૨-૧. વેદનાત્તિક-હેતુદુકં

૩૭. નસુખાય વેદનાય સમ્પયુત્તં નહેતું ધમ્મં પટિચ્ચ સુખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા. નસુખાય વેદનાય સમ્પયુત્તં નહેતું ધમ્મં પટિચ્ચ દુક્ખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા. નસુખાય વેદનાય સમ્પયુત્તં નહેતું ધમ્મં પટિચ્ચ અદુક્ખમસુખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા. તીણિ.

નદુક્ખાય વેદનાય સમ્પયુત્તં નહેતું ધમ્મં પટિચ્ચ દુક્ખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા… તીણિ.

નઅદુક્ખમસુખાય વેદનાય સમ્પયુત્તં નહેતું ધમ્મં પટિચ્ચ અદુક્ખમસુખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા… તીણિ.

નસુખાય વેદનાય સમ્પયુત્તં નહેતુઞ્ચ નઅદુક્ખમસુખાય વેદનાય સમ્પયુત્તં નહેતુઞ્ચ ધમ્મં પટિચ્ચ સુખાય વેદનાય સમ્પયુત્તો હેતુ ધમ્મો ઉપ્પજ્જતિ હેતુપચ્ચયા… તીણિ (દુતિયં ગણિતકેન તીણિ). હેતુયા એકવીસ.

નસુખાય વેદનાય સમ્પયુત્તં નનહેતું ધમ્મં પટિચ્ચ દુક્ખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા… દ્વે.

નદુક્ખાય વેદનાય સમ્પયુત્તં નનહેતું ધમ્મં પટિચ્ચ… (દ્વે પઞ્હાયેવ).

નઅદુક્ખમસુખાય વેદનાય સમ્પયુત્તં નનહેતું ધમ્મં પટિચ્ચ… (દ્વેયેવ. પઠમં ગણિતકેન એકં, દુતિયં ગણિતકેન એકં, તતિયં ગણિતકેન એકં કાતબ્બં.) હેતુયા નવ.