૧-૭. પટિચ્ચવારાદિ

પચ્ચયચતુક્કં

૮૪. અબ્યાકતં અનિદસ્સનસપ્પટિઘં ધમ્મં પટિચ્ચ અબ્યાકતો અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા એકં…પે… અવિગતે એકં. (સંખિત્તં.)

(સહજાતવારમ્પિ…પે… પઞ્હાવારમ્પિ વિત્થારેતબ્બં.)

૮૫. કુસલં અનિદસ્સનઅપ્પટિઘં ધમ્મં પટિચ્ચ કુસલો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. કુસલં અનિદસ્સનઅપ્પટિઘં ધમ્મં પટિચ્ચ અબ્યાકતો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. કુસલં અનિદસ્સનઅપ્પટિઘં ધમ્મં પટિચ્ચ કુસલો અનિદસ્સનઅપ્પટિઘો ચ અબ્યાકતો અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા. (૩)

અકુસલં અનિદસ્સનઅપ્પટિઘં ધમ્મં પટિચ્ચ અકુસલો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અનિદસ્સનઅપ્પટિઘં ધમ્મં પટિચ્ચ અબ્યાકતો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. (૧)

કુસલં અનિદસ્સનઅપ્પટિઘઞ્ચ અબ્યાકતં અનિદસ્સનઅપ્પટિઘઞ્ચ ધમ્મં પટિચ્ચ અબ્યાકતો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. (૧)

અકુસલં અનિદસ્સનઅપ્પટિઘઞ્ચ અબ્યાકતં અનિદસ્સનઅપ્પટિઘઞ્ચ ધમ્મં પટિચ્ચ અબ્યાકતો અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા. (૧)

હેતુયા નવ, આરમ્મણે તીણિ…પે… વિપાકે એકં…પે… અવિગતે નવ. (સંખિત્તં. સહજાતવારમ્પિ…પે… સમ્પયુત્તવારમ્પિ પઞ્હાવારમ્પિ વિત્થારેતબ્બં.)

કુસલત્તિકસનિદસ્સનત્તિકં નિટ્ઠિતં.