૧-૪. હેતુદુક-ઉપાદિન્નત્તિકં

૬૪. નહેતુ નઉપાદિન્નુપાદાનિયો ધમ્મો હેતુસ્સ ઉપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો. નહેતુ નઉપાદિન્નુપાદાનિયો ધમ્મો નહેતુસ્સ ઉપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો. નહેતુ નઉપાદિન્નુપાદાનિયો ધમ્મો હેતુસ્સ ઉપાદિન્નુપાદાનિયસ્સ ચ નહેતુસ્સ ઉપાદિન્નુપાદાનિયસ્સ ચ ધમ્મસ્સ આરમ્મણપચ્ચયેન પચ્ચયો. (૩)

નનહેતુ નઉપાદિન્નુપાદાનિયો ધમ્મો નહેતુસ્સ ઉપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો… તીણિ.

નહેતુ નઉપાદિન્નુપાદાનિયો ચ નનહેતુ નઉપાદિન્નુપાદાનિયો ચ ધમ્મા હેતુસ્સ ઉપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો… તીણિ. (નવ પઞ્હા સંખિત્તં.)

નહેતું નઅનુપાદિન્નુપાદાનિયં ધમ્મં પચ્ચયા હેતુ અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા… હેતુયા તીણિ.

નહેતું નઅનુપાદિન્નઅનુપાદાનિયં ધમ્મં પચ્ચયા હેતુ અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા… હેતુયા તીણિ.