૧. વિભઙ્ગવારો

હેતુપચ્ચયો

૧૦૦. નીવરણો ચેવ નીવરણસમ્પયુત્તો ચ ધમ્મો નીવરણસ્સ ચેવ નીવરણસમ્પયુત્તસ્સ ચ ધમ્મસ્સ હેતુપચ્ચયેન પચ્ચયો – નીવરણા ચેવ નીવરણસમ્પયુત્તા ચ હેતૂ સમ્પયુત્તકાનં નીવરણાનં હેતુપચ્ચયેન પચ્ચયો. (૧)

નીવરણો ચેવ નીવરણસમ્પયુત્તો ચ ધમ્મો નીવરણસમ્પયુત્તસ્સ ચેવ નો ચ નીવરણસ્સ ધમ્મસ્સ હેતુપચ્ચયેન પચ્ચયો – નીવરણા ચેવ નીવરણસમ્પયુત્તા ચ હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૨)

નીવરણો ચેવ નીવરણસમ્પયુત્તો ચ ધમ્મો નીવરણસ્સ ચેવ નીવરણસમ્પયુત્તસ્સ ચ નીવરણસમ્પયુત્તસ્સ ચેવ નો ચ નીવરણસ્સ ચ ધમ્મસ્સ હેતુપચ્ચયેન પચ્ચયો – નીવરણા ચેવ નીવરણસમ્પયુત્તા ચ હેતૂ સમ્પયુત્તકાનં ખન્ધાનં નીવરણાનઞ્ચ હેતુપચ્ચયેન પચ્ચયો. (૩)

આરમ્મણપચ્ચયો

૧૦૧. નીવરણો ચેવ નીવરણસમ્પયુત્તો ચ ધમ્મો નીવરણસ્સ ચેવ નીવરણસમ્પયુત્તસ્સ ચ ધમ્મસ્સ આરમ્મણપચ્ચયેન પચ્ચયો – નીવરણે આરબ્ભ નીવરણા ઉપ્પજ્જન્તિ. (મૂલં કાતબ્બં) નીવરણે આરબ્ભ નીવરણસમ્પયુત્તા ચેવ નો ચ નીવરણા ખન્ધા ઉપ્પજ્જન્તિ. (મૂલં કાતબ્બં) નીવરણે આરબ્ભ નીવરણા ચ સમ્પયુત્તકા ચ ખન્ધા ઉપ્પજ્જન્તિ. (૩)

નીવરણસમ્પયુત્તો ચેવ નો ચ નીવરણો ધમ્મો નીવરણસમ્પયુત્તસ્સ ચેવ નો ચ નીવરણસ્સ ધમ્મસ્સ આરમ્મણપચ્ચયેન પચ્ચયો – નીવરણસમ્પયુત્તે ચેવ નો ચ નીવરણે ખન્ધે આરબ્ભ નીવરણસમ્પયુત્તા ચેવ નો ચ નીવરણા ખન્ધા ઉપ્પજ્જન્તિ. (મૂલં પુચ્છિતબ્બં) નીવરણસમ્પયુત્તે ચેવ નો ચ નીવરણે ખન્ધે આરબ્ભ નીવરણા ઉપ્પજ્જન્તિ. (મૂલં પુચ્છિતબ્બં) નીવરણસમ્પયુત્તે ચેવ નો ચ નીવરણે ખન્ધે આરબ્ભ નીવરણા ચ સમ્પયુત્તકા ચ ખન્ધા ઉપ્પજ્જન્તિ. (૩)

નીવરણો ચેવ નીવરણસમ્પયુત્તો ચ નીવરણસમ્પયુત્તો ચેવ નો ચ નીવરણો ચ ધમ્મા નીવરણસ્સ ચેવ નીવરણસમ્પયુત્તસ્સ ચ ધમ્મસ્સ આરમ્મણપચ્ચયેન પચ્ચયો… તીણિ. (૩)

અધિપતિપચ્ચયાદિ

૧૦૨. નીવરણો ચેવ નીવરણસમ્પયુત્તો ચ ધમ્મો નીવરણસ્સ ચેવ નીવરણસમ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ (ગરુકારમ્મણાયેવ).

નીવરણસમ્પયુત્તો ચેવ નો ચ નીવરણો ધમ્મો નીવરણસમ્પયુત્તસ્સ ચેવ નો ચ નીવરણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ નીવરણસમ્પયુત્તે ચેવ નો ચ નીવરણે ખન્ધે ગરું કત્વા નીવરણસમ્પયુત્તા ચેવ નો ચ નીવરણા ખન્ધા ઉપ્પજ્જન્તિ. સહજાતાધિપતિ – નીવરણસમ્પયુત્તા ચેવ નો ચ નીવરણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (મૂલં કાતબ્બં) આરમ્મણાધિપતિ – નીવરણસમ્પયુત્તે ચેવ નો ચ નીવરણે ખન્ધે ગરું કત્વા નીવરણા ઉપ્પજ્જન્તિ. સહજાતાધિપતિ – નીવરણસમ્પયુત્તા ચેવ નો ચ નીવરણાધિપતિ સમ્પયુત્તકાનં નીવરણાનં અધિપતિપચ્ચયેન પચ્ચયો. (મૂલં કાતબ્બં) આરમ્મણાધિપતિ – નીવરણસમ્પયુત્તે ચેવ નો ચ નીવરણે ખન્ધે ગરું કત્વા નીવરણા ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – નીવરણસમ્પયુત્તા ચેવ નો ચ નીવરણાધિપતિ સમ્પયુત્તકાનં ખન્ધાનં નીવરણાનઞ્ચ અધિપતિપચ્ચયેન પચ્ચયો. (૩)

૧૦૩. નીવરણો ચેવ નીવરણસમ્પયુત્તો ચ નીવરણસમ્પયુત્તો ચેવ નો ચ નીવરણો ચ ધમ્મા નીવરણસ્સ ચેવ નીવરણસમ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ. (૩)

અનન્તરપચ્ચયેન પચ્ચયો (આવજ્જનાપિ વુટ્ઠાનમ્પિ નત્થિ, સબ્બત્થ પુરિમા પુરિમા કાતબ્બા)… સમનન્તરપચ્ચયેન પચ્ચયો… નવ… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… નવ… નિસ્સયપચ્ચયેન પચ્ચયો… નવ… ઉપનિસ્સયપચ્ચયેન પચ્ચયો… નવ (આરમ્મણસદિસં, વિપાકો નત્થિ)… આસેવનપચ્ચયેન પચ્ચયો… પઞ્ચ.

કમ્મપચ્ચયો

૧૦૪. નીવરણસમ્પયુત્તો ચેવ નો ચ નીવરણો ધમ્મો નીવરણસમ્પયુત્તસ્સ ચેવ નો ચ નીવરણસ્સ ધમ્મસ્સ કમ્મપચ્ચયેન પચ્ચયો – નીવરણસમ્પયુત્તા ચેવ નો ચ નીવરણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (મૂલં કાતબ્બં) નીવરણસમ્પયુત્તા ચેવ નો ચ નીવરણા ચેતના સમ્પયુત્તકાનં નીવરણાનં કમ્મપચ્ચયેન પચ્ચયો. (મૂલં કાતબ્બં) નીવરણસમ્પયુત્તા ચેવ નો ચ નીવરણા ચેતના સમ્પયુત્તકાનં ખન્ધાનં નીવરણાનઞ્ચ કમ્મપચ્ચયેન પચ્ચયો. (૩)

આહારપચ્ચયાદિ

૧૦૫. નીવરણસમ્પયુત્તો ચેવ નો ચ નીવરણો ધમ્મો નીવરણસમ્પયુત્તસ્સ ચેવ નો ચ નીવરણસ્સ ધમ્મસ્સ આહારપચ્ચયેન પચ્ચયો… તીણિ… ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… નવ… અત્થિપચ્ચયેન પચ્ચયો… નવ… નત્થિપચ્ચયેન પચ્ચયો… નવ… વિગતપચ્ચયેન પચ્ચયો… નવ… અવિગતપચ્ચયેન પચ્ચયો … નવ.