૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧. કુસલં હેતું ધમ્મં પટિચ્ચ નકુસલો નહેતુ ધમ્મો ઉપ્પજ્જતિ હેતુપચ્ચયા. કુસલં હેતું ધમ્મં પટિચ્ચ નઅકુસલો નહેતુ ધમ્મો ઉપ્પજ્જતિ હેતુપચ્ચયા. કુસલં હેતું ધમ્મં પટિચ્ચ નઅબ્યાકતો નહેતુ ધમ્મો ઉપ્પજ્જતિ હેતુપચ્ચયા. કુસલં હેતું ધમ્મં પટિચ્ચ નઅકુસલો નહેતુ ચ નઅબ્યાકતો નહેતુ ચ ધમ્મા ઉપ્પજ્જન્તિ હેતુપચ્ચયા. કુસલં હેતું ધમ્મં પટિચ્ચ નકુસલો નહેતુ ચ નઅકુસલો નહેતુ ચ ધમ્મા ઉપ્પજ્જન્તિ હેતુપચ્ચયા. (૫)

અકુસલં હેતું ધમ્મં પટિચ્ચ નઅકુસલો નહેતુ ધમ્મો ઉપ્પજ્જતિ હેતુપચ્ચયા. અકુસલં હેતું ધમ્મં પટિચ્ચ નકુસલો નહેતુ ધમ્મો ઉપ્પજ્જતિ હેતુપચ્ચયા. અકુસલં હેતું ધમ્મં પટિચ્ચ નઅબ્યાકતો નહેતુ ધમ્મો ઉપ્પજ્જતિ હેતુપચ્ચયા. અકુસલં હેતું ધમ્મં પટિચ્ચ નકુસલો નહેતુ ચ નઅબ્યાકતો નહેતુ ચ ધમ્મા ઉપ્પજ્જન્તિ હેતુપચ્ચયા. અકુસલં હેતું ધમ્મં પટિચ્ચ નકુસલો નહેતુ ચ નઅકુસલો નહેતુ ચ ધમ્મા ઉપ્પજ્જન્તિ હેતુપચ્ચયા. (૫)

અબ્યાકતં હેતું ધમ્મં પટિચ્ચ નકુસલો નહેતુ ધમ્મો ઉપ્પજ્જતિ હેતુપચ્ચયા. અબ્યાકતં હેતું ધમ્મં પટિચ્ચ નઅકુસલો નહેતુ ધમ્મો ઉપ્પજ્જતિ હેતુપચ્ચયા. અબ્યાકતં હેતું ધમ્મં પટિચ્ચ નકુસલો નહેતુ ચ નઅકુસલો નહેતુ ચ ધમ્મા ઉપ્પજ્જન્તિ હેતુપચ્ચયા. (૩) (સંખિત્તં.)

હેતુયા તેરસ, આરમ્મણે નવ…પે… અવિગતે તેરસ.

પચ્ચનીયં

નઆરમ્મણપચ્ચયો

૨. કુસલં હેતું ધમ્મં પટિચ્ચ નકુસલો નહેતુ ધમ્મો ઉપ્પજ્જતિ નઆરમ્મણપચ્ચયા. (સંખિત્તં.)

નઆરમ્મણે નવ, નઅધિપતિયા તેરસ…પે… નવિપ્પયુત્તે નવ.

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)

હેતુ-આરમ્મણપચ્ચયા

૩. કુસલો હેતુ ધમ્મો નકુસલસ્સ નહેતુસ્સ ધમ્મસ્સ હેતુપચ્ચયેન પચ્ચયો. કુસલો હેતુ ધમ્મો નઅકુસલસ્સ નહેતુસ્સ ધમ્મસ્સ હેતુપચ્ચયેન પચ્ચયો. કુસલો હેતુ ધમ્મો નઅબ્યાકતસ્સ નહેતુસ્સ ધમ્મસ્સ હેતુપચ્ચયેન પચ્ચયો. કુસલો હેતુ ધમ્મો નઅકુસલસ્સ નહેતુસ્સ ચ નઅબ્યાકતસ્સ નહેતુસ્સ ચ ધમ્મસ્સ હેતુપચ્ચયેન પચ્ચયો. કુસલો હેતુ ધમ્મો નકુસલસ્સ નહેતુસ્સ ચ નઅકુસલસ્સ નહેતુસ્સ ચ ધમ્મસ્સ હેતુપચ્ચયેન પચ્ચયો. (૫)

અકુસલો હેતુ ધમ્મો નઅકુસલસ્સ નહેતુસ્સ ધમ્મસ્સ હેતુપચ્ચયેન પચ્ચયો… પઞ્ચ.

અબ્યાકતો હેતુ ધમ્મો નકુસલસ્સ નહેતુસ્સ ધમ્મસ્સ હેતુપચ્ચયેન પચ્ચયો… તીણિ.

કુસલો હેતુ ધમ્મો નકુસલસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (સંખિત્તં.)

૪. હેતુયા તેરસ, આરમ્મણે અટ્ઠારસ…પે… અવિગતે તેરસ. (પઞ્હાવારં વિત્થારેતબ્બં.)

૫. કુસલં નહેતું ધમ્મં પટિચ્ચ નઅકુસલો નનહેતુ ધમ્મો ઉપ્પજ્જતિ હેતુપચ્ચયા. કુસલં નહેતું ધમ્મં પટિચ્ચ નઅબ્યાકતો નનહેતુ ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા નવ, આરમ્મણે નવ…પે… અવિગતે નવ. (સબ્બત્થ નવ.)