૧-૭. પટિચ્ચવારાદિ

૭૨. કુસલં અતીતારમ્મણં ધમ્મં પટિચ્ચ કુસલો અતીતારમ્મણો ધમ્મો ઉપ્પજ્જતિ હેતુપચ્ચયા. (૧)

અકુસલં અતીતારમ્મણં ધમ્મં પટિચ્ચ અકુસલો અતીતારમ્મણો ધમ્મો ઉપ્પજ્જતિ હેતુપચ્ચયા. (૧)

અબ્યાકતં અતીતારમ્મણં ધમ્મં પટિચ્ચ અબ્યાકતો અતીતારમ્મણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા તીણિ, અવિગતે તીણિ. (સંખિત્તં.)

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૭૩. કુસલો અતીતારમ્મણો ધમ્મો કુસલસ્સ અતીતારમ્મણસ્સ ધમ્મસ્સ હેતુપચ્ચયેન પચ્ચયો. (૧)

અકુસલો અતીતારમ્મણો ધમ્મો અકુસલસ્સ અતીતારમ્મણસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો અતીતારમ્મણો ધમ્મો અબ્યાકતસ્સ અતીતારમ્મણસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

હેતુયા તીણિ, આરમ્મણે નવ, અવિગતે તીણિ. (સંખિત્તં. યથા કુસલત્તિકે પઞ્હાવારં એવં વિત્થારેતબ્બં.)

૭૪. કુસલં અનાગતારમ્મણં ધમ્મં પટિચ્ચ કુસલો અનાગતારમ્મણો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા તીણિ, આરમ્મણે તીણિ, અવિગતે તીણિ. (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૭૫. કુસલો અનાગતારમ્મણો ધમ્મો કુસલસ્સ અનાગતારમ્મણસ્સ ધમ્મસ્સ હેતુપચ્ચયેન પચ્ચયો. (સંખિત્તં.)

હેતુયા તીણિ, આરમ્મણે નવ, અવિગતે તીણિ. (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં.)

૭૬. કુસલં પચ્ચુપ્પન્નારમ્મણં ધમ્મં પટિચ્ચ કુસલો પચ્ચુપ્પન્નારમ્મણો ધમ્મો ઉપ્પજ્જતિ હેતુપચ્ચયા. (સંખિત્તં.)

૭૭. કુસલો પચ્ચુપ્પન્નારમ્મણો ધમ્મો કુસલસ્સ પચ્ચુપ્પન્નારમ્મણસ્સ ધમ્મસ્સ હેતુપચ્ચયેન પચ્ચયો. (૧)

અકુસલો પચ્ચુપ્પન્નારમ્મણો ધમ્મો અકુસલસ્સ પચ્ચુપ્પન્નારમ્મણસ્સ ધમ્મસ્સ હેતુપચ્ચયેન પચ્ચયો. (૧)

અબ્યાકતો પચ્ચુપ્પન્નારમ્મણો ધમ્મો અબ્યાકતસ્સ પચ્ચુપ્પન્નારમ્મણસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

હેતુયા તીણિ, આરમ્મણે છ, અવિગતે તીણિ. (સંખિત્તં. યથા કુસલત્તિકે પઞ્હાવારં, એવં વિત્થારેતબ્બં.)