૧-૧૩-૧૮. હેતુદુક-આસવગોચ્છકં

૧૫. હેતું આસવં ધમ્મં પટિચ્ચ નહેતુ નઆસવો ધમ્મો ઉપ્પજ્જતિ હેતુપચ્ચયા… હેતુયા પઞ્ચ.

હેતું નોઆસવં ધમ્મં પટિચ્ચ નનહેતુ નનોઆસવો ધમ્મો ઉપ્પજ્જતિ હેતુપચ્ચયા… હેતુયા પઞ્ચ.

૧૬. નહેતું સાસવં ધમ્મં પચ્ચયા નનહેતુ નસાસવો ધમ્મો ઉપ્પજ્જતિ હેતુપચ્ચયા… હેતુયા તીણિ.

હેતું અનાસવં ધમ્મં પટિચ્ચ નહેતુ નઅનાસવો ધમ્મો ઉપ્પજ્જતિ હેતુપચ્ચયા… હેતુયા તીણિ.

૧૭. હેતું આસવસમ્પયુત્તં ધમ્મં પટિચ્ચ નહેતુ નઆસવસમ્પયુત્તો ધમ્મો ઉપ્પજ્જતિ હેતુપચ્ચયા… હેતુયા નવ.

હેતું આસવવિપ્પયુત્તં ધમ્મં પટિચ્ચ નહેતુ નઆસવવિપ્પયુત્તો ધમ્મો ઉપ્પજ્જતિ હેતુપચ્ચયા… હેતુયા તીણિ.

૧૮. હેતું આસવઞ્ચેવ સાસવઞ્ચ ધમ્મં પટિચ્ચ નહેતુ નઆસવો ચેવ નઅનાસવો ચ ધમ્મો ઉપ્પજ્જતિ હેતુપચ્ચયા… હેતુયા પઞ્ચ.

હેતું સાસવઞ્ચેવ નો ચ આસવં ધમ્મં પટિચ્ચ નનહેતુ નઅનાસવો ચેવ નનો ચ આસવો ધમ્મો ઉપ્પજ્જતિ હેતુપચ્ચયા… હેતુયા પઞ્ચ.

૧૯. હેતું આસવઞ્ચેવ આસવસમ્પયુત્તઞ્ચ ધમ્મં પટિચ્ચ નહેતુ નઆસવો ચેવ નઆસવવિપ્પયુત્તો ચ ધમ્મો ઉપ્પજ્જતિ હેતુપચ્ચયા… હેતુયા તીણિ.

નહેતું આસવસમ્પયુત્તઞ્ચેવ નો ચ આસવં ધમ્મં પટિચ્ચ નનહેતુ નઆસવવિપ્પયુત્તો ચેવ નનોઆસવો ચ ધમ્મો ઉપ્પજ્જતિ હેતુપચ્ચયા… હેતુયા તીણિ.

૨૦. નહેતું આસવવિપ્પયુત્તં સાસવં ધમ્મં પચ્ચયા નનહેતુ આસવવિપ્પયુત્તો નસાસવો ધમ્મો ઉપ્પજ્જતિ હેતુપચ્ચયા. (લોકિયસદિસં.)

હેતું આસવવિપ્પયુત્તં અનાસવં ધમ્મં પટિચ્ચ નહેતુ આસવવિપ્પયુત્તો નઅનાસવો ધમ્મો ઉપ્પજ્જતિ હેતુપચ્ચયા. નહેતું આસવવિપ્પયુત્તં અનાસવં ધમ્મં પટિચ્ચ નહેતુ આસવવિપ્પયુત્તો નઅનાસવો ધમ્મો ઉપ્પજ્જતિ હેતુપચ્ચયા. હેતું આસવવિપ્પયુત્તં અનાસવઞ્ચ નહેતું આસવવિપ્પયુત્તં અનાસવઞ્ચ ધમ્મં પટિચ્ચ નહેતુ આસવવિપ્પયુત્તો નઅનાસવો ધમ્મો ઉપ્પજ્જતિ હેતુપચ્ચયા. હેતુયા તીણિ.