચ ધમ્મા નહેતુસ્સ સહેતુકસ્સ ધમ્મસ્સ આરમ્મણપચ્ચયેન પચ્ચયો. હેતુ સહેતુકો ચ નહેતુ સહેતુકો ચ ધમ્મા હેતુસ્સ સહેતુકસ્સ ચ નહેતુસ્સ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો. (૩) (સંખિત્તં.)

૮. હેતુયા તીણિ, આરમ્મણે નવ…પે… ઉપનિસ્સયે નવ અવિગતે નવ. (સંખિત્તં.)

(યથા કુસલત્તિકે પઞ્હાવારં, એવં વિત્થારેતબ્બં.)

અહેતુકપદં

પચ્ચયચતુક્કં

૯. હેતું અહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. (૧)

નહેતું અહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. (૧)

હેતું અહેતુકઞ્ચ નહેતું અહેતુકઞ્ચ ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ, આરમ્મણે એકં, અવિગતે તીણિ. (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૧૦. હેતુ અહેતુકો ધમ્મો નહેતુસ્સ અહેતુકસ્સ ધમ્મસ્સ હેતુપચ્ચયેન પચ્ચયો. (૧)

હેતુ અહેતુકો ધમ્મો હેતુસ્સ અહેતુકસ્સ ધમ્મસ્સ આરમ્મણપચ્ચયેન પચ્ચયો. હેતુ અહેતુકો ધમ્મો નહેતુસ્સ અહેતુકસ્સ ધમ્મસ્સ આરમ્મણપચ્ચયેન પચ્ચયો. (૨)

નહેતુ અહેતુકો ધમ્મો નહેતુસ્સ અહેતુકસ્સ ધમ્મસ્સ આરમ્મણપચ્ચયેન પચ્ચયો. નહેતુ અહેતુકો ધમ્મો હેતુસ્સ અહેતુકસ્સ ધમ્મસ્સ આરમ્મણપચ્ચયેન પચ્ચયો. (૨) (સંખિત્તં.)

૧૧. હેતુયા એકં, આરમ્મણે ચત્તારિ, અવિગતે ચત્તારિ. (સંખિત્તં.)

(યથા કુસલત્તિકે પઞ્હાવારં, એવં વિત્થારેતબ્બં.)