૯૨-૧. ઉપેક્ખાસહગતદુક-કુસલત્તિકં

૭૧. ઉપેક્ખાસહગતં કુસલં ધમ્મં પટિચ્ચ નઉપેક્ખાસહગતો નકુસલો ધમ્મો ઉપ્પજ્જતિ હેતુપચ્ચયા. નઉપેક્ખાસહગતં કુસલં ધમ્મં પટિચ્ચ નઉપેક્ખાસહગતો નકુસલો ધમ્મો ઉપ્પજ્જતિ હેતુપચ્ચયા. ઉપેક્ખાસહગતં કુસલઞ્ચ નઉપેક્ખાસહગતં કુસલઞ્ચ ધમ્મં પટિચ્ચ નઉપેક્ખાસહગતો નકુસલો ધમ્મો ઉપ્પજ્જતિ હેતુપચ્ચયા. હેતુયા તીણિ.

ઉપેક્ખાસહગતં અકુસલં ધમ્મં પટિચ્ચ નઉપેક્ખાસહગતો નઅકુસલો ધમ્મો ઉપ્પજ્જતિ હેતુપચ્ચયા. નઉપેક્ખાસહગતં અકુસલં ધમ્મં પટિચ્ચ નઉપેક્ખાસહગતો નઅકુસલો ધમ્મો ઉપ્પજ્જતિ હેતુપચ્ચયા. ઉપેક્ખાસહગતં અકુસલઞ્ચ નઉપેક્ખાસહગતં અકુસલઞ્ચ ધમ્મં પટિચ્ચ નઉપેક્ખાસહગતો નઅકુસલો ધમ્મો ઉપ્પજ્જતિ હેતુપચ્ચયા. હેતુયા તીણિ. (અબ્યાકતમૂલં તીણિયેવ.)