૨૨-૧૦. સનિદસ્સનત્તિક-સપ્પટિઘદુકં

૯૭. અનિદસ્સનસપ્પટિઘં સપ્પટિઘં ધમ્મં પટિચ્ચ નઅનિદસ્સનસપ્પટિઘો નસપ્પટિઘો ધમ્મો ઉપ્પજ્જતિ હેતુપચ્ચયા. અનિદસ્સનસપ્પટિઘં સપ્પટિઘં ધમ્મં પટિચ્ચ નસનિદસ્સનસપ્પટિઘો નસપ્પટિઘો ધમ્મો ઉપ્પજ્જતિ હેતુપચ્ચયા. અનિદસ્સનસપ્પટિઘં સપ્પટિઘં ધમ્મં પટિચ્ચ નસનિદસ્સનસપ્પટિઘો નસપ્પટિઘો ચ નઅનિદસ્સનસપ્પટિઘો નસપ્પટિઘો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.

અનિદસ્સનઅપ્પટિઘં અપ્પટિઘં ધમ્મં પટિચ્ચ નઅનિદસ્સનઅપ્પટિઘો નઅપ્પટિઘો ધમ્મો ઉપ્પજ્જતિ હેતુપચ્ચયા. અનિદસ્સનઅપ્પટિઘં અપ્પટિઘં ધમ્મં પટિચ્ચ નસનિદસ્સનસપ્પટિઘો નઅપ્પટિઘો ધમ્મો ઉપ્પજ્જતિ હેતુપચ્ચયા…પે… અનિદસ્સનઅપ્પટિઘં અપ્પટિઘં ધમ્મં પટિચ્ચ નઅનિદસ્સનસપ્પટિઘો નઅપ્પટિઘો ચ નઅનિદસ્સનઅપ્પટિઘો નઅપ્પટિઘો ચ ધમ્મા ઉપ્પજ્જન્તિ હેતુપચ્ચયા… હેતુયા પઞ્ચ.