૧-૨૧. કુસલત્તિક-સનિદસ્સનત્તિકં

૨૫. નકુસલં નસનિદસ્સનસપ્પટિઘં ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નઅકુસલં નસનિદસ્સનસપ્પટિઘં ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નઅબ્યાકતં નસનિદસ્સનસપ્પટિઘં ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નકુસલં નસનિદસ્સનસપ્પટિઘઞ્ચ નઅબ્યાકતં નસનિદસ્સનસપ્પટિઘઞ્ચ ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નઅકુસલં નસનિદસ્સનસપ્પટિઘઞ્ચ નઅબ્યાકતં નસનિદસ્સનસપ્પટિઘઞ્ચ ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નકુસલં નસનિદસ્સનસપ્પટિઘઞ્ચ નઅકુસલં નસનિદસ્સનસપ્પટિઘઞ્ચ ધમ્મં પટિચ્ચ અબ્યાકતો સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં. હેતુયા છ.

૨૬. નકુસલં નઅનિદસ્સનસપ્પટિઘં ધમ્મં પટિચ્ચ અબ્યાકતો અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા… હેતુયા છ.

નકુસલં નઅનિદસ્સનઅપ્પટિઘં ધમ્મં પટિચ્ચ અબ્યાકતો અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા… હેતુયા તીણિ.