૧-૧૨. કુસલત્તિક-લોકિયદુકં

૨૧. અબ્યાકતં લોકિયં ધમ્મં પચ્ચયા નઅબ્યાકતો નલોકિયો ધમ્મો ઉપ્પજ્જતિ હેતુપચ્ચયા. અબ્યાકતં લોકિયં ધમ્મં પચ્ચયા નકુસલો નલોકિયો ધમ્મો ઉપ્પજ્જતિ હેતુપચ્ચયા. અબ્યાકતં લોકિયં ધમ્મં પચ્ચયા નઅકુસલો નલોકિયો ધમ્મો ઉપ્પજ્જતિ હેતુપચ્ચયા. અબ્યાકતં લોકિયં ધમ્મં પચ્ચયા નઅકુસલો નલોકિયો ચ નઅબ્યાકતો નલોકિયો ચ ધમ્મા ઉપ્પજ્જન્તિ હેતુપચ્ચયા. અબ્યાકતં લોકિયં ધમ્મં પચ્ચયા નકુસલો નલોકિયો ચ નઅકુસલો નલોકિયો ચ ધમ્મા ઉપ્પજ્જન્તિ હેતુપચ્ચયા. હેતુયા પઞ્ચ.

કુસલં લોકુત્તરં ધમ્મં પટિચ્ચ નકુસલો નલોકુત્તરો ધમ્મો ઉપ્પજ્જતિ હેતુપચ્ચયા. કુસલં લોકુત્તરં ધમ્મં પટિચ્ચ નઅકુસલો નલોકુત્તરો ધમ્મો ઉપ્પજ્જતિ હેતુપચ્ચયા. કુસલં લોકુત્તરં ધમ્મં પટિચ્ચ નકુસલો નલોકુત્તરો ચ નઅકુસલો નલોકુત્તરો ચ ધમ્મા ઉપ્પજ્જન્તિ હેતુપચ્ચયા. તીણિ.

અબ્યાકતં લોકુત્તરં ધમ્મં પટિચ્ચ નકુસલો નલોકુત્તરો ધમ્મો ઉપ્પજ્જતિ હેતુપચ્ચયા. અબ્યાકતં લોકુત્તરં ધમ્મં પટિચ્ચ નઅકુસલો નલોકુત્તરો ધમ્મો ઉપ્પજ્જતિ હેતુપચ્ચયા. અબ્યાકતં લોકુત્તરં ધમ્મં પટિચ્ચ નકુસલો નલોકુત્તરો ચ નઅકુસલો નલોકુત્તરો ચ ધમ્મા ઉપ્પજ્જન્તિ હેતુપચ્ચયા. તીણિ.