૧૮-૧૯. અતીતત્તિકદ્વયં

૧-૭. પટિચ્ચવારાદિ

૨૬. નઅતીતો ધમ્મો પચ્ચુપ્પન્નસ્સ ધમ્મસ્સ હેતુપચ્ચયેન પચ્ચયો. નઅનાગતો ધમ્મો પચ્ચુપ્પન્નસ્સ ધમ્મસ્સ હેતુપચ્ચયેન પચ્ચયો. નઅતીતો ચ નઅનાગતો ચ ધમ્મા પચ્ચુપ્પન્નસ્સ ધમ્મસ્સ હેતુપચ્ચયેન પચ્ચયો. હેતુયા તીણિ.

૨૭. નઅતીતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ હેતુપચ્ચયા. નઅતીતારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ હેતુપચ્ચયા. નઅતીતારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા. તીણિ.

નઅનાગતારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ હેતુપચ્ચયા. નઅનાગતારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા. દ્વે.

નપચ્ચુપ્પન્નારમ્મણં ધમ્મં પટિચ્ચ પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા. નપચ્ચુપ્પન્નારમ્મણં ધમ્મં પટિચ્ચ અતીતારમ્મણો ધમ્મો ઉપ્પજ્જતિ હેતુપચ્ચયા. નપચ્ચુપ્પન્નારમ્મણં ધમ્મં પટિચ્ચ અનાગતારમ્મણો ધમ્મો ઉપ્પજ્જતિ હેતુપચ્ચયા. તીણિ. (સંખિત્તં.) હેતુયા સત્તરસ.