૧. વિભઙ્ગવારો

હેતુપચ્ચયો

૮૭. પરામટ્ઠો ચેવ નો ચ પરામાસો ધમ્મો પરામટ્ઠસ્સ ચેવ નો ચ પરામાસસ્સ ધમ્મસ્સ હેતુપચ્ચયેન પચ્ચયો – પરામટ્ઠા ચેવ નો ચ પરામાસા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

પરામટ્ઠો ચેવ નો ચ પરામાસો ધમ્મો પરામાસસ્સ ચેવ પરામટ્ઠસ્સ ચ ધમ્મસ્સ હેતુપચ્ચયેન પચ્ચયો – પરામટ્ઠા ચેવ નો ચ પરામાસા હેતૂ પરામાસસ્સ હેતુપચ્ચયેન પચ્ચયો. (૨)

પરામટ્ઠો ચેવ નો ચ પરામાસો ધમ્મો પરામાસસ્સ ચેવ પરામટ્ઠસ્સ ચ પરામટ્ઠસ્સ ચેવ નો ચ પરામાસસ્સ ચ ધમ્મસ્સ હેતુપચ્ચયેન પચ્ચયો – પરામટ્ઠા ચેવ નો ચ પરામાસા હેતૂ સમ્પયુત્તકાનં ખન્ધાનં પરામાસસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૮૮. પરામાસો ચેવ પરામટ્ઠો ચ ધમ્મો પરામાસસ્સ ચેવ પરામટ્ઠસ્સ ચ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભ કાતબ્બાનિ પરામાસદુકસદિસં).

૮૯. પરામટ્ઠો ચેવ નો ચ પરામાસો ધમ્મો પરામટ્ઠસ્સ ચેવ નો ચ પરામાસસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ, અસ્સાદેતિ અભિનન્દતિ, તં આરબ્ભ રાગો…પે… વિચિકિચ્છા, ઉદ્ધચ્ચં, દોમનસ્સં ઉપ્પજ્જતિ, પુબ્બે…પે… ઝાના…પે… અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, પહીને કિલેસે…પે… વિક્ખમ્ભિતે કિલેસે…પે… પુબ્બે…પે… ચક્ખું…પે… વત્થું પરામટ્ઠે ચેવ નો ચ પરામાસે ખન્ધે અનિચ્ચતો…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ (યાવ આવજ્જના સબ્બં કાતબ્બં). (૧)

પરામટ્ઠો ચેવ નો ચ પરામાસો ધમ્મો પરામાસસ્સ ચેવ પરામટ્ઠસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું પરામટ્ઠે ચેવ નો ચ પરામાસે ખન્ધે અસ્સાદેતિ અભિનન્દતિ, તં આરબ્ભ દિટ્ઠિ ઉપ્પજ્જતિ. (૨)

પરામટ્ઠો ચેવ નો ચ પરામાસો ધમ્મો પરામાસસ્સ ચેવ પરામટ્ઠસ્સ ચ પરામટ્ઠસ્સ ચેવ નો ચ પરામાસસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું પરામટ્ઠે ચેવ નો ચ પરામાસે ખન્ધે અસ્સાદેતિ અભિનન્દતિ, તં આરબ્ભ પરામાસો ચ સમ્પયુત્તકા ચ ખન્ધા ઉપ્પજ્જન્તિ. (૩)

(એવં ઇતરેપિ તીણિ આરબ્ભ કાતબ્બાનિ. ઇમં દુકં પરામાસદુકસદિસં. લોકુત્તરં યહિં ન લબ્ભતિ તહિં ન કાતબ્બં.)

પરામાસપરામટ્ઠદુકં નિટ્ઠિતં.