૧-૧૪-૧૯. કુસલત્તિક-આસવગોચ્છકં

૨૪. અકુસલં આસવં ધમ્મં પટિચ્ચ નઅકુસલો નઆસવો ધમ્મો…પે… નકુસલો નઆસવો ધમ્મો…પે… નઅબ્યાકતો નઆસવો ધમ્મો…પે… નકુસલો નઆસવો ચ નઅબ્યાકતો નઆસવો ચ ધમ્મા…પે… નકુસલો નઆસવો ચ નઅકુસલો નઆસવો ચ ધમ્મા ઉપ્પજ્જન્તિ હેતુપચ્ચયા. હેતુયા પઞ્ચ, આરમ્મણે તીણિ…પે… અવિગતે પઞ્ચ.

અકુસલં નોઆસવં ધમ્મં પટિચ્ચ નકુસલો નનોઆસવો ધમ્મો ઉપ્પજ્જતિ હેતુપચ્ચયા. અકુસલં નોઆસવં ધમ્મં પટિચ્ચ નઅબ્યાકતો નનોઆસવો ધમ્મો…પે… નકુસલો નનોઆસવો ચ નઅબ્યાકતો નનોઆસવો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ…પે… અવિગતે તીણિ.

૨૫. અબ્યાકતં સાસવં ધમ્મં પટિચ્ચ…પે… (લોકિયદુકસદિસં).

૨૬. અકુસલં આસવસમ્પયુત્તં ધમ્મં પટિચ્ચ નઅકુસલો નઆસવસમ્પયુત્તો ધમ્મો …પે… નકુસલો નઆસવસમ્પયુત્તો ધમ્મો…પે… નઅબ્યાકતો નઆસવસમ્પયુત્તો ધમ્મો…પે… નકુસલો નઆસવસમ્પયુત્તો ચ નઅબ્યાકતો નઆસવસમ્પયુત્તો ચ ધમ્મા…પે… નકુસલો નઆસવસમ્પયુત્તો ચ નઅકુસલો નઆસવસમ્પયુત્તો ચ ધમ્મા ઉપ્પજ્જન્તિ હેતુપચ્ચયા. હેતુયા પઞ્ચ.

અકુસલં આસવવિપ્પયુત્તં ધમ્મં પટિચ્ચ નકુસલો નઆસવવિપ્પયુત્તો ધમ્મો…પે… નઅબ્યાકતો નઆસવવિપ્પયુત્તો ધમ્મો…પે… નકુસલો નઆસવવિપ્પયુત્તો ચ નઅબ્યાકતો નઆસવવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.

૨૭. અકુસલં આસવઞ્ચેવ સાસવઞ્ચ ધમ્મં પટિચ્ચ નઅકુસલો નઆસવો ચેવ નઅનાસવો ચ ધમ્મો…પે… નકુસલો નઆસવો ચેવ નઅનાસવો ચ ધમ્મો…પે… નઅબ્યાકતો નઆસવો ચેવ નઅનાસવો ચ ધમ્મો…પે… નકુસલો નઆસવો ચેવ નઅનાસવો ચ નઅબ્યાકતો નઆસવો ચેવ નઅનાસવો ચ ધમ્મા…પે… નકુસલો નઆસવો ચેવ નઅનાસવો ચ નઅકુસલો નઆસવો ચેવ નઅનાસવો ચ ધમ્મા ઉપ્પજ્જન્તિ હેતુપચ્ચયા. હેતુયા પઞ્ચ.

અકુસલં સાસવઞ્ચેવ નો ચ આસવં ધમ્મં પટિચ્ચ નઅકુસલો નઅનાસવો ચેવ નનો ચ આસવો ધમ્મો…પે… નઅબ્યાકતો નઅનાસવો ચેવ નનો ચ આસવો ધમ્મો…પે… નકુસલો નઅનાસવો ચેવ નનો ચ આસવો નઅબ્યાકતો નઅનાસવો ચેવ નનો આસવો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.

૨૮. અકુસલં આસવઞ્ચેવ આસવસમ્પયુત્તઞ્ચ ધમ્મં પટિચ્ચ નકુસલો નઆસવો ચેવ નઆસવવિપ્પયુત્તો ચ ધમ્મો…પે… નઅબ્યાકતો નઆસવો ચેવ નઆસવવિપ્પયુત્તો ચ ધમ્મો…પે… નકુસલો નઆસવો ચેવ નઆસવવિપ્પયુત્તો ચ નઅબ્યાકતો નઆસવો ચેવ નઆસવવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.

અકુસલં આસવસમ્પયુત્તઞ્ચેવ નો ચ આસવં ધમ્મં પટિચ્ચ નકુસલો નઆસવવિપ્પયુત્તો ચેવ નનો ચ આસવો ધમ્મો…પે… નઅબ્યાકતો નઆસવવિપ્પયુત્તો ચેવ નનો ચ આસવો ધમ્મો …પે… નકુસલો નઆસવવિપ્પયુત્તો ચેવ નનોઆસવો ચ નઅબ્યાકતો નઆસવવિપ્પયુત્તો ચેવ નનો ચ આસવો ચ ધમ્મા ઉપ્પજ્જન્તિ હેતુપચ્ચયા. હેતુયા તીણિ.

૨૯. અબ્યાકતં આસવવિપ્પયુત્તં સાસવં ધમ્મં પટિચ્ચ…પે… (લોકિયદુકસદિસં).