૨-૧. વેદનાત્તિક-હેતુદુકં

૬૫. સુખાય વેદનાય સમ્પયુત્તં હેતું ધમ્મં પટિચ્ચ નસુખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા. સુખાય વેદનાય સમ્પયુત્તં હેતું ધમ્મં પટિચ્ચ નદુક્ખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા. સુખાય વેદનાય સમ્પયુત્તં હેતું ધમ્મં પટિચ્ચ નઅદુક્ખમસુખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા…પે… સત્ત પઞ્હા.

દુક્ખાય વેદનાય સમ્પયુત્તં હેતું ધમ્મં પટિચ્ચ નદુક્ખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા… સત્ત પઞ્હા.

અદુક્ખમસુખાય વેદનાય સમ્પયુત્તં હેતું ધમ્મં પટિચ્ચ નઅદુક્ખમસુખાય વેદનાય સમ્પયુત્તો નહેતુ ધમ્મો ઉપ્પજ્જતિ હેતુપચ્ચયા… સત્ત પઞ્હા. હેતુયા એકવીસ…પે… અવિગતે એકવીસ. (સબ્બત્થ એકવીસ.)

૬૬. સુખાય વેદનાય સમ્પયુત્તં નહેતું ધમ્મં પટિચ્ચ નદુક્ખાય વેદનાય સમ્પયુત્તો નનહેતુ ધમ્મો ઉપ્પજ્જતિ હેતુપચ્ચયા. સુખાય વેદનાય સમ્પયુત્તં નહેતું ધમ્મં પટિચ્ચ નઅદુક્ખમસુખાય વેદનાય સમ્પયુત્તો નનહેતુ ધમ્મો ઉપ્પજ્જતિ હેતુપચ્ચયા. સુખાય વેદનાય સમ્પયુત્તં નહેતું ધમ્મં પટિચ્ચ નદુક્ખાય વેદનાય સમ્પયુત્તો નનહેતુ ચ નઅદુક્ખમસુખાય વેદનાય સમ્પયુત્તો નનહેતુ ચ ધમ્મા ઉપ્પજ્જન્તિ હેતુપચ્ચયા. તીણિ.

દુક્ખાય વેદનાય સમ્પયુત્તં નહેતું ધમ્મં પટિચ્ચ નસુખાય વેદનાય સમ્પયુત્તો નનહેતુ ધમ્મો ઉપ્પજ્જતિ હેતુપચ્ચયા… તીણિ.

અદુક્ખમસુખાય વેદનાય સમ્પયુત્તં નહેતું ધમ્મં પટિચ્ચ નસુખાય વેદનાય સમ્પયુત્તો નનહેતુ ધમ્મો ઉપ્પજ્જતિ હેતુપચ્ચયા… તીણિ… હેતુયા નવ.