૧-૭. પટિચ્ચવારાદિ

પચ્ચયચતુક્કં

૮૬. સુખાય વેદનાય સમ્પયુત્તં કુસલં ધમ્મં પટિચ્ચ સુખાય વેદનાય સમ્પયુત્તો કુસલો ધમ્મો ઉપ્પજ્જતિ હેતુપચ્ચયા. (૧)

અદુક્ખમસુખાય વેદનાય સમ્પયુત્તં કુસલં ધમ્મં પટિચ્ચ અદુક્ખમસુખાય વેદનાય સમ્પયુત્તો કુસલો ધમ્મો ઉપ્પજ્જતિ હેતુપચ્ચયા. (૧)

હેતુયા દ્વે…પે… અવિગતે દ્વે. (સંખિત્તં.) (સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૮૭. સુખાય વેદનાય સમ્પયુત્તો કુસલો ધમ્મો સુખાય વેદનાય સમ્પયુત્તસ્સ કુસલસ્સ ધમ્મસ્સ હેતુપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો કુસલો ધમ્મો અદુક્ખમસુખાય વેદનાય સમ્પયુત્તસ્સ કુસલસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

હેતુયા દ્વે, અવિગતે દ્વે. (સંખિત્તં. સબ્બત્થ વિત્થારો.)

૮૮. સુખાય વેદનાય સમ્પયુત્તં અકુસલં ધમ્મં પટિચ્ચ સુખાય વેદનાય સમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧)

દુક્ખાય વેદનાય સમ્પયુત્તં અકુસલં ધમ્મં પટિચ્ચ દુક્ખાય વેદનાય સમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧)

અદુક્ખમસુખાય વેદનાય સમ્પયુત્તં અકુસલં ધમ્મં પટિચ્ચ અદુક્ખમસુખાય વેદનાય સમ્પયુત્તો અકુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ…પે… અવિગતે તીણિ. (સંખિત્તં. સબ્બત્થ વિત્થારો.)

૮૯. સુખાય વેદનાય સમ્પયુત્તં અબ્યાકતં ધમ્મં પટિચ્ચ સુખાય વેદનાય સમ્પયુત્તો અબ્યાકતો ધમ્મો ઉપ્પજ્જતિ હેતુપચ્ચયા. (૧)

અદુક્ખમસુખાય વેદનાય સમ્પયુત્તં અબ્યાકતં ધમ્મં પટિચ્ચ અદુક્ખમસુખાય વેદનાય સમ્પયુત્તો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે, અવિગતે તીણિ. (સંખિત્તં.)