૧-૭. પટિચ્ચવારાદિ

પચ્ચયચતુક્કં

૫૧. કુસલં પરિત્તં ધમ્મં પટિચ્ચ કુસલો પરિત્તો ધમ્મો ઉપ્પજ્જતિ હેતુપચ્ચયા. કુસલં પરિત્તં ધમ્મં પટિચ્ચ અબ્યાકતો પરિત્તો ધમ્મો ઉપ્પજ્જતિ હેતુપચ્ચયા. કુસલં પરિત્તં ધમ્મં પટિચ્ચ કુસલો પરિત્તો ચ અબ્યાકતો પરિત્તો ચ ધમ્મા ઉપ્પજ્જન્તિ હેતુપચ્ચયા. (૩)

અકુસલં પરિત્તં ધમ્મં પટિચ્ચ અકુસલો પરિત્તો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં પરિત્તં ધમ્મં પટિચ્ચ અબ્યાકતો પરિત્તો ધમ્મો ઉપ્પજ્જતિ હેતુપચ્ચયા. (૧)

કુસલં પરિત્તઞ્ચ અબ્યાકતં પરિત્તઞ્ચ ધમ્મં પટિચ્ચ અબ્યાકતો પરિત્તો ધમ્મો ઉપ્પજ્જતિ હેતુપચ્ચયા. (૧)

અકુસલં પરિત્તઞ્ચ અબ્યાકતં પરિત્તઞ્ચ ધમ્મં પટિચ્ચ અબ્યાકતો પરિત્તો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા નવ, આરમ્મણે તીણિ, અવિગતે નવ. (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૫૨. કુસલો પરિત્તો ધમ્મો કુસલસ્સ પરિત્તસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો પરિત્તો ધમ્મો અકુસલસ્સ પરિત્તસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો પરિત્તો ધમ્મો અબ્યાકતસ્સ પરિત્તસ્સ ધમ્મસ્સ હેતુપચ્ચયેન પચ્ચયો. (૧)

કુસલો પરિત્તો ધમ્મો કુસલસ્સ પરિત્તસ્સ ધમ્મસ્સ આરમ્મણપચ્ચયેન પચ્ચયો. (સંખિત્તં.)

હેતુયા સત્ત, આરમ્મણે નવ, અવિગતે તેરસ. (સંખિત્તં. યથા કુસલત્તિકે પઞ્હાવારં એવં વિત્થારેતબ્બં.)

મહગ્ગતાદિપદાનિ

હેતુપચ્ચયો

૫૩. કુસલં મહગ્ગતં ધમ્મં પટિચ્ચ કુસલો મહગ્ગતો ધમ્મો ઉપ્પજ્જતિ હેતુપચ્ચયા. (૧)

અબ્યાકતં મહગ્ગતં ધમ્મં પટિચ્ચ અબ્યાકતો મહગ્ગતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે, આરમ્મણે દ્વે, અવિગતે દ્વે. (સંખિત્તં. સહજાતવારેપિ…પે… પઞ્હાવારેપિ સબ્બત્થ વિત્થારો).

૫૪. કુસલં અપ્પમાણં ધમ્મં પટિચ્ચ કુસલો અપ્પમાણો ધમ્મો ઉપ્પજ્જતિ હેતુપચ્ચયા. (૧)

અબ્યાકતં અપ્પમાણં ધમ્મં પટિચ્ચ અબ્યાકતો અપ્પમાણો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે, અવિગતે દ્વે. (સંખિત્તં. સહજાતવારેપિ…પે… પઞ્હાવારેપિ સબ્બત્થ વિત્થારો.)