૧-૨૨. હેતુદુક-સનિદસ્સનત્તિકં

૮૪. નહેતું નસનિદસ્સનસપ્પટિઘં ધમ્મં પટિચ્ચ નહેતુ સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

નનહેતું નસનિદસ્સનસપ્પટિઘં ધમ્મં પટિચ્ચ નહેતુ સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. એકં.

(નહેતુનઅનિદસ્સનસપ્પટિઘમૂલેપિ તીણિયેવ.)

૮૫. નહેતું નઅનિદસ્સનઅપ્પટિઘં ધમ્મં પટિચ્ચ નહેતુ અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. હેતુયા એકં.