૭-૧૩-૧. ચૂળન્તરદુકાદિ-હેતુદુકં

૪૫. સપ્પચ્ચયં હેતું ધમ્મં પટિચ્ચ નઅપ્પચ્ચયો નહેતુ ધમ્મો ઉપ્પજ્જતિ હેતુપચ્ચયા. હેતુયા એકં.

સપ્પચ્ચયં નહેતું ધમ્મં પટિચ્ચ નઅપ્પચ્ચયો નનહેતુ ધમ્મો ઉપ્પજ્જતિ હેતુપચ્ચયા. હેતુયા એકં. (સઙ્ખતં સપ્પચ્ચયસદિસં).

૪૬. અનિદસ્સનં હેતું ધમ્મં પટિચ્ચ નઅનિદસ્સનો નહેતુ ધમ્મો ઉપ્પજ્જતિ હેતુપચ્ચયા… હેતુયા તીણિ.

અનિદસ્સનં નહેતું ધમ્મં પટિચ્ચ નસનિદસ્સનો નનહેતુ ધમ્મો ઉપ્પજ્જતિ હેતુપચ્ચયા. હેતુયા એકં.

૪૭. અપ્પટિઘં હેતું ધમ્મં પટિચ્ચ નઅપ્પટિઘો નહેતુ ધમ્મો ઉપ્પજ્જતિ હેતુપચ્ચયા… હેતુયા તીણિ.

અપ્પટિઘં નહેતું ધમ્મં પટિચ્ચ નસપ્પટિઘો નનહેતુ ધમ્મો ઉપ્પજ્જતિ હેતુપચ્ચયા. હેતુયા એકં.

૪૮. અરૂપિં હેતું ધમ્મં પટિચ્ચ નઅરૂપી નહેતુ ધમ્મો ઉપ્પજ્જતિ હેતુપચ્ચયા… હેતુયા તીણિ.

રૂપિં નહેતું ધમ્મં પટિચ્ચ નરૂપી નનહેતુ ધમ્મો ઉપ્પજ્જતિ હેતુપચ્ચયા.

અરૂપિં નહેતું ધમ્મં પટિચ્ચ નઅરૂપી નનહેતુ ધમ્મો ઉપ્પજ્જતિ હેતુપચ્ચયા… હેતુયા તીણિ.

૪૯. લોકિયં હેતું ધમ્મં પટિચ્ચ નલોકુત્તરો નહેતુ ધમ્મો ઉપ્પજ્જતિ હેતુપચ્ચયા. એકં.

લોકુત્તરં હેતું ધમ્મં પટિચ્ચ નલોકુત્તરો નહેતુ ધમ્મો ઉપ્પજ્જતિ હેતુપચ્ચયા… તીણિ… હેતુયા ચત્તારિ.

લોકિયં નહેતું ધમ્મં પટિચ્ચ નલોકુત્તરો નનહેતુ ધમ્મો ઉપ્પજ્જતિ હેતુપચ્ચયા. એકં.

લોકુત્તરં નહેતું ધમ્મં પટિચ્ચ નલોકિયો નનહેતુ ધમ્મો ઉપ્પજ્જતિ હેતુપચ્ચયા એકં… હેતુયા દ્વે.

૫૦. કેનચિ વિઞ્ઞેય્યં હેતું ધમ્મં પટિચ્ચ નકેનચિ વિઞ્ઞેય્યો નહેતુ ધમ્મો ઉપ્પજ્જતિ હેતુપચ્ચયા… તીણિ.

નકેનચિ વિઞ્ઞેય્યં હેતું ધમ્મં પટિચ્ચ નનકેનચિ વિઞ્ઞેય્યો નહેતુ ધમ્મો ઉપ્પજ્જતિ હેતુપચ્ચયા… તીણિ.

કેનચિ વિઞ્ઞેય્યં હેતુઞ્ચ નકેનચિ વિઞ્ઞેય્યં હેતુઞ્ચ ધમ્મં પટિચ્ચ નકેનચિ વિઞ્ઞેય્યો નહેતુ ધમ્મો ઉપ્પજ્જતિ હેતુપચ્ચયા… હેતુયા નવ.

કેનચિ વિઞ્ઞેય્યં નહેતું ધમ્મં પટિચ્ચ નકેનચિ વિઞ્ઞેય્યો નનહેતુ ધમ્મો ઉપ્પજ્જતિ હેતુપચ્ચયા… હેતુયા નવ.