૧-૨૧. હેતુદુક-સનિદસ્સનત્તિકં

૨૯. નહેતુ સનિદસ્સનસપ્પટિઘો ધમ્મો નનહેતુસ્સ નસનિદસ્સનસપ્પટિઘસ્સ ધમ્મસ્સ આરમ્મણપચ્ચયેન પચ્ચયો…પે… નહેતુ સનિદસ્સનસપ્પટિઘો ધમ્મો નહેતુસ્સ નસનિદસ્સનસપ્પટિઘસ્સ ચ નનહેતુસ્સ નસનિદસ્સનસપ્પટિઘસ્સ ચ ધમ્મસ્સ આરમ્મણપચ્ચયેન પચ્ચયો. આરમ્મણે તીણિ, અધિપતિયા ઉપનિસ્સયે પુરેજાતે અત્થિયા અવિગતે તીણિ.

નહેતું અનિદસ્સનસપ્પટિઘં ધમ્મં પટિચ્ચ નહેતુ નઅનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. હેતુયા એકં…પે… અવિગતે એકં.

હેતું અનિદસ્સનઅપ્પટિઘં ધમ્મં પટિચ્ચ નહેતુ નઅનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. નહેતું અનિદસ્સનઅપ્પટિઘં ધમ્મં પટિચ્ચ નહેતુ નઅનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. હેતું અનિદસ્સનઅપ્પટિઘઞ્ચ નહેતું અનિદસ્સનઅપ્પટિઘઞ્ચ ધમ્મં પટિચ્ચ નહેતુ નઅનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. (૩) હેતુયા તીણિ.