૨૨-૧. સનિદસ્સનત્તિક-હેતુદુકં

૮૮. અનિદસ્સનઅપ્પટિઘં હેતું ધમ્મં પટિચ્ચ નઅનિદસ્સનઅપ્પટિઘો નહેતુ ધમ્મો ઉપ્પજ્જતિ હેતુપચ્ચયા. અનિદસ્સનઅપ્પટિઘં હેતું ધમ્મં પટિચ્ચ નસનિદસ્સનસપ્પટિઘો નહેતુ ધમ્મો ઉપ્પજ્જતિ હેતુપચ્ચયા…પે… અનિદસ્સનઅપ્પટિઘં હેતું ધમ્મં પટિચ્ચ નસનિદસ્સનસપ્પટિઘો નહેતુ ચ નઅનિદસ્સનસપ્પટિઘો નહેતુ ચ ધમ્મા ઉપ્પજ્જન્તિ હેતુપચ્ચયા… હેતુયા છ.

૮૯. અનિદસ્સનઅપ્પટિઘં નહેતું ધમ્મં પટિચ્ચ નસનિદસ્સનસપ્પટિઘો નનહેતુ ધમ્મો ઉપ્પજ્જતિ હેતુપચ્ચયા. અનિદસ્સનઅપ્પટિઘં નહેતું ધમ્મં પટિચ્ચ નઅનિદસ્સનસપ્પટિઘો નનહેતુ ધમ્મો ઉપ્પજ્જતિ હેતુપચ્ચયા. અનિદસ્સનઅપ્પટિઘં નહેતું ધમ્મં પટિચ્ચ નસનિદસ્સનસપ્પટિઘો નનહેતુ ચ નઅનિદસ્સનસપ્પટિઘો નનહેતુ ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.