૧-૭. પટિચ્ચવારાદિ

પચ્ચયચતુક્કં

૧૮. અબ્યાકતં ઉપાદિન્નુપાદાનિયં ધમ્મં પટિચ્ચ અબ્યાકતો ઉપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (સંખિત્તં.)

હેતુયા એકં…પે… અવિગતે એકં. (સંખિત્તં.)

(સહજાતવારેપિ…પે… પઞ્હાવારેપિ સબ્બત્થ એકં.)

૧૯. કુસલં અનુપાદિન્નુપાદાનિયં ધમ્મં પટિચ્ચ કુસલો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા… તીણિ.

અકુસલં અનુપાદિન્નુપાદાનિયં ધમ્મં પટિચ્ચ અકુસલો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા… તીણિ.

અબ્યાકતં અનુપાદિન્નુપાદાનિયં ધમ્મં પટિચ્ચ અબ્યાકતો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (૧)

કુસલં અનુપાદિન્નુપાદાનિયઞ્ચ અબ્યાકતં અનુપાદિન્નુપાદાનિયઞ્ચ ધમ્મં પટિચ્ચ અબ્યાકતો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (૧)

અકુસલં અનુપાદિન્નુપાદાનિયઞ્ચ અબ્યાકતં અનુપાદિન્નુપાદાનિયઞ્ચ ધમ્મં પટિચ્ચ અબ્યાકતો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૦. હેતુયા નવ, અવિગતે નવ. (સંખિત્તં. સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં.)

૨૧. કુસલો અનુપાદિન્નુપાદાનિયો ધમ્મો કુસલસ્સ અનુપાદિન્નુપાદાનિયસ્સ ધમ્મસ્સ હેતુપચ્ચયેન પચ્ચયો… તીણિ.

અકુસલો અનુપાદિન્નુપાદાનિયો ધમ્મો અકુસલસ્સ અનુપાદિન્નુપાદાનિયસ્સ ધમ્મસ્સ હેતુપચ્ચયેન પચ્ચયો… તીણિ.

અબ્યાકતો અનુપાદિન્નુપાદાનિયો ધમ્મો અબ્યાકતસ્સ અનુપાદિન્નુપાદાનિયસ્સ ધમ્મસ્સ હેતુપચ્ચયેન પચ્ચયો. (૧)

૨૨. કુસલો અનુપાદિન્નુપાદાનિયો ધમ્મો કુસલસ્સ અનુપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો… તીણિ.

અકુસલો અનુપાદિન્નુપાદાનિયો ધમ્મો અકુસલસ્સ અનુપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો… તીણિ.

અબ્યાકતો અનુપાદિન્નુપાદાનિયો ધમ્મો અબ્યાકતસ્સ અનુપાદિન્નુપાદાનિયસ્સ ધમ્મસ્સ આરમ્મણપચ્ચયેન પચ્ચયો… તીણિ. (સંખિત્તં.)

૨૩. હેતુયા સત્ત, આરમ્મણે નવ, અવિગતે એકાદસ. (સંખિત્તં.)

(યથા કુસલત્તિકે પઞ્હાવારં એવં વિત્થારેતબ્બં.)

૨૪. કુસલં અનુપાદિન્નઅનુપાદાનિયં ધમ્મં પટિચ્ચ કુસલો અનુપાદિન્નુપાદાનિયો ધમ્મો ઉપ્પજ્જતિ હેતુપચ્ચયા. (૧)

અબ્યાકતં અનુપાદિન્નઅનુપાદાનિયં ધમ્મં પટિચ્ચ અબ્યાકતો અનુપાદિન્નઅનુપાદાનિયો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

હેતુયા દ્વે, અવિગતે દ્વે. (સંખિત્તં, સહજાતવારમ્પિ…પે… પઞ્હાવારમ્પિ સબ્બત્થ વિત્થારો.)