૧-૭. પટિચ્ચવારાદિ

હેતુપચ્ચયો

૯૩. અનુપાદિન્નુપાદાનિયં કુસલં ધમ્મં પટિચ્ચ અનુપાદિન્નુપાદાનિયો કુસલો ધમ્મો ઉપ્પજ્જતિ હેતુપચ્ચયા.

અનુપાદિન્નઅનુપાદાનિયં કુસલં ધમ્મં પટિચ્ચ અનુપાદિન્નઅનુપાદાનિયો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે. (સબ્બત્થ વિત્થારો.)

અનુપાદિન્નુપાદાનિયં અકુસલં ધમ્મં પટિચ્ચ અનુપાદિન્નુપાદાનિયો અકુસલો ધમ્મો ઉપ્પજ્જતિ હેતુપચ્ચયા. (સબ્બત્થ એકં. સબ્બત્થ વિત્થારો.)

૯૪. ઉપાદિન્નુપાદાનિયં અબ્યાકતં ધમ્મં પટિચ્ચ ઉપાદિન્નુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા… તીણિ. (સબ્બત્થ વિત્થારો.)

અનુપાદિન્નુપાદાનિયં અબ્યાકતં ધમ્મં પટિચ્ચ અનુપાદિન્નુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

અનુપાદિન્નઅનુપાદાનિયં અબ્યાકતં ધમ્મં પટિચ્ચ અનુપાદિન્નઅનુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

અનુપાદિન્નુપાદાનિયં અબ્યાકતઞ્ચ અનુપાદિન્નઅનુપાદાનિયં અબ્યાકતઞ્ચ ધમ્મં પટિચ્ચ અનુપાદિન્નુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

ઉપાદિન્નુપાદાનિયં અબ્યાકતઞ્ચ અનુપાદિન્નુપાદાનિયં અબ્યાકતઞ્ચ ધમ્મં પટિચ્ચ અનુપાદિન્નુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા નવ. (સબ્બત્થ વિત્થારો.)