૧-૭. પટિચ્ચવારાદિ

પચ્ચયચતુક્કં

૬૩. અકુસલં મિચ્છત્તનિયતં ધમ્મં પટિચ્ચ અકુસલો મિચ્છત્તનિયતો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા એકં…પે… અવિગતે એકં. (સંખિત્તં. સબ્બત્થ વિત્થારો.)

૬૪. કુસલં સમ્મત્તનિયતં ધમ્મં પટિચ્ચ કુસલો સમ્મત્તનિયતો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા એકં…પે… અવિગતે એકં. (સંખિત્તં. સહજાતવારેપિ…પે… પઞ્હાવારેપિ સબ્બત્થ એકં.)

૬૫. કુસલં અનિયતં ધમ્મં પટિચ્ચ કુસલો અનિયતો ધમ્મો ઉપ્પજ્જતિ હેતુપચ્ચયા. કુસલં અનિયતં ધમ્મં પટિચ્ચ અબ્યાકતો અનિયતો ધમ્મો ઉપ્પજ્જતિ હેતુપચ્ચયા. કુસલં અનિયતં ધમ્મં પટિચ્ચ કુસલો અનિયતો ચ અબ્યાકતો અનિયતો ચ ધમ્મા ઉપ્પજ્જન્તિ હેતુપચ્ચયા. (૩)

અકુસલં અનિયતં ધમ્મં પટિચ્ચ અકુસલો અનિયતો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અનિયતં ધમ્મં પટિચ્ચ અબ્યાકતો અનિયતો ધમ્મો ઉપ્પજ્જતિ હેતુપચ્ચયા. (૧)

કુસલં અનિયતઞ્ચ અબ્યાકતં અનિયતઞ્ચ ધમ્મં પટિચ્ચ અબ્યાકતો અનિયતો ધમ્મો ઉપ્પજ્જતિ હેતુપચ્ચયા. (૧)

અકુસલં અનિયતઞ્ચ અબ્યાકતં અનિયતઞ્ચ ધમ્મં પટિચ્ચ અબ્યાકતો અનિયતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા નવ, આરમ્મણે તીણિ, અવિગતે નવ. (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૬૬. કુસલો અનિયતો ધમ્મો કુસલસ્સ અનિયતસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો અનિયતો ધમ્મો અકુસલસ્સ અનિયતસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અનિયતો ધમ્મો અબ્યાકતસ્સ અનિયતસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

હેતુયા સત્ત, આરમ્મણે નવ, અવિગતે તેરસ. (સંખિત્તં. યથા કુસલત્તિકે પઞ્હાવારં એવં વિત્થારેતબ્બં.)